Curso
A asociación Bruar organiza a décima edición do curso de Iniciación ao Jazz, Improvisación e Música Moderna de Ribadeo que se desenvolverá dos días 29 e 31 de xullo.
A actividade, que terá lugar na Escola Municipal de Música e Danza, será impartida por Javier Constenla ao piano, Gileno Santana á trompeta, José García ao saxofón, Aurora Arteaga á voz, Virxilio Da Silva á guitarra e Chus Pazos á batería.
As persoas interesadas poden solicitar máis información no número de teléfono 677 734 084.
Colaboran na organización deste curso: Concello de Ribadeo e Deputación de Lugo.
A piscina municipal do Concello de Cervo acollerá un curso de apnea impartido por AIDA, a Asociación Española de Apnea. O curso é específico para persoas xa familiarizadas co surf ou a pesca submarina. Tratará a mellora da confianza, a respiración, relaxación, minimización de esforzos baixo a auga… Tamén ensinará a usar máscara e tubo, a aletear correctamente e a controlar a flotabilidade e o peso para reducir o cansanzo.
O curso terá lugar os días 15, 16, 17, 22, 23 e 24 de xullo. As prazas son limitadas. As persoas interesadas en acudir poden inscribirse ou recibir máis información no teléfono +41786723581 ou no correo electrónico contact@freedivexperience.com
A Aula CeMIT do Concello de Ribadeo acollerá o 8 de xullo un curso presencial sobre ciberseguridade.
A Aula CeMIT de Ribadeo acollerá un curso presencial o vindeiro venres, 8 de xullo, de 10:30 a 12:00 horas, sobre Ciberseguridade.
No mesmo abordaranse cuestións como: Protexerse dos ciberataques; Análise dun caso real de ciberataque, abordando os obxectivos que se perseguen, así coma os mecanismos para detectalos; e Repaso das principais estafas ás que unha persoa se ve exposta no mundo en liña e os principais mecanismos para previlas.
O curso gratuíto é apto para todas as idades. As persoas interesadas en asistir poden anotarse no teléfono 982120732 ou no correo electrónico cemit.ribadeo@xunta.gal
O vindeiro luns, 4 de xullo, dará comezo o XII Curso de Música de Verán, que a Escola Municipal de Música de Burela ofrece de xeito gratuíto. Esta edición do curso interdisciplinario de verán, titulado Un concerto de película está inspirada na música de cine e destinado a todos os nen@s dende 4 anos en adiante, e adultos que queiran participar.
A asistencia ao curso é gratuíta, celebrándose os días 4, 5, 6, 7 e 8 de xullo en horario de 10:30 a 13:00 horas nas instalacións da Escola Municipal de Música, e o día 8 de xullo pola tarde haberá un concerto final no Auditorio Municipal de Burela. Durante o curso realizaranse actividades musicais, construción de instrumentos e fabricación de vestiario, asemade tamén poderán participar doutras actividades musicais organizadas dentro deste curso interdisciplinario de verán 2022. Xunto cos...
leer más
APAGA organiza un curso de corte de xamón que será impartido por Jorge Díaz, o mellor cortador de España. As persoas interesadas poden obter máis información en apagaribadeo@gmail.com ou nos teléfonos 639 884 945 e 629 096 711. As prazas son limitadas.
O presidente de APAGA, Álvaro Doural, explicou que “é unha nova iniciativa que se plantexa no tema de hostalería a petición dalgúns profesionais do sector. Aínda non ten data, pero prevemos que posiblemente se faga no mes de xullo. Hai xa unha serie de xente apuntada e tampouco vai ser un grupo moi numeroso, sobre oito persoas, entón está practicamente completo. Esa é unha das iniciativas que se plantexan para o verán”.
