Eventos
O Concello de Cervo, en colaboración cos distintos establecementos do Centro de Emprendemento de Sargadelos, programa para o sábado, 4 de maio, unha xornada de portas abertas para dar a coñecer ao público as diferentes actividades postas en marcha no edificio das Antigas Cabalerizas, no que se habilitaron 6 locais e un anexo exterior con cuberta, a disposición daquelas persoas con ideas novidosas que desexasen poñer en marcha os seus proxectos.
Así, desde as 12:00 horas haberá xogos populares, manualidades e globoflexia; ás 12:30 horas actuarán as pandeireteiras de Aririños do Xunco, e ás 13:00 horas o Cuarteto Ardentía.
A día de hoxe xa están en funcionamento o centro equino “Cabaliño de Pao”, o café-bar cultural “A Sacabeira”, o obradoiro de alimentación ecolóxica “A Morena” e o estudo creativo e de arte na pel...
leer más
A asociación cultural A Pomba do Arco organiza o domingo 16 de xuño unha viaxe polo patrimonio histórico, artístico e natural da Ribeira Sacra guiado polo escritor Lois Diéguez, autor de diversos libros de viaxe sobre esta comarca.
O programa é o seguinte:
1. Monforte de Lemos
· Monte de San Vicente: Palacio e Torre. Fortaleza dos Castro. Igrexa e convento de San Vicente. Panorámica ao Val de Lemos e Ribeira Sacra. A historia nace aquí.
· Paseo desde San Vicente ao Convento da Compañía ou dos Escolapios, pasando polo burgo medieval, Muralla e Portas, igrexa de San Domingos, Calexa, rúa do Cardeal, Río Cabe, Ponte Fontecha e Convento dos Esclapios.
2. O Saviñao. Río Miño.
... leer más
Vilanova de Lourenzá acollerá este mércores, día 1, o desfile do Maio e un espectáculo de clown e circo, que terá lugar no Cantón.
Ás 16:30 horas saíra o Maio do mercado comarcal para percorrer as rúas de Vilanova, acompañados polo grupo de música da asociación Osorio Gutiérrez. A continuación no Cantón haberá desfile d@s participantes no concurso de sombreiros, entrega de premios do concurso de postais para as nais, organizado pola ACIAL, e entrega de premios dos concursos de decoración de vivendas e comercios e de sombreiros do Maio.
As actividades rematarán cun espectáculo de clown e circo titulado MeRe-cidamente, da compañía Moc Moc.
En caso de choiva as actividades do Cantón trasladaranse ao mercado comarcal gandeiro.
O Concello de Cervo e a asociación Cabaleiros do Xunco celebrarán a XI edición da Feira de gando o domingo, 5 de maio, no polígono industrial de Cuíña.
Así o anunciaron o alcalde, Alfonso Villares, e o edil de Deportes, José Ramón Soto, na presentación do evento, na que tamén estivo presente o presidente da asociación Cabaleiros do Xunco, Julián Otero, e varios membros da Xunta directiva deste ente.
Hai programadas actividades durante todo o día ao redor do gando. Deste xeito, dende as 8:00 horas ata as 14:00 horas, poderanse realizar transaccións comerciais no recinto feiral; ademais, pola mañá programáronse paseos gratuítos para as crianzas sobre cabalos de montura.
Xa pola tarde, a principal atracción estará centrada nas diferentes carreiras: marcha de trotóns (de 16:00 a 17:00 horas...
leer más
A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha viaxe a Portugal, concretamente a Oporto, Aveiro, Coimbra, Óbidos e Fátima. Será do 17 ao 19 de maio, aproveitando a ponte do Día das Letras Galegas.
A actividade inclúe viaxe en autobús con saída desde Ribadeo e paradas nos lugares de costume, guía acompañante, seguro de viaxe, todas as excursións, circuíto en pensión completa, almorzo nun restaurante de Oporto, hoteis de 3 estrelas en Figueira da Foz e Fátima, cruceiro polo río Duero, visita a unha bodega en Oporto en guías locais nesa cidade e tamén en Aveiro, Coimbra, Óbidos e Fátima.
O prezo é de 199 euros por persoa en habitación dobre.
Para a reserva de prazas desta excursión hai que dirixirse a axencia de viaxes Augasantas,...
leer más
O próximo 4 de maio de 2019 celebrarase a IX Ruta Cabalar de Remourelle, organizada pola Asociación Xinetes de Remourelle.
