Ribadeo
Ribadeo celebrará as festas do Carme esta semana, venres 17 e sábado 18 de xullo, na zona portuaria de Porcillán. Entre os actos previstos destaca a actuación de Fábula, tributo ao mítico grupo Mecano.
As actividades comezarán o venres ás 22:30 horas con verbena amenizada polo grupo Pekados e o DJ Brais GZ.
E o sábado ás 13:45 horas haberá sesión vermú a cargo da orquestra Fortuna. Ás 19:00 horas celebrarase misa solemne na igrexa da Atalaia. E despois, procesión coa imaxe da Virxe do Carme dende a Atalaia ata o porto de Porcillán, para realizar a procesión marítima. Irá acompañada pola agrupación musical Dambara-Santo Inocencio, de Burela, que fará un concerto durante a procesión marítima para a xente que non poida embarcar e de volta ó porto tocará a Salve Mariñeira. A procesión marítima irá acompañada polo...
leer más
Este sábado, día 18 de xullo, seguirán en Ribadeo as celebracións polo centenario do nacemento de Leopoldo Calvo-Sotelo, o ex presidente do Goberno. Haberá una mesa redonda e a inauguración dunha exposición.
A concelleira de Cultura, Begoña Sanjurjo, anunciou: “este sábado seguimos coas celebracións polo centenario do nacemento de don Leopoldo Calvo-Sotelo Bustelo. Nesta ocasión teremos dúas actividades. Primeiro, ás once e media, unha mesa redonda moderada por Leopoldo Calvo-Sotelo Ibáñez-Martín, fillo do presidente, e na que participarán tres profesores: José Vidal Pelaz López e Pablo Pérez López, autores do libro Consolidar la Democracia, el gobierno de Leopoldo Calvo-Sotelo, catedráticos de Historia Contemporánea da Universidade de Valladolid e Navarra, respectivamente. E Jorge Lafuente, profesor de Historia e Instituciones...
leer más
A Banda Municipal de Música de Ribadeo estará acompaña por gaitas no concerto do Día da Patria que ofrecerá o día 25 de xullo, sábado, ás 20:30 horas no Campo de San Francisco.
O director da formación, David Ballester Martínez, anunciou que “neste mes de xullo temos unha das citas que é imprescindible no calendario da Banda Municipal de Música de Ribadeo, que é o concerto do Día da Patria, do Día de Galicia. Este ano farémolo no Campo de San Francisco ás oito e media da tarde. O repertorio será moi variado e mesturaremos obras de temática galega con pezas doutros estilos. Como novidade este ano imos estrear algunhas obras que vai ser a primeira vez que estean enriba dos atrís da Banda Municipal e nelas haberá música de gaitas”.
David Ballester anima á xente a que se achegue o 25 de xullo ás oito e media da tarde...
leer más
Hoxe arrincan as noites de verán organizadas pola Concellería de Mocidade e Deportes. Será na pista multideporte cun mini torneo de fútbol sala 3x3, que se desenvolverá ata o mércores, día 15, en horario de dez a doce da noite e cos equipos por categoría de idade (sub 12, 15, 17 e senior). E do 20 ao 22 de xullo tamén pola noite na pista multideporte e nas mesmas categorías terá lugar un mini torneo de baloncesto 3x3.
Mañá, día 14, de 16 a 19:30 horas haberá festa acuática con inchables na auga, kaiak e padel na praia dos Bloques, cita que volverá repetirse o 20 de agosto no mesmo horario e no mesmo areal.
Ademais o 29 de xullo haberá kaiaks de 16 a 19:30 horas; o 30 de xullo no mesmo horario paddel surf; e deslizadores acuáticos o 4 de agosto de 16 a 19:30 horas e os días 5, 6 e 7 de agosto de 11:30 a 14:00 horas...
