Deportes
Burela acollerá o I Campus Mixto FutbolinLugo, que se presentou no salón de actos do Concello. Desenvolverase do 17 ao 21 de xullo no campo da Marosa e está destinado a nenas e nenos de 5 a 16 anos. No acto participaron o concelleiro de Deportes, Ramiro Fernández, o xefe territorial de Presidencia da Xunta, Gerardo Criado, Diego Díaz da organización e Jairo Campo da SD Burela.
O edil burelés manifestou: “quero agradecer tanto a Diego como a Jairo que elixiran Burela para este primeiro campus mixto de fútbol. Desde o primeiro momento sabedes que o Concello sempre estivo colaborando con Futbolinlugo en todas as iniciativas que expuxo. De feito o primeiro All Star fíxose aquí, en Burela, e é unha iniciativa que está tendo éxito e que está desprazándose por diferentes campos. Hai que agradecer o traballo que facedes e estou segurísimo de que...
leer más
O Concello de Ribadeo e a Anpa Esteo organizan obradoiros de voleibol destinados á mocidade nos meses de abril e maio. A actividade enmárcase no programa o Concello cos Coles.
Neste proxecto colaboran o IES de Ribadeo Dionisio Gamallo e a empresa de tempo libre Anacos de Lecer.
A concelleira de Cultura, Pilar Otero, dixo: “consideramos que o deporte contribúe á educación integral da mocidade, ao desenvolvemento harmónico da súa personalidade, á formación en valores e á adquisición de hábitos saudables”.
A edil ribadense sinalou que “como obxectivo ademais de adquirir destreza e coñecemento na práctica desta disciplina deportiva, o que se persegue é fomentar en todo momento a participación por riba do resultado e a concepción igualitaria”.
As datas de...
leer más
O Concello de Cervo, a través da delegación de Deportes e en colaboración coa Escola de Mergullo Centro de Actividades Subacuáticas Costa Lugo, organiza unha nova xornada de bautismo de mergullo na Piscina Olímpica de Lieiro.
A actividade será este sábado 1 de abril entre as 10:30 e as 13:30 horas.
O edil de Deportes, David Rodríguez, recorda “que a piscina municipal é única na provincia de Lugo polas súas características e ofrece tódalas prestacións para levar a cabo unha actividade deste tipo que permitirá aos participantes realizar unha primeira toma de contacto con este deporte acuático”
Os interesados poden anotarse chamando ao teléfono 609.42.32.10, ou enviando un correo a info@buceocostalugo.es.
A Asociación de Comerciantes, Industrias e Autónomos de Burela e o Club Ciclista Cerezo Bikes organizan a III edición da iniciativa Enduro. Monte Castelo durante a fin de semana do 15 e 16 de abril.
Esta proba consta de 25 quilómetros nun contorno natural, 1.450 metros de acumulada, 4 circuítos cronometrados e será puntuable para a Copa Galicia.
Dende a entidade comercial queren convidar a todas as persoas amantes do ciclismo a participar nesta proba deportiva e visitar os establecementos de proximidade de Burela durante esa fin de semana, “sendo unha boa oportunidade para impulsar o comercio e a hostalería local. Invitamos a todas as veciñas e veciños da Mariña Lucense para que acudan ao evento”.
No acto de presentación, que tivo lugar no Concello de Burela, participaron o alcalde,...
leer más
Este domingo día 5 en Burela a Universidade de Santiago de Compostela organiza, en colaboración co Pescados Rubén Burela FS, un ciclo de actividades para nenos e nenas de 6 a 16 anos, "Xogos cooperativos: cohesión grupal e traballo en equipo". Estas actividades forman parte do PLAN CORRESPONSABLES da USC, financiado pola Xunta de Galicia a través da Vicepresidencia Segunda e Consellería de Presidencia, Xustiza e Deportes e a Consellería de Promoción do Emprego e Igualdade.
