Curso
Está aberto o prazo de inscrición do curso de bordado do Concello de Burela.
O curso terá lugar do 15 de setembro ao 15 de maio na Casa da Cultura, poidéndose elixir quenda entre os luns ou os mércores de 17:00 e a 20:00 ou os mércores, xoves ou venres de 10:00 a 13:00. O prezo de matrícula é de 30 euros.
As inscricións poderán realizarse só presencialmente, no Concello de 9:00 a 14:00, ata cubrir prazas, sendo imprescindible estar empadroado/a en Burela e traer copia do DNI.
A Escola de Vilaboa, no concello da Pontenova, acollerá un curso de fruticultura, concretamente de enxertos de xema, cunha duración de 12 horas. Será os días 19, 20 e 21 de setembro de 16:00 a 20:00 horas. Está dirixido a persoas traballadoras, autónomas e desempregadas.
As inscricións poden facerse até o 15 de setembro no teléfono 679.192.000 ou no correo electrónico meira@sindicatolabrego.gal.
A iniciativa enmárcase no programa “Avívate en Cervo VI” e está dirixida á rapazada maior de 18 anos
A inscrición é de balde, o prazo remata o 29 de xuño e as prazas son limitadas
O Concello de Cervo vén de abrir a convocatoria para un curso de monitor de tempo libre que se enmarca no programa Avívate en Cervo VI, dirixido a rapaces e rapazas maiores de 18 anos.
O curso, que é de balde, tivo unha gran acollida en anteriores edicións, tal e como apunta a alcaldesa Dolores García Caramés, polo que apostamos por seguir ofrecéndolle á nosa mocidade esta ferramenta formativa “que contribúe a dotalos da motivación e das habilidades precisas para o seu futuro, co obxectivo de contribuír a mellorar a súa empregabilidade nun mercado laboral cada vez máis competitivo”.
...
leer más
Acisa e a Escola Oficial de Idiomas de Ribadeo uníronse para levar a cabo un novo proxecto de formación en inglés para persoal de comercio e hostalaría.
Carmen Cruzado, a presidenta de Acisa, explicou que “hoxe vimos de presentar un novo proxecto que nos parece moi interesante, facémolo da man da Escola Oficial de Idiomas de Ribadeo coa finalidade de ofrecer a todos os traballadores e traballadoras do comercio e da hostalaría a realización dun curso de inglés especifico para todos eles. Con este curso o que pretendemos é dar un novo servizo dende a nosa entidade. Trátase de ofrecer formación en idiomas dun xeito técnico e adaptado ao vocabulario mais necesario para os profesionais destes dous grandes sectores económicos, cubrindo así unha demanda que vimos observando dende fai anos”.
Cruzado Iglesias subliñou que...
leer más
O Concello de Mondoñedo arranca a terceira edición do programa As TIC Na casa, iniciativa que se empezou a desenvolver en todas as parroquias despois do confinamento, para achegar aos maiores o uso das novas tecnoloxías. Nesta edición levarase a cabo en Mondoñedo centro, Oirán, Sasdónigas e Viloalle. O programa comeza agora e durará ata finais de setembro.
O envellecemento da poboación é unha das maiores preocupacións dos galegos. Para abordar a relación das persoas maiores coas TIC, o programa As TIC na Casa emprega dúas perspectivas: como usuarios activos que as usan para realizar tarefas de todo tipo (lecer, formación, xestión administrativa etcétera), ou como usuarios perceptores de servizos de apoio á súa vida diaria, cunha necesidade de interacción mínima coa tecnoloxía ou mesmo sen interacción algunha. Por outro lado, apoia á...
leer más
O salón de actos da Casa do Concello de Lourenzá acollerá do 4 ao 6 de setembro un curso de verán sobre Francisco Fernández del Riego na cultura galega do século XX.
A organización explica que “o obxectivo do curso é analizar a traxectoria, a obra e a achega de Francisco Fernández del Riego, como activista, intelectual, estudoso e escritor, nos seus sucesivos contextos históricos, e en relación cos fenómenos sociais e os proxectos políticos e culturais en que se implicou: a IIª República (movemento estudantil universitario e Partido Galeguista), a guerra civil, a ditadura franquista (resistencia política e cultural, Editorial Galaxia, Fundación Penzol e revista Grial, relación coa diáspora galeguista) e a autonomía”.
O director do curso é Henrique Monteagudo e da secretaría ocúpase Alejandro Alonso Nogueira. Terá...
leer más
Do 30 de xuño ao 2 de xullo celebrarase en Ribadeo a décimo primeira edición do Curso de Iniciación ó Jazz e Música Moderna organizado pola asociación Bruar.
A actividade será impartida por Hansel Díez co vento, Carmen Rey coa voz, Javier Constenla ao piano, Chus Pazos á batería e Virxilio da Silva á guitarra.
Este curso terá lugar na Escola Municipal de Música e Danza do Concello de Ribadeo.
As persoas interesadas poden obter máis información no número de teléfono 677 734 084.
Este ano Concello de Ribadeo e Acisa, organizadores do Ribadeo Indiano, comezan as actividades deste evento cun obradoiro de cócteles para os profesionais do sector. Terá lugar o 5 de xuño pola tarde no Parador de Turismo.
Dende a organización preténdese estimular á cidadanía e aos profesionais do sector e ir creando xa a atmosfera propia das xornadas festivas que máis tarde nos acompañarán. Tamén se persegue con esta nova iniciativa aportar ao sector ideas novidosas para que poidan ofrecer á súa clientela novos combinados propios dos países de ultramar.
Esta actividade, o obradoiro de cócteles para a hostalería, terá lugar o luns 5 de xuño ás 16.45 horas no Parador de Ribadeo, e será impartido por Marcos Martínez Iglesias. Este profesional do sector foi galardoado como mellor cocteleiro en 3 campionatos galegos...
leer más
O vindeiro martes, 23 de maio, ás 16:30 horas.terá lugar no Edificio Multiusos un curso sobre Exercicio Físico e Ocio para maiores. Este curso realízase en colaboración coa Escola Galega de Saúde para Cidadáns e vai dirixido a toda a poboación.
Esta actividade ten como obxectivo proporcionar coñecementos sobre a importancia dun estilo de vida saudable e o desenvolvemento de actividades físicas que atrasen o envellecemento e a perda de masa corporal favorecendo a prevención de enfermidades.
Todas aquelas persoas interesadas en participar nesta actividade poden anotarse chamando ós teléfonos 982559109/677489457
A Aula CeMIT do Concello de Ribadeo acollerá un curso presencial de ciber seguridade. Será o 23 de maio en horario de 11:30 a 13:00 horas.
Desde a Aula CeMIT indican que “para participar é preciso inscribirse. As reservas comezan dende hoxe e poden facerse no teléfono 982120732 ou no correo cemit.ribadeo@xunta.gal. O prazo de inscrición telefónica estará aberto ata o 5 de maio. No correo poderás facer a túa solicitude de reserva ata o último día”.
E explican que “conscientes do reto que supón para gran parte da poboación o avance da dixitalización, queremos que saibas que podes contar con nós para superar as barreiras que atopas no teu día a día e, o máis importante, que o fagas con seguridade. No curso daremos unha visión global sobre a actualidade da dixitalización,...
leer más