Ribadeo
A AECC de Ribadeo organiza todos os anos diversos eventos, dende mercadiños e concertos ata festivais de danza e carreiras. Desta vez realiza un rastrillo solidario a beneficio da loita contra o cancro, no que se poderán atopar diversidade de artigos a prezos moi interesantes.
Este rastrillo solidario estará aberto todos os mércores do verán na rúa Deputación, 28-baixo, en Ribadeo.
Concello e Acisa fan un balance moi positivo do VII Ribadeo Indiano, que concluía onte co concerto da mexicana Lila Downs, que reuniu na rúa San Roque a máis de 15.000 persoas, e co sorteo da viaxe a Cuba para dúas persoas. A afortunada foi a ribadense Begoña Sobrino Gijón. Segundo os datos que manexa a organización máis de 80.000 persoas se deron cita do venres ao domingo no Ribadeo Indiano, que xerou un volume de negocio de máis de 3,5 millóns de euros.
O concelleiro de Turismo, Pablo Vizoso, manifestou: “dende o Concello de Ribadeo facemos un balance moi positivo desta edición do Ribadeo Indiano de 2022 porque no broche de ouro, no colofón deste evento, no concerto de Lila Downs podemos afirmar que ao mesmo tranquilamente asistiron unas 15.000 persoas. Había moita afluencia na Rúa de San Roque, que ademais desta vez estivo totalmente...
leer más
Os días 15 e 16 de xullo celébranse as Festas do Carmen no porto de Porcillán, en Ribadeo.
O venres 15 ás 22:30 horas haberá verbena amenizada polo grupo Zeltia e o dúo Samba.
O sábado 16 ás 13:30 horas será a sesión vermut co grupo Kamelot. Ás 18:00 horas dará comezo a misa solemne na igrexa da Atalaia e de seguido terá lugar a procesión marítima acompañada polo cuarteto tradicional Illa Pancha. Ao chegar a Virxe ao porto actuará a Coral Polifónica de Ribadeo que interpretará a Salve Mariñeira. Ás 22:30 horas, comezará a verbena co grupo Kamelot e ás 24:00 horas Lucía Pérez poñerá o colofón ás festas co seu concerto.
A emigración é a protagonista do mural que se pode ver xa na praciña da Fonte Nova, en Ribadeo. Estampas do retorno é un novo traballo do afamado artista de orixe ribadense Joseba Muruzábal.
Ao acto de inauguración asistiron o alcalde, Fernando Suárez, e os concelleiros de Medio Ambiente, Cultura e Turismo, Jorge Díaz, Pilar Otero e Pablo Vizoso, ademais do xerente de Acisa, Jesús Pérez.
O mural é unha das actividades das vésperas do Ribadeo Indiano, que arrincará mañá, venres, e se prolongará ata o vindeiro domingo, 10 de xullo.
Joseba Muruzábal, de nome artístico JOSEBA MP, é licenciado en Belas Artes pola Universidade de Vigo e hoxe en día é un dos máximos expoñentes deste tipo de traballos artísticos e os seus deseños xa os hai en moitas vilas. En Ribadeo participou en tres...
leer más
Os locais asociados a Acisa Ribadeo reparten estes días 100.000 rifas entre os seus clientes para participar no sorteo dunha viaxe a Cuba para dás persoas. O nome da persoa afortunada coñecerase o vindeiro domingo, 10 de xullo, despois do concerto do artista mexicana Lila Downs. Con esa dobre cita no barrio de San Roque concluirá o Ribadeo Indiano 2022.
O xerente da Asociación de Comerciantes, Industriais, Servizos e Autónomos, Jesús Pérez, dixo: “somos conscientes do éxito que tivo esta iniciativa na edición do 2019 e por iso non podía faltar este ano”.
Desde a organización do Ribadeo Indiano, Concello e Acisa, lembran que “a viaxe que se sortea é para dúas persoas e será para desfrutar do 2 ao 10 de setembro”.
Pérez Prada subliñou que “participar no sorteo é moi sinxelo. As rifas...
leer másA Aula CeMIT do Concello de Ribadeo acollerá o 8 de xullo un curso presencial sobre ciberseguridade.
A Aula CeMIT de Ribadeo acollerá un curso presencial o vindeiro venres, 8 de xullo, de 10:30 a 12:00 horas, sobre Ciberseguridade.
No mesmo abordaranse cuestións como: Protexerse dos ciberataques; Análise dun caso real de ciberataque, abordando os obxectivos que se perseguen, así coma os mecanismos para detectalos; e Repaso das principais estafas ás que unha persoa se ve exposta no mundo en liña e os principais mecanismos para previlas.
O curso gratuíto é apto para todas as idades. As persoas interesadas en asistir poden anotarse no teléfono 982120732 ou no correo electrónico cemit.ribadeo@xunta.gal
Concello e Acisa ultiman algúns detalles do VII Ribadeo Indiano, que se celebrará do 8 ao 10 de xullo. A pregoeira desta edición, que está dedicada á muller, será a presidenta do Consello da Cultura Galega, Rosario Álvarez.
As antevésperas arrincan hoxe cun coloquio literario con Xesús Fraga na Casa do Viejo Pancho ás oito e media da tarde. E seguirán coas actuacións musicais de Jamila Purofilin mañá, sábado, no auditorio ás nove da tarde e o domingo no quiosco da música con Boroa tamén ás nove.
As vésperas do Ribadeo Indiano seguirán o luns, 4 de xullo, coa proxección no Teatro de Apuntamentos para un filme: A cicatriz branca, documentario sobre a película de Margarita Ledo Andión. O martes na rúa Rodríguez Murias terá lugar a inauguración da exposición fotográfica Mulleres galegas na emigración ás 20:30 horas...
leer más
Dan comezo as rebaixas de verán, os negocios da vila ofrecen interesantes descontos e Acisa Ribadeo ambientará as rúas os primeiros días con música.
O xerente da Asociación de Comerciantes, Industriais, Servizos e Autónomos, Jesús Pérez, manifestou que “mañá venres damos por inauguradas oficialmente as rebaixas en Ribadeo, moitos comercios xa as adiantaron uns días, pero dende Acisa preferimos sempre comezalas na data tradicional. Durante xullo e agosto centos de negocios terán grandes descontos e múltiples artigos de tempada a prezos moi interesantes, polo que animamos á veciñanza e aos visitantes a aproveitar esta cita”.
Pérez Prada subliñou que “desde Acisa apoiamos os nosos negocios con materiais gratuítos, que xa foron repartidos, como cartelería anunciadora das rebaixas, tarxetas co antes e o despois da...
leer más