Música

O grupo 2na fronteira, formado por Carme Penín á voz e Maurizio Polsinelli ao piano e harmonio, amenizarán o acto de presentación do libro Carlos Álvarez Fernández-Cid. Músico, editado pola Secretaría Xeral de Política Lingüística, e que terá lugar este venres, 21 de decembro, ás 20:30 horas, no Teatro de Ribadeo. Esta obra colectiva, con prólogo de Francisco Díaz-Fierros Viqueira e deseño de Fernando Fernández Páez, recolle máis de 40 colaboracións arredor da figura de quen foi tan determinante na difusión da música en Ribadeo.

O sábado, 22 de decembro, ás 20:45 horas, na igrexa parroquial de Santa María do Campo, celebrarase o XXIV Festival de Panxoliñas, organizado pola Coral Polifónica de Ribadeo en colaboración co Concello. Actuarán a Coral Polifónica de Bueu, a Coral Fabrense de Fabero del Bierzo-León e a Coral Polifónica de Ribadeo...

A Escola Municipal de Música e Danza (EMMeD) de Ribadeo celebra este sábado, 22 de decembro, ás 12:00 e ás 18:00 horas no Auditorio Municipal Hernán Naval o seu tradicional Festival de Nadal, que se enmarca dentro dos actos do 25 aniversario do centro.

No repertorio deste ano non faltarán as panxoliñas, pero tamén hai cabida para outros ritmos como a música moderna ou a tradicional. “O de Nadal é, xunto con fin de curso, o festival que máis éxito ten tanto entre o alumnado coma entre o público, de aí que cada ano procuremos ofrecer cousas novas tanto a nivel de repertorio coma de posta en escena”, apunta Hugo García, responsable da EMMeD de Ribadeo.

Pero sen dúbida o aspecto máis destacado do Festival de Nadal, tal e como acontecera en cursos anteriores, é a súa vertente solidaria. Ao longo de toda a semana, desde...

Dentro da programación de actividades que organiza a Escola de Música, inclúese  o xa tradicional concerto de Nadal denominado Concerto en familia.

Segundo conta o director da Escola “participarán neste recital alumnos e alumnas de todas as idades, dende os mais pequenos, agrupados nos colectivos de Música e Movemento e Formación Básica, que levarán adiante coreografías e cancións propias destas datas e ideadas polo seus mestres. Tamén contaremos con todas as agrupacións da Escola, como son o grupo de jazz, agrupacións de corda, coro, cantantes e rematando coa Banda de Música dirixida por Bruno Álvarez”.

Este é un concerto público e gratuíto, “onde os alumnos amosarán o seu bo facer por medio do traballo que realizaron durante este primeiro trimestre do curso”, engade Xan Carballal.

O...

O Delegación de Cultura do Concello de Xove organiza a VIII edición do Concurso de Karaoke que se celebrará o sábado, 22 de decembro, ás 21:30 horas, no Pavillón Municipal de Deportes.

As bases e a relación de cancións para participar pódense recoller nas Oficinas Xerais do Concello ou no Departamento de Cultura. Tamén se poden enviar por e-mail ás persoas que o soliciten, e consultalas na páxina web do Concello: www.xove.es.

Os/as participantes que concursen cunha canción non incluída na lista da organización, teñen de prazo para inscribirse ata o día 14 de decembro, ás 14:30 horas. Para o resto o límite de inscrición remata o día 21 de decembro, ás 15:00 horas. As anotacións poden facerse presencialmente na Oficina do Técnico de Cultura, en horario de oficina, ou chamando ao...