Festa
O barrio dos Muíños celebrará as festas do Santiago o 23, 24 e 25 de xullo. Están organizadas pola asociación Barrio dos Muíños e conta coa colaboración de A Taberna do Valeco. A festa dará comezo o domingo 23 cunha sesión vermú á 13.30 horas e unha verbena ás 21.30 horas, ambas actuacións da man do Dúo Belinda.
Posteriormente, o luns 24 ás 22.30 horas continuará a festa coa verbena a cargo do Trío Zafiro seguida da discomóvil Eventec. Finalmente, o 25 de xullo comezará cunha misa solemne e unha procesión na honra de Santiago. O broche que pecha as festas será unha sesión vermú co DÚO EPO-K.
O vindeiro sábado, 15 de xullo, celebrarase a carón da lonxa de Ribadeo a primeira edición da Festa da Ría, que contará con degustación de mexillóns e ostras e con música en directo. Está organizada pola Confraría de Pescadores e a asociación Catro Caños e conta coa colaboración do Concello. A concelleira de Turismo, Marta Saiz, subliña que esta festa porá en valor o traballo do sector mariñeiro.
A edil ribadense explicou que “se trata dunha iniciativa da Confraría de Pescadores e da asociación cultural Catro Caños, que é tamén a responsable do Vendaval Fest que se vai celebrar dentro duns días. É unha festa gastronómica que nace para unir e poñer a labor e o traballo das xentes mariñeiras así como o produto do mar e da nosa ría, unha ría que une unha gran comarca e que, como din moitos, podemos considerar o paraíso natural das rías altas...
leer más
Celebrarase o vindeiro 15 de xullo a XXIV edición da Festa da Merluza de Celeiro. Será ás 21:00 fronte á piscina municipal. Os asistentes terán a oportunidade de degustar un dos produtos máis importantes da Mariña lucense en diferentes formatos, como en caldeirada, á galega ou en salsa verde son soamente algunhas das opcións.
A festa, declarada de interese turístico galego no 2013, está organizada polo Colectivo Chilindrín Penalba, de Celeiro. Nesta edición, conta con diferentes colaboradores como a Xunta de Galicia, Abanca ou Estrella Galicia, entre outros.
Esta festa supón cada ano un dos eventos gastronómicos máis importantes da comarca e espérase que neste 2023 aumenten aínda máis os seus comensais. A asociación organizadora insiste: “Non te quedes sen degustar os distintos pratos!”.
Burela celebrará este venres por segundo ano consecutivo a noite do San Xoan Castrexo con unha festa organizada pola Asociación Burela Castrexa, que tamén se encarga dos actos conmemorativos da “X Festa Castrexa”.
A noite de San Xoan celebrarase con unha parrillada popular a carón da praza do Concello, con sardiñada e churrascada ao prezo de 10 euros cada ración. A venda anticipada dos tickets remata este mércores 21 de xuño ao prezo reducido de 8 euros cada ración, e pódense adquirir en Gráficas Arfe, Perruquería Campón, Suministros Rol e Óptica Afflelou Burela.
A programación do venres de San Xoán comeza ás 20:30h co concerto gratuíto de “A Banda da Loba” na praza do Concello, e rematará de madrugada coa actuación da Orquesta Origen e de Dj Litainer.
Para amenizar a cea celebrarase unha...
leer más
A cuarta edición da Festa Campesiña de Lourenzá celebrarase no Campo dos Bolos o día 24 deste mes, sábado. Está organizada polo Concello coa colaboración de asociacións do municipio e haberá premios para as mellores caracterizacións.
As actividades empezarán ás 11 da mañá coa apertura dos stands de artesanía e alimentación. Ás 13:00 horas haberá sesión vermú amenizada polo trío Zafiro. Ás 14:00 horas comezará o xantar campesiño, organizado pola Asociación de Comerciantes, Industriais e Autónomos de Lourenzá (ACIAL), no que servirán empanadas, tortillas, ovos fritidos e torreznos, entre outros produtos. Ás 19:00 horas actuará o grupo Acordeóns da Mariña e ás 21:00 horas o fin de festa correrá a cargo do trío Zafiro.
