Ribadeo

A xira de Santa Cruz, en Ribadeo, terá lugar os días 1 e 2 de agosto. Os pregoeiros da edición de 2026 serán Pablo Díaz e Olga Kirk. Esta festa de interese turístico de Galicia foi presentada a carón do monumento ao gaiteiro.

Organiza o evento a asociación Amigos da Gaita e a súa presidenta, Noelia Barrera, dixo que “para a xente de Ribadeo e a nosa asociación representa un gran punto de encontro do verán para honrar á música tradicional e á figura do gaiteiro”. E subliñou que “a xira de Santa Cruz nos últimos anos recuperou o seu espírito orixinal, un encontro de moitas familias, un ratiño de convivencia, de honrar á música tradicional e á nosa cultura”.

Noelia Barrera tamén detallou o programa: “o festexo comeza o sábado co pregón no Parque de San Francisco. Contamos como pregoeiros cunha parella de luxo que son...

A Banda Municipal de Música de Ribadeo estará acompañada por gaitas no concerto do Día da Patria que ofrecerá este sábado, día 25 de xullo ás 20:30 horas no Campo de San Francisco.

O director da formación, David Ballester Martínez, anunciou que “o repertorio será moi variado e mesturaremos obras de temática galega con pezas doutros estilos. Como novidade este ano imos estrear algunhas obras que vai ser a primeira vez que estean enriba dos atrís da Banda Municipal e nelas haberá música de gaitas”.

David Ballester anima á xente a que se achegue mañá, sábado, ás oito e media da tarde ao Campo de San Francisco “para desfrutar deste concerto. Esperamos que nos acompañe o tempo, pero en caso de que non sexa así trasladarémolo ao auditorio Hernán Naval”.

O deputado provincial de Mocidade, Daniel García, achegouse ao recinto do Vendaval Fest, de Ribadeo, onde a Asociación Catro Caños traballa nos últimos preparativos para a cuarta edición do festival, que se celebra este venres e sábado coa colaboración da Vicepresidencia da Deputación de Lugo, que anuncia: “Dakidarría, The Real Mckenzies, El Drogas, Hamlet, Benito Kamelas, Ruxe Ruxe, Hermana Furia, Ochobre, Las Moskas Retrompeteras, The Lizards e Demenzia Social completan o cartel do festival,  con concertos a partir das 18.30 horas no recinto do festival. A música tamén chegará as rúas ribadenses, con actuacións gratuítas pola vila o sábado 25 ao mediodía da man das bandas tributo Lija&Terciopelo e La Green River Band”.

Daniel García valorou o traballo da organización, que “puxo Ribadeo no mapa de festivais que temos na comarca e no...

O día 5 de setembro, sábado, disputarase o II Half Triatlón Ribadeo, un evento no que se darán cita arredor de 250 deportistas. Está organizado por Laetus Sport e conta coa colaboración do Concello ribadense.

Segundo explican os organizadores: “trátase dunha proba de carácter nacional puntuable para o ranking nacional de media e longa distancia e na que se disputará tamén o campionato galego nas modalidades Half Aquabike e Half Triatlón”.

A proba dará comezo na praia dos Bloques cun percorrido de natación de 1.000 metros para a distancia Short e 2.000 para a distancia Half, despois terá lugar un percorrido ciclista de 40 quilómetros e unha carreira a pé duns 10 quilómetros. Toda a información está dispoñible na páxina oficial...