Burela
O vindeiro 29 de xullo terá lugar a sétima edición da carreira Burela Bonita a partir das 19 horas. O evento foi presentado hoxe pola alcaldesa, Carmela López, e polos concelleiros de Mocidade e Deportes, Mario Pillado e Carlos Méndez.
O percorrido será de 5 quilómetros e haberá premios para as categorías absoluta masculina e feminina, que consistirán en Trofeo e 100 euros para os primeiros, Trofeo e 50 euros para os segundos e Trofeo para os terceiros.
As inscricións poden realizarse en www.sportmaniacs.com O edil de Deportes contou que “os participantes nas categorías absolutas que se inscriban ata o 23 de xullo pagarán unha cota de 8 euros e os que o fagan do 24 ao 27 de xullo abonarán 10 euros. Para as categorías menores os que se anoten ata o 23 deste mes poderán...
leer más
O Concello de Burela aposta por darlle vida aos barrios históricos da vila aos que achegará o cine ao aire libre este verán.
A concelleira de Cultura, Lina Gómez, explicou que “a primeira sesión de Cine na Rúa terémola este venres, 14 de xullo, ás 22:30 horas na Praza do Concello, onde proxectaremos Lightyear 2022”.
A edil burelesa adiantou que “haberá máis Cine na Rúa o 28 de xullo, o 10 e o 18 de agosto”.
Gómez subliñou que “con esta actividade queremos promover a cultura do cine. Asemade queremos potenciar e abrir este tipo de eventos noutras zonas da vila como son as Casas Baratas, saíndo así das prazas habituais. Incluso unha veciña do barrio nos contou que lle parecía unha boa idea, e que lle recordaba á súa nenez cando proxectaban nunha saba as películas”.
... leer más
Comezan as Xornadas de Captación para que xoves menores de idade, das categorías cadete e xuvenil feminina e masculina podan probar o fútbol sala nas Escolas Deportivas Cabreiroá Burela FS de forma completamente gratuíta. A actividade terá lugar no Pavillón Municipal Vista Alegre de Burela nestes horarios:
Cadete masculino (nados en 2007-2008): xoves 20 e xoves 27 de xullo de 12:00 h a 13:00 h.
Xuvenil masculino (nacidos en 2004-2006): xoves 20 e xoves 27 de xullo de 13:00 h a 14:00 h.
Cadete feminino (nacidas en 2007-2008): martes 1 e xoves 3 de agosto de 12:00 h a 13:00 h
Xuvenil feminino (nacidas en 2004-2006): martes 1 e xoves 3 de agosto de 13:00 h a 14:00 h.
O período de inscrición é do 7 de xullo ao 3 de agosto a través do seguinte enlace:
...
Entre o 14 e o 30 de xullo celebrarase o IX Torneo de Tenis Concello de Burela Memorial José Luis Yebra. A inscrición está aberta ata o día 11.
O torneo disputarase nas modalidades de individual absoluto e dobres absoluto. Ademais de xoves promesas, na que haberá dúas categorías.
A inscrición pode realizarse por teléfono nos números 687 433 380 ou 630 744 347 ou no correo electrónico clubdetenisdelamarosa@outlook.com. O custe será de quince euros na categoría individual e cinco para os participantes de dobres e xoves promesas. En todos os casos trátase de xogadores non socios. As persoas interesadas en participar poden anotarse ata o vindeiro 11 de xullo ás doce da noite.
A competición, xa na súa novena edición, está organizada polo...
leer más
A Sociedade Cultural Ledicia comunica que o traballo gañador do concurso de carteis da XXXVII Feira do Bonito é o presentado por Shiva Eliska Alinda Nurhakim; e será a imaxe dos carteis e programas de man deste 2023.
Desde Ledicia felicitan á autora: “parabéns á autora e moitas grazas a tod@s @s participantes. Comeza unha conta atrás de pouco máis de un mes ...”.
As actividades de verán organizadas polo Concello de Burela terán lugar do 10 de xullo ao 31 de agosto, segundo deu a coñecer esta mañá o concelleiro de Deportes, Carlos Méndez. Están destinadas a nenas e nenos nados entre os anos 2010 e 2016.
