Burela
Burela acollerá o día 21 de xovembro, xoves, unha xornada formativa a cargo do psicólogo deportivo Pep Marí. Será ás 19:00 horas no auditorio municipal de Burela, con entrada gratuíta a cambio de alimentos non perecedoiros que serán destinados a Cáritas Valencia.
A Real Federación Galega de Fútbol explica que “a devastación causada pola DANA en Valencia espertou en Galicia, e no resto do país, un auténtico despregamento de solidariedade. Agrupacións, veciños, concellos de numerosas localidades, voluntarios e clubs de fútbol mobilizáronse con prontitude para axudar aos damnificados coa organización de puntos de recollida e recadación de axuda, que farán chegar ata os municipios da Comunidade Valenciana golpeados polas inundacións. O fútbol volveu amosar que sempre responde en situacións críticas, ao igual que a Real Federación Galega de...
leer más
Burela acollerá, no Auditorio Municipal, un concerto do cantante extremeño Huecco como parte da iniciativa Escenario Dial da radio Cadena Dial.
A cita será o 14 de novembro ás 20:30 horas. As entradas serán gratuítas, pero, por cuestións de aforo, será necesario descargalas previamente na web seetickets.com
Huecco repasará no concerto tanto as súas novas cancións como os éxitos da súa traxectoria. O evento conta co patrocinio da Deputación de Lugo e a colaboración do Concello de Burela e o Hotel Nordés.
Con Escenario Dial, Cadena Dial colabora cos artistas que máis soan na emisora, cun formato íntimo e minimalista que percorre toda España co obxectivo de amosar a esencia detrás de cada canción. Deste xeito, xa pasaron por Galicia, en formato acústico, artistas como Ana Guerra, Taburete,...
leer más
O Concello de Burela organiza unha nova edición do seu mercado de Nadal. Este evento, que se celebra cada ano na localidade, terá lugar esta vez nunha xornada única o día 30 de novembro, sábado, en horario continuo de 10:30 a 21:00 horas.
Todas aquelas persoas e entidades interesadas en participar poden inscribirse ata o 22 de novembro, ben de maneira presencial no punto de información da Casa do Concello ou enviando un correo electrónico a cultura@burela.org.
O Mercado de Nadal é unha iniciativa do Concello de Burela que “ten como obxectivo de fomentar o comercio local e dar visibilidade ao traballo de artesáns e emprendedores da comarca”. A concelleira de Cultura, Lina Gómez Pardo, afirma que “este mercado non só apoia aos nosos comerciantes e artesáns, senón que tamén...
leer más
Burela acollerá, no salón de conferencias, a presentación da 'Guía Micolóxica Básica da Provincia de Lugo'. O acto está impulsado pola Sociedade Micolóxica Lucus en colaboración co Concello, e terá lugar ás 19:00 horas deste xoves, día 7 de novembro.
O Concello de Burela explica que “esta guía, coordinada por Antonio Rigueiro e Julián Alonso e na que tamén colaboran como autores José Castro Ferreiro e María Cristina García-Echave, pretende ser unha ferramenta de utilidade para todas aquelas persoas interesadas en iniciarse no mundo da macromicoloxía en xeral e na realidade da provincia de Lugo en particular. A ‘Guía micolóxica básica da provincia de Lugo’ ofrece un amplo compendio informativo, a través do que se afonda en distintos conceptos básicos sobre fungos, a súa identificación, a súa toxicidade e mesmo respecto da súa aptitude para o consumo. A obra...
leer más
A Sociedade Cultural Recreativa Ledicia, de Burela, inicia as actividades para celebrar o seu 50 aniversario cunha cea que se celebrará o día 22 de novembro, venres, ás 22:00 horas. As prazas son limitadas e prazo para comprar os tickets remata o 19 de novembro.
A Sociedade Cultural Recreativa Ledicia, de Burela, anuncia que “50 anos atrás un grupo de xente traballaba en Burela pola creación dunha asociación coa finalidade de promover actividades socioculturais na vila. E xa que chegamos ata aquí queremos compartir esa celebración con tódalas persoas que desexen acompañarnos. Os primeiros actos serán unha cea conmemorativa o 22 de novembro no Hotel Nordés e unha misa en recordo das moitas persoas que faltan o 1 de decembro”.
