Barreiros

Etiquetas:
16/04/2016
A IV Carreira Popular das Praias celebrarase en Barreiros o vindeiro 8 de maio. As inscricións xa están abertas.
 
O Vicepresidente da Deputación, o nacionalista Antonio Veiga, acompañado dos organizadores da proba, José Carlos Díaz, Xoel Díaz Agustín Pérez, Xesús Seivane e Iván Labrada, participaron na presentación da IV Carreira Popular das Praias, a proba parte da iniciativa de diversos grupos de entidades de Barreiros como son Peña Barcelonista San Miguel, Hotel Ría do Masma, Café Bar Moderno, Casa Elena Turismo Rural, Actiboot, Valea Taxi e Pinturas Centeno.
 
A Carreira das Praias do 2016 celebrarase o vindeiro 8 de maio e contará con saída en Punta Anguieira a partir das 11 horas da mañá, que será o momento no que tomen a saída ós participantes das categorías infantís, posteriormente, as 11:45 tomarán a saída os participantes da categoría...
leer más
05/04/2016
Ata o 29 de abril pódese visitar na Biblioteca Pública Municipal de Barreiros a exposición ¡¡Abril...Libros mil!!.
 
O Concello organiza unha exposición de libros durante este mes de abril con motivo da celebración do Día Internacional do Libro o vindeiro día 23.
 
A Concellería de Cultura e a Biblioteca Pública Municipal organizan este mes una exposición titulada ¡¡Abril…Libros Mil!! Con motivo da celebración o pasado día 2 do Día Internacional do Libro Infantil e Xuvenil e o vindeiro día 23 do Día Internacional do Libro.
 
A mostra recolle as novidades e os libros máis lidos da Biblioteca e pode visitarse na propia Biblioteca, situada no centro sociocultural Manuel Díaz Sampedro de luns a venres en horario de 10:00 a 14:00 horas e de 17:00 a 19:00 horas.
... leer más
31/03/2016
O cantautor galego Manolo Couto presentará este domingo, 3 de abril, o seu cuarto disco "Tesouros ocultos" en Barreiros.
 
Este domingo, 3 de abril, o intérprete galego Manolo Couto presentará o disco titulado Tesouros Ocultos.  Será no centro sociocultural Manuel Díaz Sampedro ás 18:30 horas e está organizado pola Concellería de Cultura de Barreiros a través da súa Oficina de Información Xuvenil.
 
Neste espectáculo musical o cantautor, humorista e intérprete galego presentará o que é o seu cuarto disco e que leva por título Tesouros Ocultos. Este traballo está composto por famosos clásicos do vinilo como Os Panchos ou Pucho Boedo, e composicións do propio Manolo Couto con denuncia de temas de actualidade tales como o maltrato ou os incendios forestais.
 
 
31/03/2016
O Concello de Barreiros organiza unha peregrinación polo Camiño Primitivo que comezará o 16 de abril. Dividirase en oito etapas que se levarán a cabo os sábados.
 
O Concello organiza unha peregrinación a Santiago de Compostela a través do Camiño Primitivo. Esta actividade está programada pola Concellería de Medio Ambiente que dirixe José Manuel Gómez Puente.
 
Segundo explica o edil popular “a peregrinación dividirase en oito etapas que se realizarán os sábados cun percorrido de vinte quilómetros cada unha delas. Comezaremos na Fonsagrada o 16 deste mes e remataremos a xornada no Cádavo. A viaxe farase en autobús ata o comezo de cada etapa. A saída do autocar será da praza do Concello. Haberá ademais un autobús escoba ou de apoio”.
 
O custe das oito etapas será de 50 euros por persoa e os...
leer más
Etiquetas:
21/03/2016
Barreiros organiza "Viaxes culturais" os días 25 e 26 de marzo. Trátase de rutas guiadas en autobús para dar a coñecer o patrimonio natural e cultural do municipio.
 
O Concello, en colaboración coa Aciam de Barreiros e coas asociacións Barreiros Mar e Monte e Luz de Tea, poñen en marcha esta Semana Santa o proxecto Viaxes Culturais, os días 25 e 26 de marzo.
 
Estas viaxes consisten en rutas guiadas en autobús dirixidas a todas aquelas persoas que desexen coñecer máis profundamente o patrimonio natural e cultural deste municipio de A Mariña luguesa. As Viaxes Culturais realizaranse os días 25 e 26 de marzo, ás 10.00 da mañá.
 
