Ribadeo
05/08/2015
A Casa das Letras de Ribadeo acolle o próximo venres, 7 de agosto, ás 20:30 horas a presentación do libro Louselas (Ribadeo, Lugo). Los inicios del poblamiento humano en la región cantábrica, unha investigación de Eduardo Ramil Rego e Jose Ramil Soneira editado polo Museo de Prehistoria e Arqueoloxía de Vilalba (MUPAV), do que o primeiro é director.
A obra recolle datos sobre os inicios das poboacións humanas da rexión cantábrica e en concreto do xacemento de Louselas, en Ribadeo, ubicado preto da desembocadura do Eo. Nesta zona atopáronse un gran número de ferramentas achelenses – da especie Homo Heidelbergensis- que indican unha antigüidade de 450.000 do sitio arqueolóxico. É a primeira vez que se presenta en Galicia unha monografía científica sobre un xacemento do...
leer más 05/08/2015
O auditorio ao aire libre de Cabanela, no paseo marítimo ribadense, acollerá un concerto da Banda Municipal de Música de Ribadeo e unha churrascada organizada pola asociación Amadores da Música. Será este sábado, día 8, a partir das 21 horas.
Este evento está incluído dentro do intenso programa de actividades da banda de música ribadense para este mes de agosto, que empezou o pasado día 1 coa actuación xunto co trío Vaamonde, Lamas e Romero no parque ribadense de San Francisco, dentro da programación da Xira a Santa Cruz organizada pola asociación Amigos da Gaita Galega. O seguinte acto será o concerto da sección de percusión da Banda de Ribadeo xunto co grupo Calabash, que terá lugar este venres, día 7, ás 22:30 horas no Cine Teatro, dirixido por Marcos Rodríguez...
leer más 04/08/2015
O prazo de inscrición no curso de informática para mozos e mozas, que organizan as Concellarías de Mocidade e Novas Tecnoloxías, estará aberto ata o 24 de agosto. As sesións formativas, nas que se ensinará aos alumnos a manexar diversas ferramentas ofimáticas, terán lugar os días 25, 26, 27 e 28 de agosto entre as 10 e as 11 horas na Aula CeMit de Ribadeo.
Vanesa Yanes Rivas, concelleira de Mocidade, explica que “neste curso as mozas e mozos entre os 12 e 16 anos, aprenderán a usar varias ferramentas ofimáticas, como poden ser os editores de textos, presentacións ou editor de imaxe, que lles serán de utilidade durante o curso escolar”.
O curso será impartido polo axente TIC do Concello e as prazas serán limitadas, “pero no caso de...
leer más 04/08/2015
Este venres, día 7 de agosto, terá lugar o primeiro dos catro actos incluídos no ciclo Agosto Musical 2015 da Banda Municipal de Música de Ribadeo cun concerto da sección de percusión xunto co grupo Calabash.
Esta actuación, que terá lugar no Cine Teatro ás dez e media da noite estará dirixida por Marcos Rodríguez Rodríguez, quen adiantou que “o concerto seguirá na liña dos anos anteriores, con música latina e todos os arranxos son feitos por nós. A intención de Calabash é seguir mantendo ese hobby que teñen os nenos cando saen da escola de música, xa que así teñen un grupo no que tocar. Nesta ocasión estamos de celebración porque cumprimos 5 anos e manter unha formación durante este tempo non é fácil, sobre todo cando só se funciona nos meses de verán. Ademais seremos...
leer más 03/08/2015
Hoxe, 3 de agosto, ábrese o prazo de preinscrición no II Taller de Harmonización Corporal que organizan a Concellaría de Igualdade e o CIM.
“Trátase dunha proposta de traballo corporal cun obxectivo claro: aportar sensación de benestar e aliviar dores articulares e musculares para mulleres”, sinalan desde o CIM.
Mariluz Álvarez Lastra, concelleira de Igualdade, explica que hoxe se abre a preinscripción para participar nunha nova edición do Taller de Harmonización Corporal para mulleres, dada a boa acollida que tivo a primeira. Nesta ocasión os Talleres desenrolaranse dende o 14 de setembro ata 18 de decembro de 2015”.
