Charlas
17/03/2015
Con motivo do roteiro que terá lugar esta fin de semana este xoves, 19 de marzo, Mariña Patrimonio e outras asociacións ecoloxistas e patrimoniais organizan unha charla informativa en Ribadeo na Casa das Letras ás 20.30 horas co título “As Catedrais tamén xacemento arqueolóxico”.
Os organizadores explican que “alí darase cumprida información sobre o forno romano de Esteiro, a canle e as vetas auríferas das Catedrais así como da presenza de minas romanas na Mariña”.
16/03/2015
Mañá martes, día 17 de marzo, ás 8 da tarde, no salón de actos do CENIMA de FOZ presentase na Mariña a Asociación Cidadá contra a Letra Pequena (CON LUPA).
Entre os fins de esta asociación está o de organizar actos e debates públicos para informar, e denunciar se é preciso, aqueles servizos ou produtos que se están prestando ou comercializando sen a debida transparencia e que espertan dúbidas ou carrean graves prexuízos para as persoas afectadas.
Esta nova asociación, que ten ámbito de actuación provincial, nace froito da experiencia vivida na loita contra as preferentes e subordinadas, e está impulsada por persoas que proceden da plataforma que estivo dirixindo esta loita na zona centro de Lugo, pero o seu obxectivo e chegar a...
leer más 14/03/2015
O próximo mércores, 18 de marzo, ás 20 horas a AVV O Tesón ten previsto usar o salón de presentacións da Casa das Letras para realizar unha charla sobre a observación da eclipse de sol do 20 de marzo.
Segundo explican "falarase do que é unha eclipse, as características da eclipse en Ribadeo e os métodos de observación, habida conta que mirar ó sol, con ou sen eclipse, sempre é un perigo para a vista. A charla será a preparación para a observación da eclipse, e será impartida por Antonio Gregorio Montes".
Desde O Tesón sinalan que "o comezo da eclipse será ás 9 e 7 minuto , e a fin, ás 11 e 20 minutos, despedíndose a eclipse de Galicia. O máximo será ás 10 e 11 minutos, momento no que as tres cuartas partes do Sol non se poderán...
leer más 13/03/2015
O Centro Comarcal de Mondoñedo acollerá o vindeiro día 18 de marzo, ás 20 horas, unha xornada sobre a vespa velutina. Nesta charla explicarase como comportarse ante a presenza da vespa, a súa vixiancia e control e tamén haberá unha demostración da elaboración de trampas. O acto esta organizado polo Sindicato Labrego Galego, Asociación Galega de Apicultura e o Concello de Mondoñedo.
09/03/2015
O salón de actos da Casa do Concello de Lourenzá acollerá unha charla informativa sobre o funcionamento do Bando de Terras este venres, día 13, ás 20:30 horas. Correrá a cargo do enxeñeiro agrónomo de BANTEGAL Carlos Díaz Redondo.
A alcaldesa, Emma Álvarez Chao, anunciou que “seguindo co ciclo de charlas que mensualmente fai o Concello, este venres, día 13, ás oito e media da tarde teremos un acto moi importante tanto para agricultores como para gandeiros e tamén para aquelas persoas propietarios de terras que non as utilicen na actualidade. A charla leva por título O Banco de Terras: o seu funcionamento e estará impartida por un enxeñeiro agrónomo do BANTEGAL, Carlos Díaz Redondo”.
A rexedora municipal explicou que “é moi importante...
leer más 27/02/2015
MariñaPatrimonio e ACIA Burela, coa colaboración do Concello de Burela, organizan o venres 6 de marzo a conferencia : “Castrexos. Quen eran? Como vivían? Como vestían?” que contará coa intervención do arqueólogo Eduardo Ramíl Rego, director do Museo Arqueolóxico de Vilalba.
Con este acto, pensado como anticipo á IV Festa Castrexa que se celebrará no mes de xullo, preténdese facilitar ao público información sobre os costumes e aparencia dos castrexos, para que participantes, membros dos clans e todo aquel que queira achegarse, conten con datos e detalles da man dun experto, que se centrará de maneira especial na indumentaria dos homes e mulleres que habitaban os castros.
A conferencia “Castrexos. Quen eran? Como vivían? Como...
leer más 26/02/2015
O colectivo viveirés Pensamento e Sementeria convocou un debate arredor das posíbeis intervencións no areal de Covas que terá lugar este venres 27 de febreiro, ás 20:30 horas na sala da planta baixa da Biblioteca Municipal, na Praza Maior.
Os cambios, acentuados agora por efeito das últimas vagas de mar e as transformacións producidas nos últimos anos no medio, que ocuparon todo o sistema dunar, construíndo espigóns e canalizacións, deron lugar a escaseza de area e ao desequilibrio da praia.
O porto de Celeiro diminuiu drásticamente a enerxía das ondas do mar que rompen no areal provocando a perda de area no sector occidental que é transportada lonxitudalmente de oeste a este.
Estes...
leer más 18/02/2015
O salón de actos da Casa do Concello acollerá o vindeiro martes, 24 de febreiro, ás 20:30 horas unha charla informativa sobre os perigos de internet e como navegar seguros pola rede. Será pronunciada polo dinamizador TIC Javier Reigosa, segundo deu a coñecer hoxe a alcaldesa, Emma Álvarez.
A rexedora dixo que “o vindeiro martes, 24 de febreiro, dento do ciclo de charlas que organiza o Concello todos os meses teremos unha conferencia ás oito e media da tarde no salón de actos da Casa do Concello. Leva por título Perigos de internet: “Navega segur@” e o poñente será Javier Reigosa, dinamizador TIC”.
Emma Álvarez agarda que “esta charla sexa de interese tanto para a xente nova como para a xente maior, xa que cada vez é máis a que...
leer más 15/02/2015
O colectivo viveirés xa ten data para a celebración do debate arredor do estado actual do areal de Covas. Será o venres 27 de febreiro, ás 20:30 horas, na sala da Biblioteca Municipal de Viveiro, na Praza Maior.
Segundo explican desde Pensamento e Sementeira "as modificacións que está a sufrir o areal son motivo de preocupación para a veciñanza. É por iso que organizamos este debate". No mesmo intervirán as seguintes persoas:
-Alexandre García, biólogo.
-Andrés Díaz Ferro, práctico do porto de Celeiro.
-J. Pino, capitán de pesca.
-Tamén se cursou un convite para participar no debate á Demarcación de Costas de Lugo...
leer más 21/01/2015
A Concellería de Educación de Lourenzá ven de organizar unha conferencia para o vindeiro martes, 27 de xaneiro , en colaboración coa Delegación de Defensa de Lugo. A charla será impartida por persoal das Forzas Armadas Españolas e cumprirá un dobre obxectivo: informar aos veciños de Lourenzá sobre cales son as labores que as Forzas Armadas están a levar a cabo por todo o mundo e fomentar o acceso dos mozos laurentinos a este corpo, promovendo unha saída laboral para a xuventude do concello. A conferencia impartirase ás 20:00 horas no salón de actos da Casa do Concello.
A concelleira de Educación e Cultura de Lourenzá, Lupe Flórez Seivane, explicou que "vimos de organizar unha charla, en colaboración coa Delegación de Defensa de Lugo, na que tratamos de difundir a labor das Forzas Armadas Españolas. Basicamente...
leer más