Deportes
O Concello de Burela acollerá unha nova edición do Correlingua, un evento que se celebra cada ano en varios concellos galegos para reivindicar a lingua galega coa participación da rapazada dos centros educativos.
O Correlingua 2024 en Burela comezará ás 10:20 do mércores 29 de maio na praza da Mariña. Ás 10:45 sairá a marcha co alumnado de primaria e secundaria, que percorrerá a vila ata volver de novo á mesma praza.
Para dar a saída da andaina, nomearase aos diferentes centros de ensino que participarán na mesma. A faixa desta edición será portada por alumnado dos centros de Burela, que encabezarán a marcha.
O concelleiro de Mocidade e Educación, Mario Pillado, sinala que para o Concello de Burela "é unha honra recibir unha iniciativa tan bonita coma o Correlingua”.
... leer más
La Asociación Española Contra el Cáncer organiza rutas saludables en Foz. Esta actividad, que es gratuita y dirigida a toda la población, comenzará este viernes, 24 de mayo a las 19:00 horas. El recorrido será desde el muelle hasta la playa de Llas, ida y vuelta.
Desde la Asociación Española Contra el Cáncer queremos concienciar y fomentar hábitos de vida saludables, ya que la actividad física ayuda a mejorar nuestra calidad de vida, reduciendo el riesgo de padecer cáncer y otras enfermedades no transmisibles.
Para asistir es necesario inscripción previa, que puede hacerse a través del teléfono 639.26.23.12 o del correo electrónico lugo@contraelcancer.es.
Ribadeo será escenario desde o 30 de xuño ata o 5 de xullo do campus CHL Meigas de hóckey liña, que organizan o Concello e o club de hóckey Isla Pancha. O evento foi presentado esta mañá.
O campus está destinado a rapazas e rapaces nados ata o ano 2015. Será impartido por xogadores da talla de Asier Gayoso, Andreu Tomás, Juan Escudero ou Tommy Soeder, deportistas que teñen un amplo palmarés no hóckey liña.
Os participantes gozarán de surf e praia, segundo destacan desde a organización.
No acto de presentación deste campus participaron o alcalde de Ribadeo, Dani Vega; o concelleiro de Deportes, Francisco José Silvent; o técnico municipal de Deportes, Iván López; e Marcos Cabanas, Presidente de Club de Hóckey Isla Pancha; e Alejandro Fernández, director técnico do CHL Meigas.
... leer más
O Concello de Trabada e a asociación de sendeirismo Trabada Paso a Paso presentaron o programa de sendeirismo para os próximos meses.
Durante os meses de xuño, xullo, setembro, outubro e novembro realizaranse as cinco rutas de sendeirismo coas que conta o Concello de Trabada (Ruta da Subida ó Picato; Ruta da Fraga da Vilapena; Ruta do Vento; Ruta do Monte Roxal-Teixido, e Ruta Fraga da Becerreira).
“Con esta actividade, organizada conxuntamente polo Concello de Trabada e a asociación de sendeirismo Trabada Paso a Paso, queremos dar a coñecer as nosas rutas e potenciar así mesmo os hábitos saudables e o deporte”, explica o alcalde, Rubén García.
“Quero agradecer a boa disposición da asociación de sendeirismo para a elaboración deste programa, potenciando desta forma este turismo de...
leer más
Acisa e o Ribadeo FC sortearon 800 euros en vales de compra para consumir nos establecementos asociados ao colectivo empresarial. O primeiro sorteo, que foi presencial, tivo lugar o pasado sábado no estadio municipal Pepe Barrera. E o segundo, non presencial, celebrouse esta mañá nas oficinas de Acisa.
O nº 180 foi o gañador dos 300 euros en vales de compra, que o pasado sábado se sortearon no estadio municipal Pepe Barrera ao remate do partido que disputaron o Ribadeo FC e o Lalín.
As mans inocentes duns pícaros foron as encargadas de remexer a urna e de sacar o número agraciado, ante a presenza do presidente do club ribadense, Pedro Posada. O premio foille entregado ao afortunado Adrián Rico pola presidenta de Acisa, Carmen Cruzado.
Acisa e o Ribadeo FC uníronse hai unhas semanas para...
leer más
As Escolas Deportivas de Verán, que organiza o Concello de Ribadeo, ofrecen as especialidades de pesca deportiva, piragüismo, skate, surf e vela. Poderán participar as persoas nadas entre os anos 2009 e 2016.
