Charlas
02/07/2015
Nordés, a asociación polo desenvolvemento das Terras da Faladora organiza unha conferencia con audiovisuais para o sábado 4 de xullo. A devandita conferencia correrá a cargo de David Fernández Abella, arqueólogo de pé e de aleta, fundador da empresa “Argos”, adicada a realizar proxectos e intervencións tanto no ámbito terrestre como subacuático, que ten mergullado unha boa parte do mar costeiro de Galiza na procura de restos arqueolóxicos. Será no salón de actos da Casa do Concello de Mañón, no Barqueiro, e a partir das 8 da tarde baixo o título: "Da Ragazzona ó pecio de Xove: arqueoloxía subacuática do norte de Galiza"
David Fernández Abella é Licenciado en Historia coa especialidade en Arqueoloxía, Historia Antiga e Historia...
leer más 10/06/2015
A Consellería de Cultura, Educación e Ordenación Universitaria organiza esta fin de semana en Lugo as II Xornadas sobre a conservación en castros do Noroeste peninsular, que reunirán a arredor dun centenar de arqueólogos, restauradores, investigadores e estudantes da materia.
O Museo Arqueolóxico do Castro de Viladonga programou esta iniciativa como complemento ás obras de acondicionamento e consolidación arqueolóxica que a consellería está a desenvolver nese xacemento, traballos nos que inviste 72.000 euros. Deste xeito, aprovéitase unha intervención que está en marcha como escusa e como marco para analizar o estado actual e as perspectivas de futuro dos proxectos de investigación e recuperación dos castros.
... leer más 19/05/2015
Fran Fra, carpinteiro de ribeira en activo, intervirá o vindeiro sábado, 23 de maio, nunha tertulia programada dentro das actividades que, arredor do patrimonio marítimo e fluvial, organiza o colectivo viveirés Pensamento e Sementeira.
A tertulia desenvolverase no mesmo local onde está aberta ao público a exposición "As embarcacións tradicionais do arco ártabro até Ribadeo", o local de usos múltiples do Concello, na praza Maior de Viveiro.
O sábado pasado abriuse esta mostra arredor do patrimonio marítimo e fluvial cunha charla que estivo a cargo do especialista Víctor Fernández, membro da Federación Galega pola Cultura Marítima e Fluvial. Na tertulia deste sábado, 23 de maio, que dará comezo ás 19 horas, proxectaranse vídeos sobre...
leer más 03/05/2015
O colectivo Pensamento e Sementeira, de Viveiro, programou para a segunda quincena de maio unhas xornadas arredor do patrimonio marítimo e fluvial.
Esta nova actividade dará comezo coa inauguración da exposición “Embarcacións tradicionais do Arco Ártabro, Ortegal e Mariña de Lugo” que terá lugar o 16 de maio, ás 19 horas no salón de usos múltiples do Concello de Viveiro. Coincidindo co acto de inauguración desta mostra, que permanecerá aberta até o día 30, o colectivo viveirés convidou a Víctor Fernández Gonzalez, directivo da Federación Galega pola Cultura Marítima e Fluvial, para falar sobre o noso patrimonio marítimo.
Outro dos actos que se terán lugar dentro destas xornadas será o 23 de maio e consistirá nunha tertulia con Fran Fra, o único carpinteiro de ribeira activo na nosa comarca.
20/04/2015
Este venres, 24 de abril, remata o ciclo Visións do medio ambiente desde Ribadeo, organizado pola asociación de veciños O Tesón. Ás 20 horas no salón de actos da Casa do Mar Mark Adkinson falará sobre "A pesca recreativa como fonte de ingresos sostibles".
Achégase un estracto do currículum de Mark Adkinson:
Nado en 1952 na Gran Bretaña, estudou manexo porcino en centros universitarios de Nottingham e Norfolk. No 1972 chega a España para traballar en Huesca, e tres anos máis tarde, a Galicia, agora levando as granxas de selección do Grupo Conagra (Saprogal). Pasa despois á delegación en Galicia da británica PIC. Nesta época traballa tamén como consultor internacional.
