Eventos
A asociación Os Sendeiros, de Foz, organiza para o 3 de decembro, domingo, unha ruta polo monte Castelo, en Viveiro. A saída desde Foz será ás 08:00 horas e ás 08:20 horas desde Ferreira do Valadouro.
Os prezos desta actividade, incluído o xantar, son: 40 euros para socios federados, 45 euros para socios non federados e 50 euros para socios temporais.
O prazo para anotarse remata o 29 de novembro e a inscrición pode facerse a través dos teléfonos 606.71.84.82 ou 670.36.90.17 ou do correo electrónico ossendeiros@yahoo.es.
Para participar nesta ruta, que é de dificultade media, a organización recomenda levar equipo de sendeirismo.
Os organizadores destacan que esta ruta “nos acercará a Viveiro, para subir al mirador del...
leer más
A Concellería de Igualdade do Concello de Barreiros prepara actividades para escolares, lectura do manifesto polo Día Internacional para a eliminación da violencia contra as mulleres e a proxección do filme “Onde máis doe”. Estes actos desenvolveranse os días 24 e 25 de novembro.
O Concello de Barreiros tamén se suma un ano máis á campaña “En negro contra as violencias”, unha acción colectiva de sensibilización social contra as violencias machistas que xorde no 2015 en Santiago de Compostela, co impulso da Administración local, e que ano tras ano foi medrando, involucrando a máis concellos, institucións e sectores, chegando a expandirse de xeito viral mesmo fóra de Galicia.
O venres 24 de novembro haberá xornadas de sensibilización e concienciación para o alumnado dos colexios CEIP San Cosme e CEIP San Miguel....
leer más
O Concello de Ourol organiza diversas actividades, como maxia, unha andaina e unha charla, para conmemorar o 25N, pola igualdade e contra a violencia de xénero.
A primeira, que está programada para este xoves, día 23, é un espectáculo de maxia para público infantil e familias a cargo do mago Pedro Bugarín co seu novo show. Será ás 18:30 horas no Edificio Multiusos.
O venres 24 haberá a quinta andaina contra a violencia de xénero, con saída ás 12:30 horas no Paseo da Rega.
E o día 29, mércores, ás 18:30 horas no Edificio Multiusos terá lugar unha charla a cargo da actriz Berta Ojea.
A concelleira de Muller e Igualdade, Elena Martínez Pena, anuncia: “Acabouse! é o lema do Concello de Foz para este 25 de novembro, Día Internacional da Eliminación da Violencia contra a Muller. Desde o Concello queremos amosar, baixo este lema, a nosa repulsa contra calquera tipo de violencia machista e transmitir á sociedade a importancia de traballar valores de igualdade e respecto polas persoas”.
Elena Martínez engade que “este ano colabora nesta campaña o equipo feminino de baloncesto Adamo Celtas, do C.B Celtas de Foz, un equipo conformado por algo máis dunha decena de mulleres novas, comprometidas e loitadoras, que se erixen como o equipo revelación da Primeira Autonómica Feminina. Estas rapazas son un clara mostra de que o deporte, como moitos outros ámbitos, non é só masculino e as locais están a ser un gran exemplo de...
leer más
A asociación Irmandade San Caetano, de Celeiro de Mariñaos (Barreiros), organiza un magosto para este domingo, 26 de novembro, nas escolas desa parroquia.
As actividades empezarán ás 13:00 horas cunha sesión vermú amenizada polo grupo Condensadores de fluzo. Ás 14:00 horas comezará a comida, na que servirán empanada, bolo preñado, panceta, castañas asadas, pan, viño, refrescos e café. O prezo é de 15 euros e para participar hai que reservar antes do venres. O evento rematará cunha chocolatada.
A organización anuncia que “o domingo 26 nas Escolas de Celeiro de Mariñaos despediremos o mes de novembro cunha xuntanza das que nos gustan: comida, bebida, música e bo ambiente”.
Ribadeo conmemorará o 25N con proxeccións, teatro e cunha concentración e manifestación artística. O lema elixido para este 2023 é Ribadeo unida pola igualdade, forte contra a violencia.
A concelleira de Igualdade, Begoña Sanjurjo, explica que “hoxe, martes, iniciamos a semana repartindo nos centros educativos Historietas 25N, creadas cursos atrás por estudantes dos centros de Ensino de Ribadeo da ESO e da FP. Trátase dunha iniciativa que non só promove a prevención senón que tamén destaca e aproveita o talento artístico da mocidade ribadense”.
A edil ribadense contou que “o venres, día 24, proxectaremos a película Matria no auditorio con sesións matinais para os centros de ensino, enmarcadas no programa O Concello cos Coles. E haberá un pase aberto a todo o público ás 20 horas cunha entrada simbólica de 3 euros...
leer más
O Concello de Cervo, a través da delegación de Muller e Igualdade que dirixe Pilar Armada, programa, xunto coa asociación Saúde Mental A Mariña, diferentes actos con motivo do Día Internacional da Eliminación da Violencia contra a Muller, que ten lugar cada 25 de novembro.
No programa colaboran tamén a asociación Mulleres en Igualdade de Cervo (CERMEI), Airiños do Xunco, o CEIP de Cervo, e o CEIP Península da Paz.
Así, o venres 24 de novembro, ás 12:00 horas, está prevista un concentración na Praza Nardo Martínez “pola igualdade e en contra da violencia de xénero” na que se gardará un minuto de silencio en recordo das vítimas, con lectura de manifesto a cargo dun representante do alumnado do CEIP de Cervo e do CEIP Península da Paz, e tamén da asoc. Saúde Mental A Mariña.
A continuación,...
leer más
A artesanía será a protagonista de A Mariña en Ruta a vindeira fin de semana en Ribadeo e en Mondoñedo. Tamén está programada a Xeoruta do Perdouro, en Burela.
O sábado, día 25, terá lugar un obradoiro de coiro con Raíces Nómadas, en Ribadeo, que acaba de ser nomeado como finalista aos Premios Artesanía de Galicia, coa súa peza Nasa, un bolso de man que reinterpreta a tradicional nasa galega, nunha homenaxe á cultura marítima de Galicia. Os asistentes, coas indicacións de Ezequiel Franchi, terán a oportunidade de elaborar un porta botellas de coiro para levar colgado da ombreira ou enganchado nun bolso, mochila ou pantalón.
Para o domingo está prevista unha visita a Mondoñedo e ao seu legado. Os asistentes poderán achegarse ao traballo dos artesáns do barrio de Os Muíños, ademais de gozar da historia da Cidade...
leer más
O día 23 no salón de actos do Centro Cívico ás 11:30 horas terá lugar unha obra de teatro. Trátase da representación de As fillas de Momán.
E o 24, venres, a Casa do Concello será iluminada para a ocasión e procederase a colocar un gran lazo pola eliminación da violencia contra a muller.
Os actos están organizados pola Concellería de Muller e Igualdade do Concello de Xove.
O vindeiro 24 de decembro Papá Noel estará no Valadouro, onde se realizará unha recepción para todos os nenos e nenas que se queiran achegar.
En colaboración co Motoclub Val D’Ouro convídase a participar na Papanoelada moteira vestidos coa indumentaria vermella para percorrer as rúas do val ata a recepción a Papá Noel.