leer más
Silencio, a nova curtametraxe producida por Tetra Filmes e dirixida por Cris Andina e Saamira Ganay, narra unha historia de amor, perda e memoria a través da vida de Almudena Pulpeiro Peña, unha xove trompista ribadense falecida nun accidente de tráfico e como os seus pais converten a súa vida nunha homenaxe continua. A preestrea terá lugar o domingo 2 de agosto ás 20:00 horas nunha sesión gratuíta ata completar aforo que incluirá un coloquio posterior coas directoras, membros da familia de Almudena, David Villa (integrante de Zoar Ensemble e compositor da banda sonora), entre outros, anuncia Tetra Filmes, que engade: “lonxe de centrarse unicamente na traxedia, Silencio pon o foco na extraordinaria capacidade de transformar a dor nun legado que segue crecendo décadas despois. Os seus pais, Macu e Luis, dedicaron estes anos a manter viva a memoria da súa filla...
leer más
Antía Gayoso Gayol foi a gañadora da viaxe a México sorteada por Acisa no marco do XI Ribadeo Indiano. Esta ribadense gozará do seu premio o vindeiro mes de setembro.
O sorteo, ante notario, tivo lugar ao remate do concerto ofrecido por Estrellas de Buena Vista y Más no escenario instalado na rúa San Roque.
Ao sorteo asistiron e participaron na entrega do premio o director xeral de Comercio da Xunta, Gabriel Alén, o alcalde de Ribadeo, Dani Vega, así como concelleiras e concelleiros ribadenses (Marta Saiz, Begoña Sanjurjo, Montse Seijo, Elena Sierra e Diego Dos Santos), a presidenta e o xerente de Acisa, Carmen Cruzado e Jesús Pérez, e Manoli Torviso, Trinidad Otero e José Ramón Leal, directiv@s de Acisa, e Jorge Fernández, técnico da asociación ribadense.
Acisa agradece a colaboración...
leer másO Ribadeo Indiano remata este domingo, 12 de xullo, co sorteo dunha viaxe a México para dúas persoas
O Ribadeo Indiano 2026 concluirá o vindeiro domingo, 12 de xullo, co sorteo dunha viaxe a México para dúas persoas. Acisa reparte 180.000 papeletas entre os clientes dos locais asociados desde o pasado 19 de xuño.
A presidenta de Acisa, Carmen Cruzado, manifestou: “o sorteo, ante notario, será o domingo ao remate do concerto de Estrellas de Buena Vista y Más. Somos conscientes do éxito que tivo esta iniciativa nas edicións pasadas e consideramos que non podía faltar este ano. Será a sexta vez que desde Acisa enviemos ás Américas a unha parella no mes de setembro. Dende a nosa asociación estamos a traballar para premiar e fidelizar as compras na nosa vila nunha época na que estamos de rebaixas e aumenta a afluencia turística e sen dúbida este sorteo é unha axuda moi importante e unha cita moi agardada tanto polos negocios locais asociados como pola súa...
A 75ª edición do trofeo de fútbol Emma Cuervo disputarase en Ribadeo o día 13 de agosto, xoves, ás 19:00 horas e enfrontará ao Real Avilés co Racing Club de Ferrol.
O Ribadeo FC anunciou tamén que o VI Emma Cuervo Feminino xogarano o Real Club Deportivo da Coruña e o Real Sporting de Gijón o venres 7 de agosto ás 19:00 horas.
Ademais o III Trofeo Feiraco celebrarase ao día seguinte, o sábado 8 de agosto, ás 18:30 horas entre o CD Lugo e o Real Oviedo Vetusta.
Estes tres encontros disputaranse no Campo de Fútbol Municipal Pepe Barrera.
Xa está na rúa o décimo número de A Gaceta Ribadense, o xornal que edita Faro Norte Comunicación con motivo da celebración do Ribadeo Indiano. Está sendo distribuído nos negocios e institucións participantes, ademais de nos principais puntos de venda de xornais da vila ribadense.
Esta publicación, que conta con 32 páxinas e unha tirada de 4.000 exemplares, é posible grazas ao extraordinario apoio que recibe en cada edición por parte dos anunciantes e dos autores que colaboran cos seus artigos. Neste apartado este número conta con escritos de Juan López Rico, Carlos Álvarez Lebredo, Aida Álvarez e María José Fernández Azpeitia. E recóllense ademais testemuñas e historias, en formato reportaxe ou entrevista, da pregoeira desta edición do Ribadeo Indiano, a xornalista e escritora María Xosé Porteiro; do director da Banda de Música...
leer más