A xornada dará comezo ás 9:30 coa recepción dos participantes no Campo da Festa, a saída ás 10:30 pola ruta deseñada e o xantar dará comezo ás 14:30 horas
Distancia: 16,7 Km
Altitude: Máx. 389 m | Med. 312 m
Desnivel: Máx. 27,8 % | Med. 6,7 %
Tempo estimado: 4 horas
A cabeceira da ruta estará asegurada por Protección Civil de Ribadeo, que facilitará o paso dos cabalos cando conflúa unha estrada no percorrido. Na metade da ruta farase unha parada para tomar uns pinchos e repoñer forzas.
A xornada estará amenizada por unha discoteca móbil e haberá agasallos, sorteos e inchables gratis para todos os nenos e nenas...
leer más
A Escola Municipal de Música e Danza (EMMeD) de Ribadeo celebra este venres, 26 de abril, ás 20:00 horas no Auditorio Hernán Naval o Día Internacional da Danza.
Polo escenario pasarán alumnas e alumnos da Escola das diferentes especialidades de danza, dando forma ao programa desta actuación, aberta ao público e gratuíta.
Así mesmo, o grupo de danza da EMMeD foi convidado polo Conservatorio Profesional de Danza de Lugo a participar no Encontro de Centros de Danza, que terá lugar o vindeiro martes, 30 de abril, na capital lucense, dentro dos actos da Semana da Danza, coa participación de diversos centros de ensino de danza clásica e contemporánea de Galicia. Será ás 20:00 horas no Auditorio Gustavo Freire.
O sábado, día 27, ás 13:00 horas, terá lugar a misa solemne na igrexa parroquial e procesión en honra a San Isidoro. Ás 14:00 horas, haberá sesión vermú con Mayer, e ás 15:00 horas, celebrarase un xantar (para inscribirse previamente hai que chamar ao teléfono 646 647 619).
Pola tarde, a partires das 17:00 horas, haberá verbena con Mayer e Fénix. A comisión entregará trofeos ás tres mellores parellas de baile, e ás parellas máis veterana e máis nova. A xornada rematará ás 19:00 horas cunha gran queimada co Bruxo de Cervo.
E o domingo 28 ás 10:00 horas comezará a xuntanza cabalar e o paseo de sendeirismo de Pesasagudas á Cruz do Pao da Vella, organizada pola asociación Cruz de Loureiro. Para inscribirse na ruta e no xantar que haberá posteriormente hai que chamar ao teléfono 646 647 619.
...
leer más
Este martes, 23 de abril, deron comezo as actuacións de “A Maxia dos Valores” un programa educativo innovador dirixido ao alumnado de infantil e primaria co que o Goberno da Deputación leva a colexios de toda a provincia un espectáculo de maxia capaz de transmitir valores como a responsabilidade, a gratitude ou o respecto, así o explicou a Deputada de Cultura, Pilar García Porto. Esta primeira actuación tivo lugar no salón de actos do CEIP San Miguel de Paradela ante medio cento de nenos.
A Deputada destacou que “grazas as capacidades únicas da maxia, como son a capacidade de sorprender e emocionar, este espectáculo convertese nunha ferramenta educativa de gran calado entre os máis pequenos. Xa tenos confirmados máis de 450 nenos que desfrutarán deste espectáculo singular ao tempo que aprenden”.
A programación do...
leer más
O Concello de Burela organiza o seu tradicional xantar para os xubilados, que terá lugar o vindeiro 5 de maio no pavillón dos institutos. Os que queiran participar poden inscribirse no Concello desde mañá, 24 de abril, e ata o 3 de maio.
O alcalde burelés, Alfredo Llano, declarou que “como é tradicional xa, desde que chegamos nosoutros ao Concello de Burela a través deste grupo de goberno, volvemos recuperar o día de convivencia das nosas persoas maiores, facer unha homenaxe e un día para compartir, que é moi agradable, cun xantar para todos eles. Este ano imos facelo o 5 de maio”.
O rexedor salientou que “é para nosoutros unha honra poder xuntar á gran maioría de xente de Burela para participar neste xantar, ademais doutras actividades que vai haber antes no auditorio. Queremos compartir entre todos un día que...
leer más