Ribadeo
A Asociación de Comerciantes, Industriais, Servizos e Autónomos de Ribadeo arrinca o curso cunha nova campaña comercial para incentivar as vendas no comercio local durante a volta ó cole, que se desenvolverá do 28 de agosto ao 10 de setembro. Acisa sorteará 300 euros, repartidos en 3 premios de 100 euros cada un en vales de compra.
A presidenta de Acisa, Carmen Cruzado, anunciou: “iniciamos un novo curso e con el chega a campaña da volta o cole. Desde Acisa Ribadeo pretendemos incentivar que as compras do inicio do curso académico se fagan no comercio local. Esta é unha época de grandes vendas: libros, material escolar, uniformes, calzado, roupa de outono-inverno.... toca retomar a vida normal e para elo temos que prepararnos cos mellores produtos. E a mellor forma de facelo é confiando nas nosas tendas, onde podemos atopar todo o que...
leer más
As Anzas, no municipio de Ribadeo, celebrará a XIII Malla do Trigo este sábado, día 29 de agosto.
As actividades comezarán ás 10:30 horas co asentamento da maquinaria e dos primeiros molos. Ás 11:00 empezará a malla. Ás 12:30 horas repartirase pan, viño e sardiñas. A partir das 14:00 horas haberá sesión vermú a cargo do cantante Luis Rey, acompañado de Miguel Torres e o dúo Miami. Ás 15:30 horas comezará o xantar. Ás 17:00 horas haberá xogos populares a cargo do grupo Xostramu. Ás 20:00 horas actuará o grupo Gramola ye-ye, que interpreta cancións dos anos 60 e 70. Ao rematar esta actuación seguirá a festa con Luis Rey, acompañado de Miguel Torres e o dúo Miami.
A Asociación de Veciños Santa Eulalia de A Devesa anuncia un espectáculo de circo que haberá nesa parroquia ribadense este sábado, día 29 de agosto, ás 20:00 horas. Será na explanada do Local Social con entrada de balde.
“Veciñ@s, familias... temos un planazo preparado para todos vós! Prepárate para mirar ao ceo e revivir a ilusión do circo coma cando eramos nenos! Agardámosvos para desfrutar xuntos dunha gran gala de circo espectacular co mellor ambiente do noso solpor. Vai ser un serán máxico cheo de pallasos, maxia, malabares, acrobacias aéreas e un montón de sorpresas máis que non te podes perder. Un espectáculo vibrante para todas as idades!”, anuncia a asociación veciñal da Devesa.
Nesta actividade colabora a área de Mocidade da Vicepresidencia da Deputación de Lugo.
Ribadeo celebrará unha nova edición do Día da Bicicleta o vindeiro domingo, 30 de agosto, a partir das 11 horas. A saída será desde a Casa do Concello ata o faro para retornar ao punto de partida. Ao remate haberá sorteo de agasallos entre os participantes.
O concelleiro de Deportes, Francisco José Silvent, anima “a coller a bici o vindeiro domingo e a pedalear todos xuntos. Será unha maneira divertida e saudable de despedir o mes de agosto en Ribadeo”.
A concentración dos participantes a carón do Pazo de Ibáñez está prevista para as 10:30 horas.
O Día da Bicicleta está organizado polo Concello de Ribadeo, conta co patrocinio de Vegalsa-Eroski e está promovido por La Voz de Galicia e RadioVoz. Colaboran: BeOne, Decathlon Ribadeo, Deportes Docobo, Atleet Ribadeo, Cerezo Bikes, Pillabikes,...
leer más
Este xoves, día 27 de agosto, ás 19:00 horas o Salón dos Alcaldes do Concello de Ribadeo acollerá a presentación do libro titulado Hablar es un placer. Oratoria efectiva para transformar con alma, da escritora e comunicadora Pilar Falcón. No acto intervirán a autora e o alcalde ribadense, Daniel Vega.
O Concello de Ribadeo anuncia que este acto será “un encontro para achegarnos á importancia da comunicación, da palabra e da oratoria como ferramentas para conectar, transmitir e transformar”.
A Asociación de Veciños Santa Eulalia de A Devesa organiza para este venres, día 28 de agosto a súa primeira “gran churrascada” e anuncia: “non sabemos como quedará o punto da carne, pero a festa está máis que garantida! Apunta para que non te despistes: venres 28 de agosto na explanada do Local Social (se chove non hai drama, hai carpa). A folla de ruta: 20:30 horas, operación coller o ticket; 21:00, a comer (empanada, churrasco de porco, chourizo, pan, auga, viño, sobremesa, café e chupito para baixar o porco); 22:30, baile para queimar as calorías co dúo Puma. O aforo é limitado e temos que saber cantos somos para que non falte nin un cacho de chourizo”.
Para inscribirse hai que contactar con Domingo no teléfono 682.06.57.07 ata este mércores, 26 de agosto.
Ata este mércores, día 26 de agosto, a Oficina de Turismo de Ribadeo acolle unha exposición de pintura de Enol Blanco Puga e Félix Blanco. A mostra, titulada Compartindo e entendendo a creatividade neurodiverxente é “para descubrir diferentes formas de expresar, crear e entender a arte”, explica o Concello de Ribadeo.
Esta exposición pode visitarse todos os días de 10:00 a 14:00 e de 16:00 a 19:00 horas.
Ribadeo despedirá o verán co Guateque que se celebrará no Parque de San Francisco este sábado, 29 de agosto. Todo o recadado irá destinado ao Carnaval 2027.
A concelleira de Comercio e Turismo, Marta Saiz, contou que “xa está aquí o Guateque dos anos 60, a música, a cor e a nostalxia dos anos 60 e 70 volven a Ribadeo. A Comisión do Carnaval e o Concello de Ribadeo, xunto con moitos amigos que nos botan unha man, xa ultimamos os detalles para o tradicional Guateque fin de verán, que arrancará a partir das 8 da tarde o vindeiro sábado, 29 de agosto, no Parque de San Francisco. A cita contará con música que repasará os grandes éxitos desa época e para os que queiran disfrutar desde primeira hora tamén haberá postos con empanada ou tortilla”.
A edil ribadense dixo: “dende a organización queremos facer un...
leer más
O Concello de Ribadeo anuncia que o día 24 de agosto, luns, ás 20:30 horas o Forte de San Damián acollerá “unha interesante charla de Enrique Pérez-Campoamor Miraved sobre as ameixas xigantes da contorna do Eo”.
A conferencia titúlase Colosos del mar al servicio de la Iglesia e é “unha oportunidade para descubrir máis sobre estes impresionantes habitantes do noso litoral”.
Ribadeo afronta unha fin de semana de intensa actividade gastronómica coa I Feira do Mel, a Festa da Ría e a Carne ao Caldeiro de Remourelle este sábado, 22 de agosto, ademais do Mercado do Camiño.
A concelleira de Turismo e Comercio, Marta Saiz, subliñou que “o produto de calidade e de proximidade estará moi presente mañá, sábado, en Ribadeo e tamén en Remourelle. Na contorna da praza de abastos entre as 11 e as 21 horas celebrarase a I Feira do Mel con 17 postos chegados desde varios puntos da xeografía lucense. Haberá catas e un obradoiro de elaboración de velas de cera de abella. Ademais segue no parque de San Francisco o Mercado do Camiño de Santiago, que comezou este pasado martes e que se prolongará ata o vindeiro domingo, día 23, con diversidade de postos de artesanía e de produtos gastronómicos”.
A edil...
leer más