Festa
O 22 de setembro terá lugar en Ribadeo unha nova edición da Festa do Pemento no Mercado dos Domingos
O Concello de Ribadeo organiza o próximo domingo, 22 de setembro, a Festa do Pemento.
A concelleira de Promoción Económica, Marta Saiz, subliñou que “se trata dunha tradicional xa cita enmarcada no Mercado dos Domingos, que pon en valor e da protagonismo ao pemento”.
A edil ribadense contou que “durante a mañá do domingo o público poderá disfrutar de diferentes actividades propias do mercado como unha cata, a degustación dunha deliciosa coca de pementos, unha mostra de diferentes variedades deste produto, a exposición O pemento de Piñeira, así como un obradoiro para a elaboración de batidos de froitas e verduras, música... unha morea de actividades ás que tamén se sumarán os bares da contorna que ofrecerán tapiñas especiais de pemento para os seus clientes”.
Saiz indicou: “destacar que...
leer más
Ferrería, no concello de Riotorto, celebrará a festa na honra de San Antonio o día 21 de setembro, sábado.
As actividades comezarán ás 13:30 horas coa misa solemne, e despois haberá procesión e sesión vermú. Seguidamente celebrarase unha comida veciñal.
Os actos rematarán cunha festa verbena amenizada polo dúo Eclipse e DJ Bombardero.
O campo da festa estará cuberto con carpa.
A comisión de festas da parroquia de Cabarcos, no concello de Barreiros, organiza churrascada e verbena para o día 20 de setembro, venres.
A churrascada, que é aberta a todo o público, empezará ás 21:30 horas. E despois terá lugar a verbena coa orquestra La Fórmula e a discoteca móbil Alejandro Martínez.
A organización anuncia que haberá mesas e cadeiras para a churrascada e que o recinto estará cuberto con carpa.
Foz celebra a XII Festa Normanda de Recuperación da Memoria Histórica os días 29, 30 e 31 de agosto e o 1 de setembro.
O xoves, 29 de agosto, ás 19:00 horas dará comezo a festa coa apertura do Mercado Normando, onde os asistentes poderán mergullarse na época medieval e gozar dos produtos típicos da feira. Ás 21:00 horas, o grupo Rimo Crouleiro encargarase de animar o pasarrúas polo mercado.
O venres, 30 de agosto, a xornada arranca ás 12:00 horas coa inauguración do Campamento Normando no Paseo da Ribeira. Durante o día, diferentes agrupacións como Lipsala, Gaica Escola de Modo e Combates Normandos amenizarán o mercado con diversas actuacións e música. Ás 20:00 horas terá lugar o pregón oficial a cargo de Roberto Gómez Ledo na área recreativa Bispo Santo, seguido dunha representación teatral da Lenda de San...
leer más
O Concello de Alfoz anuncia que este sábado, día 31 de agosto, celebrarase de 18 a 20 horas unha festa de fin de tempada na piscina municipal de Alfoz. O evento contará con música e tobogán inchable “para o desfrute da veciñanza”.
“Xunto a esta actividade tamén se dará por finalizado o programa de Ludiverán e as Noites de Campamento 2024, poñendo punto e final ás actividades estivais organizadas polo Concello. Estas actividades foron todo un éxito, como demostra a alta participación e o entusiasmo mostrado por veciñas e veciños en cada unha delas”, explica o Concello de Alfoz.
Ademais o Concello de Alfoz anuncia que a vindeira semana publicarase a oferta de actividades para a apertura do CEIP, que incluirá os programas de Madrugadores, Ocio e Estudo e clases de Inglés polas tardes. Tamén se abrirá a inscrición...
leer más
A Delegación de Deportes do Concello do Valadouro organiza unha festa para clausurar a tempada de verán da piscina municipal. Será este sábado, 31 de agosto de 16:00 a 18:00 horas con entrada libre.
No evento os participantes poderán gozar de tobogán acuático e de animación musical con DJ.
O Concello de A Pontenova organiza a oitava edición da Festa da Malla, que se celebrará este sábado, 24 de agosto.
As actividades empezarán ás 12 do mediodía co comezo da malla e ás 13:30 horas haberá sesión vermú co trío Zafiro. Ás 14:30 horas terá lugar unha comida para a cal hai que recoller os tickets antes deste xoves, 22 de agosto.
Despois de comer, ás 17 horas continuará a malla e de 20:30 a 21:30 horas haberá música a cargo de DJ Bombardero, que tamén actuará na verbena xunto ao trío Zafiro.
Un ano máis Celeiro de Mariñaos xa ten todo listo para a Romaría do San Caetano e a XXVII Festa da Tortilla.
O sábado, 17 de agosto (Festa da Tortilla), comezará o festexo coa presentación das tortillas no campo da festa das 11:30 ás 13:30 horas. Despois, ás 13:30 horas misa na capela e procesión. A partir das 14:00 horas, sesión vermú co Cuarteto Tradicional Xarmolo e co grupo Toxo Guayaba, que presentará música cubana con alma galega. Ao ritmo da música desgustarase a tortilla. Ás 19:00 horas, Brais das Hortas actuará co espectáculo Consertasso na horta. Unha hora máis tarde, xogos tradicionais e ás 22:00 horas chegan as mellores versións da man de Dúo Bela e Charlo. A continuación, sesión DJ, baile do farolillo, entrega de premios e chocolatada.
O domingo, 18 de agosto, a gran sesión vermú dará comezo ás 13:30...
leer más
A área recreativa Obispo Santo, de Forxán (Foz), acollerá o vindeiro 15 de agosto a II Festa do Mexillón, que conta cun 100% de produto galego.
Os asistentes poderán degustar un rico menú que inclúe mexillóns, empanada, auga ou viño, requeixo e café nunha carpa con servizo de bar. Dito menú ten un custo de 15 euros. Ademais haberá DJ, colchonetas infantís gratuítas e unha gran actuación musical.
O evento dará comezo ás 14:00 horas.
Os tíckets pódense adquirir nos establecementos membros da asociación: Bar O Candil (San Martiño), Bar Escairo (Marzán) e Mercacartuchos (Foz). Para máis información, as persoas interesadas poden chamar ao número 982 87 74 46.
A Asociación Cívico Cultural Obispo Santo conta coa colaboración do Concello de Foz, da Deputación de Lugo,...
leer más
As Anzas, lugar da parroquia ribadense de Covelas, celebra a festa na honra á Virxe da Asunción este xoves, día 15 de agosto.
As actividades empezarán ás 13:00 horas con misa solemne e procesión. A continuación haberá sesión vermú amenizada por Jaime Paredes, que tamén actuará na verbena xunto ao dúo Belinda.