Burela

O VII Torneo Marosa Cup de fútbol reunirá a máis de 40 equipos en Burela os días 24 e 25 de xuño. O evento deportivo foi presentado nas últimas horas. 

O concelleiro de Deportes, Ramiro Fernández, contou que “se trata dun torneo que xa está máis que asentado no calendario de torneos que se fan nestas datas en Galicia. Van participar máis de 40 equipos este ano, co que pega un salto de calidade importante nesta edición, que conta co apoio do Concello de Burela e da Deputación de Lugo”.

O edil burelés subliñou que “o Concello está a disposición do Porto de Burela e da SD Burela como organizadores, para axudarlles a que todo salga o mellor posible. Queremos agradecerlles ás directivas o traballo que fan por manter este gran torneo, que sabemos que supón pola súa parte un grandísimo esforzo”.

Concello de Burela e comisión organizadora das festas propóñenlle ás atraccións do recinto feiral que funcionen sen música durante unha hora, de seis a sete da tarde, do 2 ao 5 de xuño para facilitar o disfrute das persoas afectadas por alteracións do espectro autista. 

A concelleira de Festexos e presidenta da comisión organizadora, Toñi Eijo, explicou que “desde o Concello e desde a comisión organizadora das festas para facilitar que as persoas afectadas por alteracións do espectro autista, que padecen de problemas sensoriais, solicitamos ao recinto feiral de atraccións que ofreza os días 2, 3, 4 e 5 en horario de seis a sete da tarde o funcionamento desas atraccións sen música para que estas persoas disfrutar dos nosos festexos”.

Eijo engadiu que “todas e todos temos o dereito de poder gozar das nosas festas...

O vindeiro xoves, 25 de maio, ás 20:00 horas será inaugurada na Biblioteca Pública Municipal a exposición "Burela a través dos libros das festas" onde se poderán visualizar exemplares que datan desde o ano 1950 ata o 1999.

A mostra permanecerá aberta ata o 12 de xuño e poderá ser visitada de luns a venres de 9:00 a 13:00 e de 17:00 a 20:00 horas.

Xa o venres, día 26, ás 21:00 horas será a misa na honra da Virxe do Carme e a procesión desde a igrexa da Vila do Medio ata parroquial, que estará acompañada da Banda de Gaitas Dambara.

O sábado, día 27, terá lugar o pregón a cargo de Albano González Cancio na Casa da Cultura, e actuación da Escola de Música de Burela. Ao seu remate está prevista a actuación tamén do dúo Manopuesta.

E o domingo 28 será o día infantil con inchables na praza do Concello ao longo da tarde. Esa xornada celebrarase tamén unha nova...

Ibuprofeno Teatro presenta o vindeiro sábado, 20 de maio, ás 20:30 horas 'Smoke on the water' na Casa da Cultura de Burela. A montaxe da compañía de Ibuprofeno Teatro, que toma o seu título do mítico tema da banda inglesa Deep Purple, é unha traxicomedia sórdida con música en directo ambientada no universo do rock dos 70. 

O texto de Santiago Cortegoso, quen asina tamén a dirección, recibiu o Premio Mome Varela Buxán de textos teatrais no 2013 e está editado por Positivas, nun único volume xunto ao último texto de Cortegoso 'O mel non caduca'. En escena Josito Porto, Belén Constenla, Adrián Rios e María Costas dan vida a uns personaxes fracasados e maltratados pola vida. Acompáñaos no escenario o músico Mon Orencio que se encarga tamén do espazo sonoro. Salvador del Río no deseño de iluminación, Pablo Giráldez 'O Pastor' no deseño do...