Segundo explicaron os organizadores na presentación, que tivo lugar esta mañá, no centro sociocultural Manuel Díaz Sampedreo, “esta  constitúese coma unha viaxe a través do patrimonio...
leer más
Etiquetas:
20/03/2016
Pensamento e Sementeira organiza unha excursión a Santo Estebo do Ermo (Barreiros) o vindeiro 3 de abril.
 
O colectivo viveirés Pensamento en Sementeira dá comezo á súa programación da primavera de 2016 cunha visita guiada á fermosa paraxe de Santo Estebo do Ermo, en Barreiros.
 
A excursión, aberta e gratuíta, será o domingo 3 de abril. Un autobús, que sairá desde a oficina de turismo de Viveiro  o primeiro domingo de abril ás 9 da mañá, achegará ás persoas participantes a Barreiros. Desde esta localidade mariñá os excursionistas percorrerán a pé e guiados por membros da asociación cultural Irmandade Santo Estevo a fermosa paraxe da fonte de Augas Santas e visitarán os restos da ermida, a fervenza e a fonte de Santa Rosa.
 
Ao remataren o percorrido a pé, que...
leer más
16/03/2016
O 20 de marzo haberá teatro no Centro Sociocultural Manuel Díaz Sampedro, en Barreiros.
 
Este domingo, 20 de marzo, ás 18:30 horas no Centro Sociocultural Manuel Díaz Sampedro o grupo de teatro Faro-Miño porá en escena a obra "Os Trillizos da Socorro".
 
Trátase dunha comedia costumista para todos os públicos que narra a historia de Socorro que vive cos seus trillizos, tres nenos en corpo de home. A historia pega un xiro cando decide contratar unha asistenta.
 
A representación organizada pola Concellería de Cultura de Barreiros e da Oficina de Información Xuvenil, terá lugar a partir das seis e media da tarde no Centro Sociocultural Manuel Díaz Sampedro. 
 
Etiquetas:
11/03/2016
O 14 de marzo dará comezo en Barreiros unha nova edición do curso "Aprende a usar o Smartphone". Pola anterior, que foi un éxito, pasaron 30 persoas.
 
O alcalde, Alfonso Fuente, clausurou nas últimas horas o curso "Aprende a usar o Smartphone", que se impartiu na aula CeMIT de Barreiros ao longo das últimas semanas e ao que acudiron 30 persoas. 
 
Segundo explica o técnico da aula CeMIT barreirense, Manuel Pérez, “os asistentes aprenderon o funcionamento básico dun Smartphone, a facer fotos e vídeos, a conectarse a internet e a descargar e instalar aplicacións para engadirlle máis funcións aos móbiles”. 
 
Esta edición contou coa colaboración da Fundación Vodafone, que cedeu 12 Smartphones para que os asistentes que non tiveran un móbil de última xeración puideran practicar mentres seguían o curso. ...
leer más
Etiquetas:
20/02/2016
A Aula CeMIT de Barreiros organiza un curso para aprender a usar o smartphone. Está destinado ás persoas maiores e dará comezo o 29 de febreiro.
 
A aula CeMIT de Barreiros organiza un curso denominado Aprende a usar o Smartphone, para introducir ás persoas maiores no manexo dos teléfonos móbiles intelixentes.
 
A actividade, que comeza o 29 de febreiro na aula CeMIT, contará coa colaboración da Fundación Vodafone, que cederá durante os días de curso diversos terminais telefónicos para facilitar a aquelas persoas que non dispoñan deles o seu manexo. Ademais, os participantes recibirán uns manuais en papel que recollerán dunha forma visual sinxela as operacións básicas (acender, chamar, gardar números, etc) así como exemplos de aplicacións básicas e de interese para este colectivo.
 
As persoas...
leer más
Etiquetas:
15/02/2016
O "Tango" soará este domingo, 21 de febreiro, no Centro Sociocultural Manuel Díaz Sampedro, en Barreiros.
 
O espectáculo "Tango" porase en escena este domingo, día 21, no Centro Sociocultural Manuel Díaz Sampedro de Barreiros.
 
O grupo Nova Poesía ofrecerá este espectáculo de audición musical no que versionará famosos tangos dentro do panorama histórico-musical. Este grupo está integrado por profesionais da música que interpretarán as pezas á guitarra, bandurria e rapsodia.
 
O concerto que terá lugar este domingo, día 21, comezará ás seis e media da tarde no Centro Sociocultural Manuel Díaz Sampedro de Barreiros.
 
Esta actividade está organizada polo Concello de Barreiros a...
leer más