Doural sinalou que “cursos como este de corte de xamón son iniciativas a petición de empresas e...
leer más
Preto de 20 persoas asistiron na escola de Covelas a un curso de cestería de colmo con tireta de vimbio. Está a ser impartido por Lola Tourón, unha das cesteiras con mais renome de Galicia, de once da mañá a dúas do mediodía e de catro a sete da tarde. Ata Covelas se desprazaron esta mañá os concelleiros de Medio Rural e Servizos Sociais, Marcos Villamil e Mónica Freire, que valoraron de xeito moito positivo “a demanda que tivo este curso de cestería. Seguramente fagamos outra edición o vindeiro mes de setembro”.
Para o curso de xardinería, que se celebrará o vindeiro 18 de xuño en Vilaframil aínda quedan prazas libres “polo que as persoas que desexen asistir poden inscribirse durante a semana chamando ao teléfono do Concello 982 128 650”.
Villamil e Freire indicaron que “desde o equipo de goberno seguimos...
leer más
O Concello de O Valadouro organiza un curso de Defensa Persoal que se celebrará os días 11 e 18 de xuño.
A actividade desenvolverase no pavillón polideportivo municipal de O Valadouro en horario de 11:00 a 13:00.
As persoas interesadas poden inscribirse ata o 27 de maio na Casa da Cultura en horario de 9:00 a 14:00 e de 16:00 a 20:00 ou no número de teléfono 982 148 153.
O curso está orientado a homes e mulleres maiores de 16 anos e o obxectivo é aprender a defenderse dunha agresión. Será impartido polo instrutor nacional de defensa persoal, Julián Martín, quen estará asistido por Alberto Leivas.
Viveiro acolle un curso gratuíto de iniciación á fotografía, que terá lugar os días 21 e 28 de maio.
O Concello de Viveiro colabora na organización dun curso gratuíto de iniciación á fotografía dixital, impulsado pola asociación de fotógrafos "Os Negativos".
A formación será os sábados 21 e 28 de maio de 16:30 a 20:00, na Sala Multiusos do Concello de Viveiro.
As inscricións poden realizarse nos teléfonos 649037300 / 647568383 ou no e-mail osnegativosviveiro@gmail.com
Dende o Concello de Viveiro invítase á cidadanía a explorar a través da fotografía nesta actividade. O goberno local remarca ademais o seu compromiso con este tipo de iniciativas do tecido asociativo, de temática cultural, deportiva ou doutra índole.
Nueve alumnas y alumnos asistieron el sábado en Ribadeo, en el restaurante El Huerto, a la primera sesión del curso de formación en hostelería organizado por Apaga (Asociación de Profesores de Automoción de Galicia).
Los asistentes abordaron el uso de la dotación básica de un restaurante, así como la asistencia en el pre servicio, la elaboración a la vista del cliente y los tipos de servicios y su aplicación. En el caso del bar-cafetería el curso se centra en la utilización de la maquinaria, equipos, útiles y menaje, preparación y presentación de aperitivos, cervezas, aguardientes y licores de mayo consumo en estos locales y preparación y servicio de bebidas no alcohólicas.
La segunda sesión será el próximo sábado, 7 de mayo.
El presidente de Apaga, Álvaro Doural, incide en que “...
leer más
O Concello de Ourol, en colaboración coa Escola Galega de Saúde para Cidadáns, organiza un curso de Primeiros Auxilios co obxectivo de adquirir coñecementos e habilidades sobre o manexo de situacións que requiran actuacións de primeiros auxilios básicos (asistencia ante feridas e hemorraxias, dificultades respiratorias, dor torácica, convulsións, queimaduras, síncopes, picaduras ou mordeduras, reanimación cardiopulmonar básica, atragoamento...etc).
Será o 3 de maio ás 16:30 horas no edificio multiusos.
As persoas interesadas en asistir poden reservar praza a través da páxina web da Escola Galega de Saúde para Cidadáns https://escolasaude.sergas.es/Contidos/Cursos-presenciais ou chamando ós teléfonos 982 55 91 09 / 67 7489 457.