Ribadeo

O Concello ven de presentar a súa nova aplicación de turismo denominada RibadeoXQSi, coa que o usuario poderá gozar da máxica tranquilidade e beleza do municipio, da súa cultura, da gastronomía, de paisaxes inesquecibles e praias-museo salpicadas de esculturas creadas por séculos de erosión, convérteno nun lugar inesquecible.

O concelleiro de Turismo, Pablo Vizoso, dixo que “esta app turística, é unha ferramenta ao servizo do viaxeiro a través da que pode dispoñer de toda a información turística de interese sobre o concello, un territorio excepcional que grazas á riqueza e diversidade do seu patrimonio e á súa gran oferta de servizos, lle permitirá deseñar e promover unha gran cantidade de propostas que fan de Ribadeo un lugar onde gozar da natureza e desconectar da rutina diaria”.

O edil ribadense indicou que “a...

A asociación Bruar organiza a décima edición do curso de Iniciación ao Jazz, Improvisación e Música Moderna de Ribadeo que se desenvolverá dos días 29 e 31 de xullo.

A actividade, que terá lugar na Escola Municipal de Música e Danza, será impartida por Javier Constenla ao piano, Gileno Santana á trompeta, José García ao saxofón, Aurora Arteaga á voz, Virxilio Da Silva á guitarra e Chus Pazos á batería.
As persoas interesadas poden solicitar máis información no número de teléfono 677 734 084.

Colaboran na organización deste curso: Concello de Ribadeo e Deputación de Lugo. 

A concelleira de Cultura, Pilar Otero, amósase satisfeita de que Ribadeo retome as Xornadas Mar por Medio, que se celebrarán do 16 ao 18 de setembro na vila. 

Otero Cabarcos declarou que “no Concello de Ribadeo estamos encantados de poder recuperar as Xornadas Mar por Medio, que terán lugar no auditorio municipal Hernán Naval o vindeiro mes de setembro. Desde o Concello sempre apoiamos estas iniciativas históricas e culturais”.

A Academia Xacobea, en colaboración coa Xunta de Galicia, a Universidade de Santiago, a Deputación de Lugo e o Concello de Ribadeo, organiza as  XVII Xornadas Xacobeas Mar por Medio nas que estará presente e participará como conferenciante o hispanista británico John Rutherford, impulsor e difusor desta cita en anteriores edicións.

A inscrición para asistir ás...

Este venres, ás 20:00 horas, no Campo de San Francisco, Pajarito presenta A vida tola. Trátase dun espectáculo de novo circo incluído no ciclo Cultura no Camiño.

Tamén este venres e o sábado celébranse as Festas do Carme no porto de Porcillán con actuación o 16 de xullo de Lucía Pérez a partires das doce da noite. 

Ademais dende mañá venres pódese visitar na Sala de Exposicións da Casa do Viejo Pancho a mostra titulada O Castro tamén na orixe da literatura infantil e xuvenil galega, comisariada por Héitor Picallo. O horario de apertura é de 10:00 a 13:00 de luns a venres ata o vindeiro día 29.