Durante a xornada haberá actuacións da Asociación Osorio Gutiérrez e de Gaitas de Tovar. E...
leer más
A primeira fin de semana de xuño celébrase na Ponte de Arante (Ribadeo) a Festa das Cruces, de Interese Turístico Galego.
O sábado, 3 de xuño, ás 20:00 horas terá lugar a conferencia titulada A conflitiva construción do santuario da Ponte fai 500 anos, un litixio local resolto en Roma. Correrá a cargo de Alberto Paraje Méndez, arquitecto técnico e secretario da Asociación de Estudos Históricos de Galicia, e rematará o acto coa actuación da Coral Polifónica de Ribadeo.
O domingo, 4 de xuño, ás 12:00 horas celebrarase a bendición dos campos, procesión, bandeo do pendón e reverencia das Cruces. Estará amenizado polo Grupo de Gaitas de Tovar e de seguido terá lugar a misa solemne. Ás 13:30 horas celebrarase a sesión vermú e ás 15:00 horas dará comezo a III Comida Romaxe das Cruces. As reservas pódense facer nos...
leer más
En Xove o 20 de maio, sábado, celebrarase a Festa das Flores Fillas de María, que organizan o Concello de Xove e a Asociación de Festejos Montevelle.
O programa de actividades empezará ás 10:00 horas coa apertura do mercado tradicional. ÁS 11:30 horas haberá pasarrúas coa A.C. Saíñas e a charanga NBA, ademais de demostracións de oficios tradicionais. Ás 13:00 horas terá lugar a misa con ofrenda floral á Virxe e despois sesión vermú amenizada polo grupo Kalima 3.0, que tamén actuará na verbena, que comezará ás 22:00 horas, xunto coa discoteca móbil Conxuro.
Pola tarde, a partir das 17:00 horas, haberá inchables, Láser combat, actuación do mago Kiko Carrolo e da percusión africana Paz and Thorsten, ademais dun obradoiro de cerámica.
A XXI Festa do Berberecho celebrarase no peirao de Foz este sábado, 15 de abril, pero previamente, o xoves 13, ás 20:00 horas no Cenima haberá unha charla de Xesús do Breogán sobre toponimia desde a Ría de Foz ata Cu do Castro.
O sábado 15 as actividades comezarán ás 11:00 horas coa actuación dos grupos tradicionais A Subela e o Feitizo. Desde ás 11:30 horas haberá un programa especial de Radio Foz desde a carpa instalada no peirao, que se abrirá ás 12:00 para o pregón, que correrá a cargo do xornalista e escritor Martín Fernández Vizoso. Despois actuará o grupo Mar Aberto e ás 13:00 horas empezará unha degustación de berberechos e mexillóns. A partir das 20:00 horas a degustación trasládase aos locais de hostalería de Foz, nos que ofrecerán berberechos en varias preparacións.
Ademais a partir das 23:30 horas...
leer más
A praza do Concello de Trabada acollerá a cuarta edición da Festa Gastronómica da Enfariñada o día 7 de maio, domingo, a partir das 12:00 horas.
Ademais de degustación da enfariñada, haberá mercado de produtos locais de proximidade e as actuacións musicais de Cuarteto Seimeiro, Airiños da Freba e Luar na Lubre.
“Unha proposta gastrocultural que, abofé, hai que subliñar no calendario”, din os organizadores do evento, que promove o Concello de Trabada coa colaboración da Deputación de Lugo.
O Concello de Cervo acollerá o vindeiro sábado 8 de abril a Gran Festa das Xeracións, organizada polo club de trail local A Fume de Carozo, creado a principios deste ano, coa colaboración do Concello de Cervo.
A cita, que terá lugar na carpa instalada na Praza dos Campos, en San Ciprián, foi presentada polo rexedor, Alfonso Villares, pola edil de Cultura, Dolores García Caramés, e polos membros de A Fume de Carozo, Pepín, Beto e Alejandra.
A Fume de Carozo creouse como club en xaneiro deste ano, formado por un grupo de amigos aos que os une a paixón polo deporte ao aire libre, co obxectivo de “desfrutar xuntos da natureza pero tamén de compartir experiencia e pasar bos anacos entre amigos”, precisan. Así xurdiu esta Festa das Xeracións -apuntan-, como un complemento ás xuntanzas deportivas “coa intención de...
leer más