Burela
A Delegación de Deportes e Servizos Socias do Concello de Burela leva a cabo o programa Envellecemento Activo-Ximnasia para xoves de +60. As persoas interesadas poden inscribirse dende o día 9 ata o 18 de setembro na Casa do Concello.
O programa está dirixido a persoas maiores activas e ofrece ximnasia, xogos e actividades diversas.
Desenvolverase en tres grupos: o primeiro será os luns e mércores de 10 a 11 da mañá; o segundo grupo tamén luns e mércores de 11 a 12 do mediodía; e o terceiro grupo reunirase os martes e os xoves en horario de 10:00 a 11:00. As actividades levaranse a cabo na Praza de Abastos.
O Concello de Burela fai público o listado de actividades deportivas dispoñibles neste curso 2024/2025 para a cativada e a mocidade do municipio.
Trátase de actividades organizadas polas escolas deportivas municipais e polos diferentes clubs existentes en Burela.
“A práctica do deporte e os hábitos de vida saudables desde idades moi tempranas son unha prioridade de goberno para o Concello de Burela”, explica o concelleiro de Deportes, Carlos Méndez.
Entre as modalidades deportivas dispoñibles hai fútbol, baloncesto, fútbol sala, ximnasia rítmica, tenis, taekwondo, balonmán, patinaxe, patinaxe artística, tenis, rutas en bici e xadrez.
O auditorio da Casa de Cultura de Burela acollerá un concerto de habaneras o día 14 de setembro, sábado, ás 20:00 horas. Está organizado pola Coral Polifónica de Burela, que actuará xunto á Rondalla de Cariño e a coral polifónica dese mesmo concello coruñés.
A Coral Polifónica de Burela anuncia que “chegarán dende Cariño (A Coruña) a Coral Polifónica e a Rondalla, que nos deleitarán co seu repertorio nesta xornada de concerto dedicada ao xénero musical das habaneras. Será unha xornada fermosa que nos gustaría compartir con todos vós, polo que convidámosvos ao concerto, e, para facelo máis interesante, ao final do mesmo sortearemos unha cesta de produtos cortesía dos comercios locais”.
O Concello de Burela anuncia que este domingo, día 8 de setembro, terá lugar a proba 15K A Mariña Banco Mediolanum, desde Burela ata Foz.
Haberá tamén unha andaina e carreiras para menores de idade. A xornada terá unha fin solidaria, en favor de Buen Pastor Centro Ollos Grandes Lugo. Doarase un euro de cada inscrición a esta organización e se abrirá unha Fila 0 para quen non poida participar pero queira aportar á causa.
As inscricións atópanse abertas ata este mércores, 4 de setembro, na páxina web do evento: bancomediolanum15kseries.com
A saída da 15K e da andaina será dende o Activity Center, de Burela, comezando ás 10 horas a andaina y ás 11:00 a 15K, para percorrer...
leer más
O Concello de Burela organiza un curso de técnicas de estudo. Esta actividade, dirixida a pais e nais, terá lugar o día 17 de setembro, martes, de 16:00 a 22:00 no salón de conferencias da antiga biblioteca municipal.
A inscrición realizarase na Casa do Concello e no número de teléfono 982.58.60.00 de 9:00 a 14:00 horas.
O Concello de Burela explica que se trata dun curso acreditado polo Grupo Forma-T, de formación integral de empresas, e pola asociación de familias e mulleres no mundo rural AFAMMER na provincia de Lugo.
El Patronato de la Fundación Expomar se reunió en la última semana de agosto con la mirada puesta en su gran cita del próximo año: el vigésimo aniversario de la feria monográfica Expomar, que celebrará con el objetivo de volver a convertir Burela en la capital del mundo del mar durante unos días y superar los récords de superficie de exposición y participantes de la anterior edición.
“Una de las metas de la feria será atraer nuevas empresas de los sectores náuticos y deportivos, abriéndose especialmente al mundo del turismo marinero, del que Expomar y Burela seguiremos siendo de sus principales promotores en España”, asegura Carmela López, presidenta de la Fundación Expomar y alcaldesa de Burela.
Como ya es habitual, de forma paralela a la feria se celebrarán las Xornadas Técnicas y el Encontro Empresarial de...
leer más
A Asociación Deportiva de Sendeirismo Pasada das Cabras, de Burela, organiza unha nova ruta o domingo, 8 de setembro, para todos os afeccionados á natureza e ao sendeirismo. Nesta ocasión, será ata As Xanas, en Proaza, Asturias, para percorrer unha ruta de 8 quilómetros, de dificultade fácil e con traxecto lineal (ida e volta).
O prezo para participar é de 35 euros para os socios e 45 euros para os non socios, incluíndo o autobús, a comida e o seguro. A saída realizarase ás 8:00 da mañá dende a estación de autobuses de Burela. Recoméndase aos participantes levar bastón e calzado adecuado para garantir unha experiencia máis segura e cómoda.
As inscricións pódense realizar a través do grupo de WhatsApp da Asociación ou chamando aos números 666609875 e 676023177, antes do xoves 5 de setembro.
... leer más
A Asociación Española Contra o Cancro en Lugo organiza un taller de ioga en Burela para pacientes e familiares. O Concello colabora coa AECC Lugo na organización deste obradoiro, que terá lugar todos os luns de 12:00 a 13:00 horas. Será na sala multiusos da Casa da Cultura de Burela con entrada de balde.
As inscricións poden facerse a través do número de teléfono 658.872.196 ou do correo electrónico lugo@contraelcancer.es.
Burela celebrará do martes 27 de agosto ao venres 30 a súa Festa do Verán. Será na Praza do Concello, con entrada de balde, e nela haberá deslizadores acuáticos e moito máis.
O horario do martes será de 16:30 a 20:00 e nos días restantes de 11:30 a 14:00 e de 16:30 a 20:00 horas.
A asociación deportiva de sendeirismo Pasada das Cabras convoca a todos os afeccionados ao sendeirismo a participar na ruta nocturna entre Fazouro e Burela, que terá lugar o vindeiro sábado, 24 de agosto.
A actividade comezará coa saída en tren desde a estación de Burela ás 21:40 horas, en dirección á de Fazouro. Unha vez alí, os participantes emprenderán o camiño de volta a pé ata Burela, nunha ruta de 10 quilómetros de dificultade baixa.
O prezo para participar é de 5 euros, e inclúe a viaxe en tren e unha chocolatada á chegada, que se servirá na cafetería Boas Migas. Para garantir a seguridade dos sendeiristas recomendase levar chaleco reflector e lanterna.
As inscricións pódense realizar no grupo de WhatsApp da asociación ou a través dos números 666609875 e 676023177, antes do xoves...
leer más