No 1996 monta en Francia o...
leer más 17/04/2015
A AVV O Tesón, dentro do ciclo "Visións do medio ambiente dende Ribadeo", ten programado para este sábado, 18 de abril, a conferencia de Óscar Chao Penabad “Máis aló das Catedrais: biodiversidade en Ribadeo e arredores”. Será ás 20:00 horas no Salón de Actos da Casa do Mar de Ribadeo.
Óscar Chao é biólogo, cun profundo coñecemento da natureza no entorno de Ribadeo, así como nos aspectos de divulgación das características do noso entorno. As súas fotografías e comentarios a traverso da súas páxinas nas redes sociais (https://www.facebook.com/avesenaturezaenribadeo) son ampliamente seguidas por xente afeizoada ou sinxelamente curiosa dos seres vivos que nos rodean, que aprezan tanto a calidade fotográfica como o...
leer más 15/04/2015
Coincidindo coa exposición Artes Plásticas da Mariña, na que se recolle una boa chea de artistas mariñáns, e que se pode visitar no Cenima de Foz a asociación cultural A Pomba do Arco de Foz vai organizar una serie de mesas debate nas que se abordará, como tema principal, o estado actual da arte. Todas estas mesas debate terán lugar no Cenima de Foz entre os días 20 e 23 ás 20.30 horas.
Primeira charla: Arquitectura de nós.
O luns comezará esta actividade coa intervención de Xosé Manuel Casabella. O arquitecto de fama mundial e cunha extensa obra en Galicia vai abordar o tema do estado actual da arquitectura galega. Despois da charla...
leer más 15/04/2015
Organizado pola asociación de consumo ecolóxico Karrikanta e a asociación Airiños do Xunco de Cervo , coa colaboración do Concello de Cervo , durante os días 16 e 17 estará na Mariña o medico e divulgador sanitario Antonio Palomar para presentar e falar de “Alimentación inteligente y cocina saudable”.
Antonio Palomar ( Getxo , 1959) é médico e divulgador sanitario. Desde hai 30 anos dá conferencias e cursos sobre nutrición, alfabetización emocional e educación para a saúde. Colaborou coas revistas Integral e Natura Medicatrix e o xornal Diagonal . Desde 1986 traballa en Sumendi, asociación pola auto-xestión da saúde. Éé coautor de Psicopolis ( Kairós ). En Txalaparta publicou La despensa de Hipócrates . Os poderes de curación dos alimentos, A sabedoría de Higea. O poder de...
leer más 11/04/2015
O vindeiro sábado, 18 de abril, os mariñaos terán a oportunidade de coñecer máis datos arredor do mosteiro de San Miguel da Coelleira e tamén da vila asulagada de Estabañón. Serán Manuel Gago, xornalista cultural e profesor da USC, xunto co presidente da asociación sociocultural MariñaPatrimonio, Manuel Miranda, os protagonistas da tertulia convocada polo colectivo viveirés Pensamento e Sementeira, que se desenvolverá , desde as sete da tarde, na sala da planta baixa da Biblioteca Municipal de Viveiro.
Segundo explican desde o colectivo organizador "recentemente Manuel Miranda tense preocupado sobre o futuro dos restos en Area-Faro e fixo pública a situación de precariedade na que se atopa este sitio arqueolóxico polo que, para o colectivo organizador desta tertulia, é a...
leer más 07/04/2015
Do 13 ao 23 de abril estará aberto de inscrición nas VIII Xornadas de abordaxe integral de violencia de xénero no ámbito local, que versarán sobre Violencias sociais, mulleres precarias, mulleres á deriva. A cita, que terá lugar os días 24 e 25 de abril, foi presentada esta mañá no Concello.
A edil de Igualdade, Mariluz Álvarez Lastra, indicou que “o contexto de crise económica actual e as graves consecuencias sociais que ven provocando está a producir efectos devastadores en moitos sectores de poboación e de forma moi particular na vida das mulleres. Nesta coxuntura a configuración dista violencia estrutural é tan sutil que moitas mulleres están a sufrir situacións de grave precariedade laboral, social e de condicións indignas de vida. Mentres non sexamos quen de frear...
leer más