Festa
Viveiro acolle este venres, día 27 de maio, a celebración dos Maios grazas a unha actividade organizada de forma conxunta pola Asociación de Comerciantes Centro Histórico de Viveiro e o Concello, en colaboración cos colexios Lois Tobio, San Roque, Galdo, Landro e Covas.
Participarán nesta festividade preto de 600 nenos e nenas que se xuntarán na Praza Maior ás 11:30 horas, para percorrer posteriormente ataviados con motivos florais as rúas Margarita Pardo de Cela, Avda de Cervantes, Vilar Ponte, Almirante Chicarro e Pastor Díaz, volvendo para finalizar á Praza Maior, onde cantaran as cancións dos Maios e disfrutarán dun refrixerio.
“Dende o Concello de Viveiro consideramos que é fundamental fomentar e potenciar este tipo de celebracións propias da nosa cultura e tradición, evitando que se perdan e involucrando nas...
leer más
Desde a asociación Burela Castrexa sinalan: “segue a conta atrás: faltan 5 semanas para a IX Festa Castrexa en Burela. ¿Estades preparados? ¿Xa tedes os voso Clan creado?? Abrimos prazo de inscrición para os clans: este ano a participación é totalmente gratuíta, pero obrigatoria para poder participar nunha nova edición dos Xogos Castrexos e da Busca do Torques. E tamén é necesaria para axudar a que medre a nosa Familia Castrexa despois de 2 anos de sombras”.
E engaden: “porque dentro de 5 semanas Burela Castrexa rexurde para celebrar 3 días máxicos a partir da noite de San Xoán...Apuntade xa o voso clan por correo electrónico festacastrexaburela@gmail.com en Óptica Afflelou Burela ou contacta con calquera dos membros da Asociación Burela Castrexa”.
O Concello de Lourenzá organiza a Festa do Maio que se celebrará o día 1 do vindeiro mes, domingo. A programación do festexo inclúe o tradicional desfile polas rúas de Vilanova e dous concursos convocados pola Concellería de Cultura: un de decoración de vivendas e comercios e o outro de sombreiros.
No concurso de decoración participarán aquelas vivendas e comercios que decoren os seus balcóns, fiestras, portais e escaparates das rúas por onde tradicionalmente se fai o percorrido do desfile. Na decoración deben predominar os elementos naturais e facer referencia á conmemoración do Maio ou da primavera. Hai dous premios, que consistirán en trofeos deseñados e elaborados pola Fundación Eu Son.
No segundo certame poderán participar todas as persoas que asistan co seu sombreiro decorado ao desfile do 1 de maio. Pode...
leer más
Pastelería Anduriña, de Foz, organiza a 8ª Festa da Empanada do 22 de abril ao 1 de maio.
Moncho Castro, o propietario do establecemento, explica que “durante eses días os amantes da empanada poderán degustar ata 45 tipos diferentes. Teremos, coma sempre, empanadas do mar, da terra, veganas, vexetarianas e doces. Cada día ofreceremos entre 6 ou 7 distintas para a súa degustación”.
Na ampla oferta de empanadas de Pastelería Anduriña podemos atopalas salgadas de zamburiñas, de berberechos, de polbo con gambas, de pescada con gambas, de sardiñas, de carne de tenreira e cabrales, de zorza, de polo con patacas fritas, de espinacas con bechamel e tropezóns de xamón york e queixo, de cebola caramelizada, de salteado de verduras con tofu ou rechea de escalibada con bechamel. E doces como pastelón de mazá, de cabelo de...
leer más
Foz celebrará a súa Festa Normanda do 26 ao 28 de agosto deste 2022. Así o anunciou nas súas redes sociais a organización: Asociación Desembarco Normando.
A novena edición tivo lugar no verán de 2019. Ao ano seguinte, en plena pandemia do covid, non se celebrou e no 2021 tivo lugar unha versión reducida deste evento de recreación histórica.
Os detalles do programa non transcenderon, pero todo apunta a que haberá desembarco na praia de Tupide, mercado e unha chea de actividades coas que Foz despedirá así o verán.
A Festa da Troita da Pontenova, declarada de interese turístico e de interese deportivo nacional, terá lugar os días 30 de abril e 1 de maio.