A concelleira nacionalista lembra que “nesta segunda edición ofertase a...
leer más 03/08/2015
Descontos en tendas, música en directo, regalos e percorridos gratuítos no tren turístico cultural de Ribadeo son algunhas das propostas da Noite Flúor 2015, organizada pola Asociación de Comerciantes, Industriais, Servizos e Autónomos de Ribadeo (Acisa) coa colaboración da Xunta de Galicia, a través da Dirección Xeral de Comercio.
Os 40 locais participantes estarán abertos de nove a doce da noite o vindeiro xoves, 6 de agosto, “tempo no que os que o desexen poden atopar interesantes descontos en tendas, así como regalos, sorpresas e música en directo. Ademais, o tren turístico cultural da vila ofrecerá servizos de balde para visitar as tendas que se dan cita na Noite Flúor e que se atopan situadas nas rúas San Roque, Ramón González, Reinante, San Francisco e Rodríguez...
leer más 03/08/2015
No parque de San Francisco tivo lugar o sábado, 1 de agosto, a presentación da Comisión de Festas da Patroa 2015, que preside César Fernández Murias.
Da mesma forman parte: Álvaro Prieto Suárez, Marta García Rey, Cristian Sánchez Sánchez, Adriana Fernández López e Antoine Vares Drebler. Todos posaron para a foto acompañados polo alcalde, Fernando Suárez Barcia.
Onte, domingo, a Comisión de Festas da Patroa organizou nas inmediacións da praza de abastos unha sesión vermouth co DJ Sergio para recadar fondos para estes festexos. No recinto instalouse unha barra que foi atendida polos membros da propia comisión.
Nas vindeiras semanas terá lugar algunha actividade pública máis para seguir recadando fondos para as festas patronais. Tamén...
leer más 30/07/2015
A 25ª edición da semana náutica que organiza o Real Club Náutico de Ribadeo foi presentada hoxe e na súa programación inclúe nove regatas, unha zalea (excursión lúdica en diversas embarcacións) ata o muíño das Aceas e un campionato infantil de pesca.
O presidente do Real Club Náutico de Ribadeo, Ramón Acuña, que estivo acompañado por varios membros da xunta directiva da entidade, explicou este mediodía que “para o club é unha satisfacción presentar hoxe esta 25ª edición da Semana Náutica, na cal por terceiro ano consecutivo temos un programa sinxelo, pero que abarca todas aquelas actividades que durante a Semana Náutica se viñeron celebrando estes 25 anos”.
Ramón Acuña anunciou que as actividades “empezan o día 6 de agosto e...
leer más 30/07/2015
Un ano máis, a Homenaxe ao Gaiteiro que se celebra con ocasión da Romaría de Santa Cruz, en Ribadeo, deixará unha boa nómina de actuacións folclóricas e baile tradicional. Os festexos terán lugar o 1 e o 2 de agosto.
O sábado 1 comeza a romaría sobre as 19.30 horas cun pasarrúas a cargo de Amigos da Gaita e media hora despois María del Carmen Maseda Legaspi pronunciará o pregón no Cine Teatro, seguido da actuación das Escolas. Ás 23 horas, no Parque de San Francisco, actuará o grupo Vaamonde, Lamas y Romero, coa colaboración da Banda Municipal de Música de Ribadeo.
Ao día seguinte, 2 de agosto, a xornada comeza ás 11 da mañá con pasarrúas de Cuarteto Tradicional Xaramolos, Os Campantes da Baña, Airiños da Freba e o Arco da Vella. Ás...
leer más 29/07/2015
O próximo domingo, 2 de agosto, a Comisión de Festas da Patroa organiza nas inmediacións da praza de abastos de Ribadeo unha sesión vermouth co DJ Sergio para recadar fondos para estes festexos. No recinto instalarase unha barra que será atendida polos membros da propia comisión. A cita dará comezo ás 12 do mediodía.
O presidente da Comisión de Festas da Patroa, César Fernández Murias, explica que “imos facer unha sesión vermouth na praza de abastos que consistirá nun pequeno baile co DJ Sergio. Esperamos que haxa a máxima afluencia de xente posible. Haberá unha barra, poñerémola e atenderémola nós e os cartos que recademos son integramente para as festas. Sempre está ben unha tomar unha cervexiña e así axudarnos un pouco”.
Esta é...
leer más