O concelleiro de Deportes, Francisco José Silvent, explicou que “a escola de pesca deportiva dispón de 20 prazas e desenvolverase do 1 ao 24 de xullo de 10:00 a 14:00 horas. Para a de surf hai 18 prazas e será desde o 25 de xuño ata o 18 de xullo en horario de 16:00 a 18:00. E o 19 de xullo haberá unha xornada especial de 12:00 a 18:00 horas”.
O edil ribadense contou que “a escola de skate ten 18 prazas e ofrece 22 clases de dúas horas entre o 8 de xullo e o 6 de setembro. E a de piragüismo conta con 35 prazas para persoas nadas no ano 2015, haberá dous grupos e desenvolverase do 28 de xuño ao 20 de agosto....
leer más
Os días 25 e 26 de maio terá lugar o XVIII Torneo Internacional de Fútbol de Veteranos Vila de Ribadeo, que organiza a asociación de veteranos do Ribadeo FC. O evento foi presentado no salón de plenos do Concello.
68 equipos participarán na categoría de +35 e 8 na de +45. Desde a organización subliñan que “é a primeira vez que contamos coa presenza de equipos chegados desde catro continentes: Europa, África, Asia e América. Non hai ningún torneo destas características nin en España nin en Europa”.
Os clubs que se desprazarán ata Ribadeo proceden de Portugal, Inglaterra, Irlanda, Francia, Túnez, México, Paraguai, Brasil, Arxentina, India e de nove comunidades autónomas españolas: Galicia, Asturias, Cantabria, Castela-León, Madrid, Valencia, Extremadura, Andalucía e Canarias. O torneo vaise disputar en 10 campos...
leer más
Os partidos disputaranse no Campo Municipal de Alfoz e no Campo Municipal de O Árbol (Valadouro), onde se poderá desfrutar dunha competición que se iniciará as 10 da mañá e rematará ás 21 horas.
Disputaranse un total de 28 partidos entre os 18 equipos en competición, que tratarán de alcanzar unha das catro prazas que dan acceso á fase final.
Os concelleiros de deportes de Alfoz e Valadouro, Eliseo Lorenzo e Eliseo Teijeiro; a directiva do AD Río Ouro presidida por Manolo Novo e contando coa colaboración do CD Alfoz coinciden en que “celebrar este evento deportivo para os nenos e nenas da comarca é unha experiencia enriquecedora. Esta celebración contribúe a fortalecer os lazos comunitarios, o deporte e promove a hostalaría e o turismo dos dous concellos”.
Este sábado, 18 de maio, celebrarase en Foz a sétima edición da Carreira Popular Urbana Campo da Cabana, que este ano conta coa novidade de dúas distancias para a carreira absoluta, 5 e 10 quilómetros.
Os organizadores explican que “o percorrido merece a pena pola súa vistosidade posto que vai polo litoral e as praias focenses, cun trazado suave e divertido. Ademais o evento contará con carreiras para as categorías de formación no entorno da praza Rosalía de Castro, coñecida como Campo da Cabana e que dá nome á proba, organizada polo Club Atletismo Ría de Foz, en colaboración con RunFozRun e o Concello de Foz”.
Todos os corredores da carreira absoluta e os participantes na andaina recibirán como obsequio unha camiseta conmemorativa ademais de avituallamento líquido e sólido para todos los participantes.
... leer más
Seis equipos de Galicia e Asturias daranse cita en Ribadeo este sábado, día 18 de maio, nunha exhibición organizada polo club de karate local, que encabeza o profesor Julián Martín Gómez.
A cita comezará ás doce de mediodía no pavillón municipal de deportes da avenida de Luarca. Na mesma participarán os clubs de karate de Tapia, Castropol, Foz, Lourenzá, Burela e Ribadeo, que reunirán a 120 deportistas.
O concelleiro de Deportes, Francisco José Silvent, considera que “é interesante para Ribadeo acoller estes eventos deportivos” e anima a asistir a esta exhibición a todas as persoas afeccionadas a esta disciplina deportiva.
Colaboran cos organizadores a Concellería de Deportes de Ribadeo, a Federación Galega de Karate e Karate Do Shito-Kai Asturias-Galicia.