Barreiros
25/10/2015
A Concellería de Cultura organiza a través da Oficina de Información Xuvenil e da Biblioteca un obradoiro de técnicas de relaxación e concentración dirixido a nenos e nenas con idades comprendidas entre os 6 e os 12 anos. O curso desenvolverase do 28 de outubro deste ano ao 31 de maio de 2016, todos os mércores de 17:15 horas a 18:15 horas. A actividade terá lugar no Centro Sociocultural Manuel Díaz Sampedro.
As prazas son limitadas así que cómpre inscribirse ata cubrilas na Oficina de Información xuvenil ou na Biblioteca.
Na actividade colabora a Xunta de Galicia a través da Dirección Xeral de Xuventude.
25/10/2015
Máis de 20 persoas participan nesta nova montaxe, “Noite de Reis”, que Ollomao leva máis dun ano preparando.A estrea será ás 20:30 horas no pavillón dos colexios de San Miguel e as entradas, que xa están á venda, custan 4 euros.
Estamos no ano 1982. Sebastián e Violeta son dous irmáns mellizos fillos do gobernador do estado imaxinario de Masalia que acaba de ser derrocado por un golpe de estado. Eles dous foxen ao exilio nun barco de Burela que pescaba na costa dese país e que foi fletado para transportalos á salvación nun país do norte de Europa. A mala sorte quixo que o barco encallase fronte ás costas da Mariña. Sebastián, acompañado do capitán do barco, logra chegar á praia da Arealonga, e aí empeza unha continua sucesión de equívocos que non se resolverá ata o final...
leer más 21/10/2015
O grupo teatral Ardora leva este domingo, 25 de outubro, ao Centro Sociocultural Manuel Díaz Sampedro a súa peza Soños cumpridos, unha sesión de teatro coa que colaboran a Concellaría de Cultura e a Oficina de Información Xuvenil do Concello de Barreiros. O evento, que comeza ás 18 horas, está enmarcado no programa Buxiganga que patrocina a Deputación de Lugo.
09/10/2015
O Colectivo Cultural Ollomao convoca a quinta edición do certame fotográfico “Enfocando Barreiros”. Coa finalidade de colaborar na promoción das actividades que contribúen á dinamización da localidade, Ollomao súmase á carreira “Monte Comado Trail + ½ km. vertical”, centrando nesta e nas paisaxes do percorrido da mesma, a temática deste certame. Dende o Colectivo Cultural Ollomao preséntase esta iniciativa coa pretensión de contribuir a dar a coñecer a riqueza natural barreirense, á vez que se colabora na promoción das alternativas lúdicas e deportivas que este entorno ofrece.
Un dos requisitos deste concurso é que as fotografías participantes deben estar realizadas o domingo, 11 de outubro, no tempo de duración da proba deportiva. Asimesmo, as imaxes participantes, aínda podendo ter como elemento central a paisaxe, deberán conter algún elemento...
leer más 07/10/2015
O Concello de Barreiros, a través do departamento de Servizos Sociais, organiza a partir do vindeiro19 de outubro os obradoiros e actividades lúdicas para a terceira idade, de luns a xoves en horario de 16 a 18 horas. As actividades realizaranse no centro sociocultural Manuel Díaz Sampedro e van dirixidas a maiores de 65 anos, xubilados que superen os 60 ou persoas con discapacidade do municipio, que se consideren idóneas para participar nos obradoiros.
O departamento de Servizos Sociais tamén explica que “para anotarse ou para solicitar máis información é preciso acudir ao centro sociocultural Manuel Díaz Sampedro no horario da actividade. Son talleres lúdicos con actividades de aprendizaxe e festivas, coas que se pretende favorecer o proceso de envellecemento, dando a...
leer más 04/10/2015
A Aula CeMIT de Barreiros acollerá ata final de ano catro cursos sobre novas tecnoloxías, dirixidos a todos os públicos. O primeiro deles, de Iniciación á Informática, de nivel 0, comezará a impartirse o 13 de outubro, e prolongarase ata o día 22. Do 27 de outubro ao 5 de novembro ofertarase o curso de Iniciación a Internet, de nivel 1; do 10 ao 19 de novembro ensinarase a utilizar o Correo Electrónico e Facebook, de nivel 2; mentres que do 24 de novembro ao 3 de decembro se impartirá o curso de Manexo de móbiles táctiles (smartphone).
Todos os cursos, totalmente gratuítos, se impartirán no mesmo horario, de 16.30 a 18.00 horas. As prazas son limitadas, polo que desde a Aula CeMIT animan a anotarse canto antes para poder acceder a...
leer más 23/09/2015
O Concello organiza, a través da Concellaría de Cultura e da Oficina de Información Xuvenil, dous obradoiros entre outubro e maio sobre técnicas de relaxación, respiración e concentración. Haberá dous cursos, un para adultos e outro para nenos de entre 6 e 12 anos. Ambos terán lugar no centro sociocultural Manuel Díaz Sampedro.
O obradoiro de técnicas de relaxación, respiración e concentración para adultos desenvolverase entre outubro e maio os luns e os venres de 10:30 a 11:30 horas.
No caso do obradoiro de relaxación e concentración, destinado a nen@s de 6 a 12 anos, dará comezo o 21 de outubro e rematará o 31 de maio. Será impartido os mércores de 17:15 a 18:15 horas.
... leer más 22/09/2015
O Concello, a través do Departamento de Servizos Sociais, ten programado para o vindeiro mes de outubro un curso de manualidades que terás tres localizacións diferentes no municipio.
Os martes e os venres celebrarase en horario de 15:30 a 19:30 horas no Canteiro, en San Pedro; os mércores terá lugar no mesmo horario no local social de San Xusto e os xoves nas escolas de Celeiro de Mariñaos, tamén na mesma franxa horaria que os anteriores.
As clases comezan ao día 1 de outubro e a inscrición realizarase nos propios cursos.
15/09/2015
As beiras do río Masma, en Celeiro de Mariñaos (Barreiros) acollerán este sábado a IV edición do Festival 'Ao Son do Masma' para reivindicar a limpeza, rexeneración e posta en valor deste río declarado Lugar de Interese Comunitario e incluído na Rede Natura pero sumido nos últimos anos nun considerable estado de abandono por parte das administracións con competencias.
O Festival, que está organizado polo Colectivo Cultural Ollomao de Barreiros coa colaboración da Irmandade San Caetano, a asociación de veciños de Celeiro de Mariñaos, incluirá actividades durante todo o día, que rematarán xa pola noite cun festival de música galega cos grupos Os Milesios, Ataque Escampe e Tardepiache.
04/09/2015
O vindeiro 18 de setembro terá lugar o V Día Solidario, con cea-baile benéfica, que organizan a Rede de Voluntariado Local e a Concellería de Servizos Sociais de Barreiros. O recadado será destinado á asociación Piel de Mariposa Debra España.
A cea celebrarase no restaurante A Ribeira a partir das 21:30 horas. O prezo do cuberto por persoa será de 20 euros. Os nenos e nenas de ata 10 anos pagarán 10 euros.
As persoas interesadas en acudir deben anotarse antes do día 16 deste mes nos seguintes teléfonos: 661 07 83 23 ou 982 124 002.
Durante esta cea-baile benéfica intervirá un representante da asociación Piel de Mariposa Debra España. Os organizadores explican que haberá sorteo de agasallos...
leer más