O Concello de Burela e Os Asadores Burela organizan este sábado, día 9 de novembro, a novena edición da Festa da Castaña.
A celebración terá lugar, como é habitual, na praza da Mariña a partir das 17:30 e contará con numerosas actividades para todos os públicos.
A IX Festa da Castaña comezará cuns xogos para a cativada a cargo da xoguetería Xogando nas Nubes e mais co obradoiro de zonchos impartido polas monitoras do Centro de Educación Medioambiental Gaia.
A partir das 18:00 comezará o reparto de comida e bebida, con castañas, bolos preñados, auga e viño. Tamén haberá música ao longo da xornada.-
A concelleira de Cultura, Lina Gómez Pardo, convida á veciñanza "a asistir un ano máis a esta gran festa, que xa conta cun amplo percorrido na nosa vila".
O centro social Xebra, en Burela, celebrará a segunda edición dos seus Sábados Electrónicos o día 2 de novembro, a partir das 22 horas, con entrada a 6 euros para persoas socias e 8 euros para non socias.
A asociación cultural Xebra explica que “os artistas convidados son Cartucho e F1N05. O primeiro é un artista natural do Valmiñor afincado en Santiago de Compostela. Leva pinchando desde o ano 2021 en diferentes formatos e estilos, aínda que con predominio do break. Forma parte do colectivo Kadiq, que organiza festas deste xénero en Madrid e Galicia, e ademais desde 2020 presenta o podcast ‘Tendiendo a Cero’. E FIN05 presentará o seu novo proxecto audiovisual cun directo cheo de sintes modulares, moogs, distorsión, tecno hipnótico e ruidismo épico”.
O Concello de Burela celebrará o Día das Bibliotecas cun taller de creación de marcapáxinasna Casa da Cultura.
Esta actividade está organizada polo Centro de Educación Medioambiental Gaia, e terá lugar este venres, día 25 de outubro, de 17:00 a 19:00.
O Día das Bibliotecas celebrase cada ano o 24 de outubro. Trátase dunha iniciativa impulsada polo Ministerio de Cultura do Goberno de España.
O obradoiro será gratuíto e aberto, e porá o acento na sustentabilidade, empregando materiais cotiáns e reutilizados para crear marcapáxinas personalizados baixo o lema "Por un futuro sostible".
Lina Gómez, Concelleira de Cultura e responsable do Centro de Educación Medioambiental Gaia, convida á veciñanza a "participar desta actividade para promover a lectura especialmente...
leer más
Burela acollerá, no salón de conferencias da antiga biblioteca, un curso sobre acoso escolar e ciberacoso, actividade que terá lugar o día 29 de outubro, martes, de 16:00 a 22:00 horas.
A inscrición realizarase na Casa do Concello e no número de teléfono 982.58.60.00, en horario de 9:00 a 14:00. As prazas limitadas.
O Concello de Burela anuncia que se trata dun curso “acreditado pola asociación de familias e mulleres no mundo rural AFAMMER na provincia de Lugo, e está dirixido a nais, pais, coidadores, coidadoras, ...”.
A sala de exposicións da Casa da Cultura de Burela acollerá a mostra titulada “Sobre as nosas cabezas”, da fotógrafa e artista Cristina Castro. A súa inauguración terá lugar este venres, día 25 de outubro, ás 19:00 horas. A partir de aí poderase visitar a exposición de luns a venres en horario de 11:00 a 13:00 e de 18:00 a 20:00 horas ata o 15 de novembro.
O Concello de Burela explica que nesta mostra “Cristina Castro amosa un percorrido que nace en 2005 en Guinea Bisau, conectando as imaxes de mulleres cargando sobre as súas cabezas nese país e en Galicia. A investigación sobre este fenómeno levou á artista a retratar para esta exposición a mulleres de Cabo Verde, Brasil, Haití, República Dominicana e India. O seu obxectivo é abordar temáticas como o non ao maltrato, non ao racismo, si á igualdade, si ao respecto á natureza, si á solidariedade, si ao...
leer más