O 30 de abril haberá sesión vermú ás dúas da tarde con disco móbil Chocolate. Ás oito entrega pública das distintas “Troitas de Ouro e Recoñecementos de Honra” a Nacho Rojo, editor do programa Caza y Pesca; a Rubén Santos, tres veces campión de España de Pesca á Mosca; e á plataforma Mina de Touro NON.
Xa ás nove da noite será o pregón a cago de Xabier Fortes, director e presentador do programa La Noche en 24 de TVE. E ás dez da noite será a apertura da caseta e a degustación de troitas.
Haberá verbena amenizada pola orquestra Cinema e por disco móbil Chocolate.
E o 1 de maio ás nove da mañá darán comezo os concursos de...
leer más
O 30 de abril haberá dúas celebracións en Trabada:
-Ás 17 horas, como acto conmemorativo do terceiro aniversario do centro de atención aos maiores , terá lugar un concerto moi especial da Banda de Música de Ribadeo
-Ás 23 horas dará comezo a festa da xuventude co grupo de música Nueva Fuerza e a discoteca móvil THE SOUND PROJECT
O 1 de maio será a Festa Gastrónomica da Enfariñada na que haberá tres actuacións musicais:
-Ás 12 horas pasarrúas a cargo do Cuarteto Tradicional Xaramolo
-Ás 13.30 horas concerto do grupo A Tajea
-Ás 16.30 horas actuación de Pepe Vaamonde Grupo
Desde o Concello de Trabada sinalan: “agardamos que vos guste esta programación. Por unha banda mantemos vivo o espírito tradicional da nosa festa gastronómica, e por outra quixemos celebrar a volta á normalidade...
leer más
O Concello de Cervo organiza o vindeiro sábado 16 de abril a Festa do Mexillón.
No día de onte o rexedor, Alfonso Villares, a tenente alcalde, Dolores García Caramés,e a concelleira de Medio Ambiente, Mali Méndez, presentaron a que será a edición número XXVIII desta festa, xunto con persoal dos locais de hostalaría participantes.
Ao longo deste día os locais ofrecerán unha ampla degustación de tapas que terán no mexillón o seu denominador común. Participarán O Noso Lar, Las Titas, A Bodega, O Faro, Aquelarre, Maruxaina, O Pulgas, CIT e O Encontro.
A partir das 22:00H haberá verbena a cargo da orquestra FaniaBlancoShow e a continuación será a quenda de Disco Móvil Chocolate.
Villares quixo salientar que “este tipo de festas gastronómicas contribúen a darlle vida...
leer más
A XXIX edición da Festa do Ourizo terá lugar o sábado 19 de marzo, en San Ciprián. Para ese día están programadas diferentes actividades que terán ao equinodermo como prato principal.
A cita foi presentada polo alcalde, Alfonso Villares, o edil de Turismo, David Rodríguez, polas concelleiras de Cultura e Medio Ambiente, e por representantes da hostalería local.
Como en anteriores edicións, tamén se celebrará un concurso gastronómico que está aberto aos locais da hostalería de San Ciprián que participan na festa: O Noso Lar, As Titas, O Faro, A Bodega, Maruxaina, Aquelarre e Buenavista. Nesta ocasión, o concurso celebrarase o luns, 14 de marzo, na Casa da Cultura. Os participantes deberán entregar as súas propostas –dúas como máximo- ás 17:00 horas. O xurado composto por cociñeiros decidirá cales son as tres tapas...
leer más
Foz celebrará a vixésima edición da Festa do Chícaro o día 29 deste mes, sábado, cunhas xornadas gastronómicas dedicadas ao berberecho en 17 establecementos hostaleiros e ambientación musical nas rúas. Na presentación do festexo participaron o alcalde, Fran Cajoto, os concelleiros Chema Linares e Javier Fraga e o presidente da Asociación de Comerciantes, Industriais e Autónomos (ACIA) de Foz e do Centro Comercial Aberto focense, José Carlos Paleo.
O edil de Turismo, Comercio e Actividades Económicas, Chema Linares, anunciou: “el Ayuntamiento de Foz en colaboración con la ACIA-Centro Comercial Aberto organizamos el sábado 29 una jornada de exaltación del chícaro. Este año la situación de la pandemia en los momentos actuales, con esta sexta ola, nos impide celebrar esta fiesta como se hacía anteriormente, pero queremos seguir manteniendo la...
leer más