O edil burelés explicou que “as actividades de verán realizaranse dende o 10 de xullo ata o 31 de agosto. Haberá xogos na praia os luns, rutas en bici os martes, happy dance os mércores, que será impartido por Belinda (Ximnasio Hawk) e rutas de sendeirismo os xoves. O prezo da actividade será de 8 euros ao mes por actividade e para anotarse hai de prazo dende o vindeiro luns, 3 de xullo, e ata o mércores, 5 de xullo, na Casa da Xuventude dende as 08:00 da mañá”.
Carlos Méndez engadiu que “a adxudicación de prazas farase por rigorosa orde de inscrición. Poderán participar...
leer más
Do 30 de xuño ao 2 de xullo terá lugar en Burela o primeiro campamento musical, que organizan Asuembu e o Concello. Está dirixido a nenas e nenos a partir de 8 anos.
O concelleiro de Educación e Escola de Música, Mario Pillado, sinalou que “a parte das actividades programadas para os participantes do campamento musical, estes poderán desfrutar o sábado pola tarde do concerto do grupo Música e Memes, formado por unha parte do profesorado. Logo o domingo será a quenda do alumnado no concerto do domingo, onde poderán mostrar parte do aprendido durante a fin de semana. Este tipo de actividades cremos que son de total proveito e trasladan o noso desexo de apostar pola cultura popular”.
O venres, 30 de xuño, haberá unha recepción ao alumnado e ás familias no Ceip Virxe do Carme ás tres da tarde e despois práctica...
leer más
Burela de Ruta Verán 23 é a oferta turística do Concello para este verán, que foi presentada este mediodía no Barco Museo Reina del Carmen. Trátase dun conxunto de visitas guiadas coas que se pretende dar a coñecer e poñer en valor o extenso patrimonio mariñeiro, o singular patrimonio xeolóxico, declarado geosite, e o patrimonio artístico-cultural, fomentando así un turismo de calidade, sostible e slow, para poder coñecer en profundidade o territorio, a súa esencia e idiosincrasia.
O concelleiro de Turismo, Ramiro Fernández, contou que “son actividades que se implantaron por primeira vez o ano pasado e funcionaron moi ben, polo que entendemos que temos que seguir nesa liña. Algunha xa leva varios anos funcionando, como as rutas da lonxa, que é unha das actividades con máis éxito e que máis lles gusta á xente e temos moita afluencia a elas...
leer más
O Concello ofrecerá unha recepción ás Guerreiras Laranxas mañá, 27 de xuño, despois de térense proclamado campioas de Liga esta pasada fin de semana.
A alcaldesa de Burela, Carmela López, explicou que “ás sete da tarde un tren turístico vai recoller ao equipo no pavillón Vista Alegre para percorrer as principais rúas da nosa vila e ás oito recibirémolas aquí na Praza do Concello”.
A rexedora convidou “a todos os veciños e veciñas a participar nesta homenaxe ás Guerreiras Laranxas. As rapazas do Pescados Rubén Burela FSF proclamáronse campioas de Liga esta pasada fin de semana, despois de ter conseguido a Copa da Raíña, a Supercopa de España e a Copa Xunta de Galicia esta tempada. Son unhas heroínas e esta homenaxe é mais que merecida, polo que supoñen para Burela e polos valores que transmiten sobre todo ás máis...
leer más
Burela celebrará este venres por segundo ano consecutivo a noite do San Xoan Castrexo con unha festa organizada pola Asociación Burela Castrexa, que tamén se encarga dos actos conmemorativos da “X Festa Castrexa”.
A noite de San Xoan celebrarase con unha parrillada popular a carón da praza do Concello, con sardiñada e churrascada ao prezo de 10 euros cada ración. A venda anticipada dos tickets remata este mércores 21 de xuño ao prezo reducido de 8 euros cada ración, e pódense adquirir en Gráficas Arfe, Perruquería Campón, Suministros Rol e Óptica Afflelou Burela.
A programación do venres de San Xoán comeza ás 20:30h co concerto gratuíto de “A Banda da Loba” na praza do Concello, e rematará de madrugada coa actuación da Orquesta Origen e de Dj Litainer.
Para amenizar a cea celebrarase unha...
leer más