Libros
07/02/2017
Esta semana a Librería Bahía, de Foz, acollerá dúas actividades, coma sempre sobre libros e escritores, unha dirixida ao público adulto e outra dirixida ao público infantil.
A primeira actividade é un coloquio co escritor Manuel Portas entorno á súa novela LourenÇo Xograr. “Titúlase Descubrindo Lourenço Xograr con Manuel Portas, e forma parte do programa de coloquios con escritores que estamos realizando en colaboración co club de lectura da Pomba do Arco. Será o venres, día 10, ás oito e media da tarde”, explican desde a Librería Bahía.
E engaden que “a novela é unha recreación da vida de Lourenço, un xograr do século XIII cuxa principal ansia é converterse en trobador, status maior dentro da arte poético-musical da época (a de esplendor da lírica galega ou portuguesa). Na primeira parte, imos coñecendo...
leer más 23/01/2017
A Asociación Cultural A Pomba do Arco organiza o xoves, 26 de xaneiro, ás 20:30 na Libraría Bahía de Foz a presentación do libro “A Candidata”, obra que mereceu o Premio Manuel García Barros de Literatura e que ven de ser publicado pola Editorial Galaxia. A presentación da obra correrá a cargo do seu autor Miguel Sande, que estará acompañado polo presidente da Pomba do Arco, Xoán Ramón Fernández Pacios.
A novela de Miguel Sande está a recibir un moi boa reposta por parte da crítica e do publico, do que dá conta as súas propias vendas, até o punto de aparecer como un dos libros galegos máis vendidos do último trimestre. Asemade o blog cultural Biosbardia cualificouna como “a novela destacada do ano 2016”, situándoa a “Tabela dos...
leer más 16/01/2017
A Asociación Cultural A Pomba do Arco organiza para o 19 de xaneiro, a presentación do libro "As contas que nos contan", de Xosé Díaz Díaz. O acto terá lugar na Librería Bahía de Foz ás 20:30 horas.
Nesta obra, editada por Sermos Galiza, analízanse as causas e as formas do espolio económico de Galicia. A presentación correrá a cargo de Xoán Ramón Fernández Pacios, presidente da Pomba do Arco, e posteriormente tomarán a palabra Xoán Costa, conselleiro delegado de Sermos Galiza, e o autor, Xosé Díaz Díaz.
A Pomba do Arco quere con este acto informar sobre determinados aspectos da realidade económica de Galicia, e de xeito moi particular fornecer elementos de análise que rachen co tópico dunha realidade subsidiada ou necesitada da esmola...
leer más 28/11/2016
A Librería Bahía de Foz, en colaboración co club de lectura da Pomba do Arco, inaugura o formato de encontro con autores e autoras para descubrir as súas obras.
Deste xeito o xoves, 1 de decembro, Santiago Jaureguizar estará na Librería Bahía ás 20:30 horas, para falar da súa última obra titulada Placebo.
A acción de Placebo desenvólvese na vila de Ribadeo á que regresa Roi logo de sufrir un grave accidente no que perde a memoria. Reencontrarse cun pasado que non recorda vai ser para el unha fonte de sorpresas. Tamén o vai ser para o lector nesta obra na que nada é o que parece.
21/11/2016
A obra Mortos por amor á terra de Ramón Ermida presentase este venres, 25 de novembro, en Mondoñedo.
No acto que terá lugar na Casa da Xuventude ás 20:30 horas, intervirán o investigador Cidre Fernández, o historiador Eliseo Fernández e o autor, Ramón Ermida, quen falará da represión sobre o nacionalismo galego entre os anos 1936 e 1950 facendo especial fincapé sobre a represión franquista en Mondoñedo.
03/11/2016
Este sábado, 5 de novembro, ás doce da mañá na Librería Bahía de Foz haberá unha nova sesión dos “Sábados de Conto”.
Haberá contacontos e taller sobre o libro “Lágrimas bajo la cama”, coa súa autora e editora, a lucense Ana Meilán.
“Simón é un neno de bágoas fáciles e por iso todos lle chaman chorón. Un día toma unha decisión drástica. Qué vai facer Simón coas súas bágoas? Si queredes sabelo, vinde á Librería Bahía o vindeiro sábado”, explican os organizadores.
20/10/2016
Comezan as actividades na Librería Bahía, en Foz, cos Sábados de Conto.
Sofía Manín e Mariña Balseiro son dúas nenas de nove anos ás que lles gusta moito ler historias, e o bo é que... tamén lles gusta contalas!
Este sábado, 22 de outubro, vanse estrear como contadoras na Librería Bahía onde lles escoitaremos a historia de Carabuñas, un ogro moi malo que se topou cunha nena moi lista…
Sonia e Mariña estarán na Librería Bahía este sábado ás doce da mañá.
25/08/2016
Durante os días 26, 27 e 28 de agosto a II Feira do Libro acollerá diversas actividades como presentacións de libros, actuacións musicais e debates con escritores. A praza da Mariña será o escenario deste evento. O alcalde, Alfredo Llano, anima a achegarse a Burela ao longo destes días.
O rexedor comentou que “despois deste mes tan realmente activo aquí no noso concello de Burela con temas extraordinariamente atractivos para o público en xeral, para os nosos veciños e para a xente que estaba por aquí na comarca de vacacións, imos culminar con algo que a min me parece realmente importante como é a segunda edición da Feira do Libro que vai ter lugar o 26, 27 e 28 de agosto”.
22/08/2016
A reedición do libro Burela: Apuntes históricos y Crónica del siglo XX será presentada na segunda Feira do Libro que se celebrará en Burela durante os días 26, 27 e 28 deste mes.
O concelleiro de Cultura, José Díaz, explicou que “en Burela tenemos esta semana la segunda edición de la Feria del Libro. Estamos con muchas ganas todos los que llevamos la parte de Cultura, nos hace ilusión esta segunda feria siempre buscando mejorar la del año pasado. La verdad es que el balance fue bueno y quedamos contentos con ella, pero siempre se aprende de pequeños errores que se cometieron y esperemos aquí poder corregirlos y hacer una segunda feria que atraiga no sólo a nuestros vecinos de aquí sino a...
leer más 17/08/2016
"Mortos por amor á terra. A represión sobre o nacionalismo galego (1936-1950)", de Xosé Ramón Ermida, será presentada o venres, 19 de agosto, ás 21:00 horas, na Feira do Libro de Foz que se localiza na praza Conde de Fontao.
A publicación recolle un traballo de investigación histórica sobre diversos aspectos da represión franquista en Galicia con importantes referencias aos feitos acontecidos en Foz e no conxunto da Mariña.
Na presentación o venres 19 intervirán o autor, Xosé Ramón Ermida Meilán, o historiador Xoán Ramón Fernández Pacios, e o representante da editorial Sermos Galiza Xoán Costa.