Deportes
As Escolas Deportivas Municipais do Concello de Alfoz abriron o prazo para a inscrición en fútbol campo e fútbol sala. As inscricións deberán facerse na Oficina de Rexistro do Concello, do 29 de agosto ao 2 de setembro.
Será para nenos/as de 4 a 16 anos, e contan coas categorías de: cadete, infantil, alevín, benxamín, prebenxamín e biberón. A actividade comeza o 5 de setembro e rematará a finais de xuño. Os horarios poden consultarse na seguinte ficha de inscrición https://drive.google.com/file/d/13d-VeQFNtT300kawRH9r39ZWT9ZcymV1/view.
Ademais de fútbol, as Escolas Deportivas Municipais de Alfoz tamén farán patinaxe. O prazo de inscrición abrirá a mediados de setembro, e a actividade será de outubro a maio, tamén para nenos/as...
leer más
Os Sendeiros de Foz realizarán o domingo, 11 de setembro, a XXXIV Marcha Galega de Montañeiros Veteranos.
A ruta escollida e a PR-G194 Sendeiro de Pelamios, en Xunqueira de Ambía, Ourense. A ruta é de 15 km e de dificultade media, e recoméndase levar equipos de sendeirismo. Ao rematar haberá unha comida de confraternidade.
A saída será as 5:00h de Foz, do Cenor Belianorte, e as 5:15 de Ferreira. O prezo é de 30€, co xantar incluído. As persoas interesadas poderán anotarse ata o 1 de setembro, nos teléfonos 606718482 e 670369017, ou no emailossendeiros@yahoo.es
Este sábado, 3 de setembro, ás 18:00 horas disputarase no estadio municipal Pepe Barrera, de Ribadeo, o Trofeo Acisa Festas Patronais.
O xerente da asociación empresarial, Jesús Pérez, contou que “este sábado temos todos unha cita co fútbol ás 18:00 horas para ver o partido que disputarán o Ribadeo FC e o Racing Club Villalbés no estadio municipal Pepe Barrera. A apertura da billeteira será as 16:30 horas, a entrada terá un custe de 10 euros para o publico xeral, 5 euros para socios e socias do Ribadeo FC e os menores de hasta 13 anos contarán con entrada gratuíta”.
A presidenta de Acisa, Carmen Cruzado, agradeceu “a labor tanto da directiva do Ribadeo FC coma da de Acisa Ribadeo polo traballo que están a facer estes días para facer deste encontro deportivo un referente, así coma ao Concello de Ribadeo pola súa...
leer más
O 4 de setembro celebrarase en Riotorto e A Pontenova o Desafío do Ferro, unha marcha cicloturista organizada pola asociación deportiva Pretorianos Club.
Terá dúas modalidades, e-BBT (bicicleta de montaña eléctrica) e BBT (bicicleta de montaña). Ademais, os participantes poderán decidir entre dúas distancias: a marcha corta, de 30 quilómetros, e a marcha larga, de 50. É obrigatorio seguir o recorrido marcado, que será maiormente por pistas forestais e camiños.
A saída e a chegada será na Praza dos Fornos de A Pontenova, pasando durante o percorrido polo concello de Riotorto. Sairase as 9:30 horas, e terase ata as 15:30 horas para realizar o recorrido, quedando descualificado en caso de non chegar.
Na marcha poderán participar tódolos ciclistas federados e non federados de máis de 16 anos...
leer más
O Concello de Cervo e o C.D. San Ciprián organizan a !ª Carreira Popular Península da Paz que terá lugar o domingo 4 de setembro en San Ciprián, coa colaboración da Xunta de Galicia.
A cita deportiva foi presentada na pista de atletismo da Veiga –de onde partirá a carreira- polo rexedor, Alfonso Villares, o edil de Deportes e a concelleira de Cultura, David Rodríguez e Dolores García Caramés, respectivamente, polo xefe do servizo provincial de Deportes, Manuel Otero, e en representación do C.D. San Ciprián, por Olga Vicente, que dirixe a sección de atletismo do club, e pola directiva Cristina Barreira.
A proba infantil será ás 11:00 horas e o percorrido de 5.500 metros será íntegro na pista de atletismo. Pola súa banda, a proba absoluta partirá ás 12:00 horas da mesma pista e discorrerá por todo o perímetro...
leer más
Tras dous anos de parón pola pandemia, o 26 de agosto Lourenzá acollerá o XXIII Día da Bici, organizado polas Escolas Deportivas e o Concello laurentino.
A tradicional celebración contará co paseo de 12 quilómetros á Cazolga e a carreira da tartaruga no Cantón. Ao rematar esta última, haberá máis probas e competicións, así como trofeos e agasallos sorpresa.
Comezará as 19:00 horas coa saída ata A Cazolga dende a Praza Conde Santo. É obrigatorio o uso do casco. As persoas interesadas en participar poderán inscribirse ese mesmo día na praza a partir das cinco da tarde.
Xove acollerá o vindeiro domingo, 21 de agosto, o XXXII Torneo do Concello de Xove de fútbol.
Este torneo terá lugar no Campo Municipal de Xove, ás 18:00 horas, e enfrentará á SD Candelaria coa UD Xove Lago.
O evento foi presentado nas últimas horas
O club organiza estas xornadas de degustación de conservas da zona, que terá lugar no pavillón Monte Castelo de Burela, de 15:00 a 22:00 horas. Todos os interesados podedes asistir de balde, e terán a oportunidade de probar produtos da mellor calidade.
Ao mesmo tempo, estaranse celebrando os partidos de pretempada dos primeiros equipos. En primeiro lugar, o CD Burela FS feminino xogará un partidazo contra o Poio Pescamar FS ás 17:00. En segundo lugar, o CD Burela FS masculino poñerase a proba contra un rival de primeira división RFEF, o Noia Portus Apostoli FS, ás 19:15h. Ambos partidos celebraranse no pavillón Vista Alegre.
Desde o club animan “a que asistades a esta xornada e vaiades a Vista Alegre a apoiar ao voso equipo”.
Do 29 de agosto ao 4 de setembro celebrarase en Xove o IX Torneo de Pádel San
Bartolo, que incluirá un sorteo o día 26 de agosto as 14:00h na Pista de Pádel.
O torneo contará con tres categorías, masculina, feminina e mixta, e repartiranse
1.500€ de material deportivo nos premios das tres.
As inscricións son limitadas e inclúen seguro de accidentes persoal. O prezo será 18€
por unha categoría e 30€ por dúas. As persoas interesadas poderán inscribirse ata o
día 25 chamando ao 982 571 816 (OMIX) ou ao 982 581 381 (Activity).