Diferentes dinámicas grupais de carácter lúdico destinadas ao traballo sobre os valores do deporte, integración social, igualdade de xénero, etc. Traballaranse aspectos como a comunicación e cohesión grupal, importancia de roles, cooperación, esforzo, etc. co obxectivo de que os rapaces e rapazas sexan conscientes da importancia destes aspectos no ámbito deportivo en...
leer más
O Concello de Cervo será o escenario este próximo domingo, 5 de marzo da tradicional Ruta de Enduro Medela MTB, que xa vai pola XIII edición.
A cita deportiva foi presentada este mércores pola tenente alcalde, Dolores García Caramés, o edil delegado de Deportes, David Rodríguez, e polos membros do club organizador, Abel Ordás, Víctor Riera e Diego Ballesteros, na contorna da Ponte do Bao, en San Ciprián, un dos lugares polos que transcorre a carreira.
A proba, de dificultade media-alta, será de 28 quilómetros, e 1.200 metros de desnivel acumulado e permitirá desfrutar de 4 tramos perfectamente acondicionados polos membros do Club “que levan meses traballando no trazado para que ese día os amantes das dúas rodas poidan gozar dunha competición de primeiro nivel no Concello de Cervo”.
...
leer más
A asociación Os Sendeiros, de Foz, organiza para o 5 de marzo, domingo, unha ruta por Navia de Suarna, onde os participantes comerán cocido. A saída desde Foz será ás 07:30 horas e ás 07:45 horas desde Ferreira do Valadouro.
Os prezos desta actividade, incluído o xantar de cocido, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata o 28 de febreiro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
Os organizadores explican que “es una hermosa ruta en un paraje muy bonito y...
leer más
A Asociación As Minas e o Concello da Pontenova organizan a II Carreira de Montaña As Minas o vindeiro 12 de marzo de 2023.
A proba deportiva consta de media maratón, 10 quilómetros e andaina. Para participar será necesaria a previa inscrición, que ten un prezo de 15 euros para a media maratón, 8 para os 10 quilómetros e a andaina será gratuíta. O prazo de inscrición rematará o 8 de marzo.
Todas as persoas que desexan obter máis información poden dirixirse á web carreiras galegas. A proba transcorrerá pola zona das antigas minas.
Haberá trofeo aos tres primeiros clasificados absolutos masculinos e femininos da carreira de 21km e 10km, ao vencedor de cada categoría masculina e feminina da distancia de 21km, e unha medalla ao 2º e 3º clasificado de cada categoría masculina e feminina no...
leer más
O Concello de Cervo acollerá esta próxima fin de semana, 18 e 19 de febreiro, o Campionato Galego Infantil de Inverno de Natación que se celebrará na Piscina Municipal Olímpica de Lieiro.
Na presentación da proba participaron o alcalde de Cervo, Alfonso Villares, o seu homólogo de Xove, Demetrio Salgueiro, o edil de deportes, David Rodríguez, o secretario da Federación Galega de Natación, Ramón Mosquera e o presidente do Club Natación Xove, Alberto Pigueiras.
No campionato, que organizan o CN Xove e a Federación Galega de Natación, coa colaboración do Concello de Cervo, e tamén do de Xove, están inscritos 200 nadadores, pertencentes a 27 clubs galegos.
O rexedor puxo en valor “as privilexiadas instalacións que temos no Concello”, que, grazas á estreita colaboración que mantemos co CN...
leer más
A Asociación de Sendeirismo Terras de Lourenzá organiza unha ruta pola senda fluvial Trimaz-Cabreiros, no municipio de Xermade, para este sábado, día 11 de febreiro. A distancia son 14 quilómetros e a dificultade é baixa. Ao rematar a camiñada os participantes xantarán no restaurante Casa Cándida, de Viveiró.
A saída será ás 08:30 horas desde o Cantón de Vilanova de Lourenzá e as inscricións deben facerse antes das 14 horas deste xoves, día 9, chamando ao teléfonos 699.70.60.31 ou 619.37.80.29. O prezo é de 35 euros para os socios do colectivo organizador e de 40 euros para os que non o son.