Deportes
A Pontenova acollerá do venres 11 ao domingo 13 de novembro a sexta edición da Ruta da Troita de vehículos todoterreo (coches, motos e quads).
O programa de actividades comeza o venres 11 coa presentación da ruta cuns pinchos. O sábado haberá unha ruta turística que sairá ás 09:15 horas. Tamén está programada unha verbena co grupo Fénix e o DJ Pedro Bermúdez. E o domingo haberá proba de obstáculos, que disporá de distintos recorridos en función da categoría do vehículo, e circuíto de velocidade para coches todoterreos e quads.
Integrantes do colectivo organizador, ACD Praias de Comado, xunto con Daniel García, concelleiro responsable da área de Dinamización e Participación Veciñal, e Manuel Otero, xefe do Servizo Provincial de Deportes da Xunta de Galicia, presentaron as carreiras e andaina Monte Comado 2022 que terán lugar este sábado 15 e domingo 16 de outubro no municipio barreirense.
A cita deportiva comezará o sábado 15 coa saída da andaina ás 15:15 h. desde a praia de Arealonga (Santiago de Reinante).
Ás 16:30 h. darase a saída da carreira “½ km vertical” dende o mesmo lugar, a praia de Arealonga, e na que os participantes ascenderán ao cumio do monte Comado en apenas 4 km superando desniveis que roldan o 40% nos puntos máis abruptos do percorrido.
Na mesma tarde do sábado, ás 17:30 h. terán lugar as...
leer más
As Escolas Deportivas Municipais de Barreiros ofertan actividades para todas as idades a partir de 4 anos. Comezarán o 10 de outubro e o prazo para inscribirse remata o día 3 dese mes.
Para persoas de 4 a 15 anos de idade as actividades ofertadas son multixogos, atletismo, patinaxe, natación escolar, fútbol sala e surf. E para os maiores de 16 anos hai ioga, cardio hitt, zumba, ximnasia de mantemento e espalda saudable.
As actividades darán comezo o 10 de outubro do 2022 e rematarán o 31 de maio do 2023, agás a actividade de surf para menores que acabará en xuño do 2023.
Este domingo, día 2 de outubro, no Campo da Mina, da Pontenova, disputarase a décimo primeira edición do torneo de billarda Aberto do Ferro, que é a segunda xornada da tempada da LNB.
Este evento deportivo, que organiza o club de billarda Troitas Bravas, de A Pontenova, celebrarase a partir das 11 da mañá.
O Concello de Foz inaugurará este domingo, 2 de outubro, as primeiras pistas de petanca da Mariña. Son de dimensións regulamentarias (15 por 4 metros) e están situadas no parque de Uxío Novoneyra, remodelado recentemente.
O alcalde de Foz, Fran Cajoto, convida “a todos aqueles que teñan curiosidade polo xogo da petanca a achegarse este domingo ao parque, que está situado, para quen non coñeza a zona, na parte de atrás do supermercado Alimerka. Para a inauguración contamos coa colaboración do Club de Petanca de Ribadeo: varios dos seus membros van acudir este domingo para darnos unhas explicacións e ensinarnos a xogar. Quero agradecerlle ao presidente, ao secretario e a Alfonsina e o seu marido a implicación con este proxecto. Sorprendeunos moito a cantidade de xente de Foz que contactou con nós porque xa xogara á petanca noutras vilas e...
leer más
O Concello de Burela informa do curso organizado pola Asociación Galega de Taekwondo Tradicional e Disciplinas Asociadas coa colaboración do Concello.
A actividade estará destinada a nenas e nenos a partir de 5 anos, podendo asistir sós ás clases ou ben cos pais e/ou nais. Tamén poden inscribirse persoas adultas.
Ofértase taekwondo infantil, competición, especial combate e defensa persoal específica para mulleres.
As reservas de praza realizaranse nas oficinas de información do Concello, con matrícula gratuíta. O custo da actividade serán 10€/mes.
Impartirase no Centro de Formación Ocupacional sito na avenida Arcadio Pardiñas,137 entresuelo en horario ou de 17:30 a 18:30h ou de 18:30 a 19:30h.
O curso inicia o venres 7 de outubro e...
leer más
O Campo de Bolos de Boulloso acollerá o VII Torneo de Bolo Celta de A Pontenova este sábado, 1 de outubro, en horario de 09:00 a 13:00 e de 15:00 a 20:00 horas.
Está organizado polo Concello de A Pontenova e haberá tamén xogos tradicionais para nen@s e adult@s (chave, ra, mariola, tiro de corda, chapas, zancos, etcétera), coa colaboración da Asociación Galega da Asociación Galega de Xogo Popular e Tradicional.
Haberá tamén transporte gratuíto para nenos e nenas que acudan a cursos de natación en Ribadeo
O Concello de Trabada retoma as actividades deportivas dirixidas a persoas adultas de diferentes idades, co obxectivo de promover os hábitos de vida saudables.
En concreto, o concello informa aos seus veciños e veciñas que dende o martes 4 de outubro reanúdase o programa “+ SÁUDE”, dirixido ás persoas maiores do municipio.
“É un programa gratuíto e que levaremos ás parroquias do concello coa finalidade de facilitar o acceso de tódolos veciños e veciñas. A finalidade desta iniciativa é a de promover a autonomía das persoas maiores, e en consecuencia, mellorar a súa calidade de vida”, explica a alcaldesa, Mayra García Bermúdez
Por outra banda, o Concello de Trabada...
leer más
O Concello de Burela informa da apertura do período de inscrición para as Escolas Deportivas do próximo curso 2022-2023, que será do luns 26 ao mércores 28 de setembro.
Como en anteriores anos, as actividades ofertadas son rutas en bici, tenis e patinaxe lúdico. Nas rutas percorrerán sobre rodas distintos puntos do concello, establecendo dous grupos por nivel e idades, luns e mércores de 15:30 a 17 horas. O pavillón dos Castros será o espazo onde se desenvolva a escola de tenis todos os martes de 15:30 a 16:30 horas. Neste mesmo lugar tamén se impartirá patinaxe lúdico os xoves de 15:30 a 17:30 horas, con dous grupos de traballo de máximo 15 persoas.
A ficha de inscrición, que se pode atopar na web municipal, deberase entregar xunto coas fotocopias do DNI do pai/nai/titor legal e do Libro de Familia do 26 ao 28...
leer más
Ata o 30 de setembro estará aberto o praza de matrículas nas escolas deportivas de inverno, que organiza o Concello de Ribadeo. Vanse impartir once modalidades.
A concelleira Mónica Freire explica que “outro ano máis vimos de abrir o prazo de matrícula das escolas deportivas desde onte, luns, e ata o día 30 deste mes. O inicio das actividades da comezo entre esta semana e o 14 de outubro. E o fin das escolas está programado entre o 19 de maio e o 14 de xuño”.
A edil ribadense sinala que “este ano son once as modalidades deportivas ofertadas: atletismo, baloncesto, fútbol, fútbol sala, hóckei liña, natación, pádel, patinaxe, tenis, ximnasia rítmica e tenis de mesa. As escolas deportivas de inverno están destinadas a nenas e nenos nados desde 2009 a 2018, ambos incluídos. Nas que teñen límite de prazas realizarase...
leer más