Teatro
A obra de teatro musical Carapuchiña Vermella, da compañía Educateatro Producións, que estaba programada para este sábado, 7 de novembro, na Sala Bahía, de Foz, suspéndense debido á indisposición dun dos actores que forman parte do elenco artístico desa representación.
Anunciouno esta tarde a concelleira de Cultura, Inés López Couto, despois de recibir o aviso da compañía teatral.
Continúa a programación de teatro no Concello de Foz. A Concellería de Cultura ten preparada para este sábado, 7 de novembro, ás 18.30 horas na Sala Bahía a obra Carapuchiña Vermella, da compañía Educateatro Producións.
Esta obra chega en formato musical e nela “pequenos e grandes acompañarán a Carapuchiña Vermella na gran aventura de levarlle á súa avoa unha cesta coa merenda atravesando un bosque cheo de sorpresas”, comenta a concelleira de Cultura, Inés López Couto.
Con esta representación o Concello de Foz segue co programa Foz fai Cultura, que busca que, malia as circunstancias adversas e a crise sanitaria que estamos a vivir, tanto adultos coma nenos poidan seguir gozando da Cultura de forma segura.
O prezo desta actividade será de 3 euros para os adultos e 2 euros para os nenos....
leer más
O Teatro Pastor Díaz acollerá diferentes actuacións para nenos e nenas, concertos e representacións teatrais, dentro da programación cultural do Concello de Viveiro para o mes de novembro.
Este sábado, 7 de novembro, ás 18:00 horas, Ghazafelhos Teatro da RGTA, presentará As pitas…, dirixida a nenos e nenas maiores de 5 anos.
O día 14 ás 20:30 horas Redium Teatro da RGTA representará O mozo da última fila.
O 21 de novembro ás 21:00 horas a Banda Municipal de Música de Viveiro ofrecerá o concerto de Santa Icía interpretando música de cámara. A actuación será retransmitida a través de Youtube e Facebook.
O día 28 ás 18:00 horas Galeatro da RGTA porá en escena Carabela, dirixida a nenos e nenas maiores de 3 anos.
Haberá límite de aforo e...
leer más
O salón de actos da Casa da Cultura de Alfoz acollerá este sábado, día 7 de novembro, ás 19:00 horas a representación de teatro familiar titulada A viaxe do Sr. López, a cargo de Produccións Teatrais Señor López, unha creación do actor, dramaturgo e docente Rubén Pérez.
É unha representación para todos os públicos, con entrada gratuíta e aforo limitado. Está organizada polo Concello de Alfoz coa colaboración da Deputación de Lugo.
A compañía Producciones Teatrales S.L. decidiu cancelar o espectáculo de humor Pesadilla en la comedia, protagonizado por Enrique San Francisco e Miki Dkai previsto para o vindeiro sábado, 7 de novembro no auditorio municipal de Burela, dada a alerta sanitaria derivada do covid-19 e a limitación de aforo a 60 persoas imposta pola Xunta de Galicia para os eventos culturais que se realicen en recintos pechados.
O concelleiro de Cultura, José Díaz, lamenta “as molestias ocasionadas e trataremos de reprogramar máis adiante dito espectáculo. O importe das entradas xa mercadas será devolto automaticamente a través da plataforma online de ataquilla.com”.
A compañía Ibuprofeno Teatro representará a obra O mel non caduca na Sala Bahía, de Foz, este venres, día 30, ás 21:00 horas dentro da programación do Ciclo de Teatro de Outono que organiza o Departamento de Cultura do Concello focense.
Esta obra de teatro contemporáneo, cunha duración de 70 minutos, será representada por Marián Bañobre e Avelino González.
Ibuprofeno Teatro explica que O mel non caduca “é un espectáculo biodegradable e ecosostible xestado a partir dun proceso de creación colectiva, arredor da relación do ser humano cos obxectos, da degradación ecolóxica do planeta por mor da perversa lóxica consumista do capitalismo e da obsolescencia programada, tanto dos produtos como das persoas”.
A concelleira de Cultura, Inés López Couto, explica que “o aforo máximo será de 60...
leer más
Culturactiva presenta este sábado, día 31 de outubro, ás 18:00 horas no Teatro Pastor Díaz, de Viveiro, a obra Rosalía.
O espectáculo, dirixido a nen@s con idades entre 4 e 10 anos, traslada ao público á nenez de Rosalía de Castro, amosando o porque da súa obra dun xeito ameno e divertido. Conta a historia de cando ten que abandonar a aldea para vivir coa súa nai despois de anos baixo a tutela das súas tías paternas, mentres a súa boa amiga Eduarda lle canta medio tristeira e medio burleira.
Baixo a dirección de Fina Calleja, a obra é interpretada por Rocío Diéguez e Cristina Collazo.
A reserva de entradas pode facerse, de luns a xoves de 9:00 a 14:00 horas, a través do teléfono 982 560 162 ou no correo rbg.cultura@viveiro.es. Segundo a...
leer más
O Teatro Pastor Díaz, de Viveiro, acollerá este sábado, 24 de outubro ás 20:30 horas a representación Liberto a cargo de Marela Producións.
A obra conta a historia de Liberto, quen cando nace, frea en seco a vida de Ada. É un canto á vida desde a primeira persoa, interpelando directamente ao público. Unha reivindicación do imperfecto, do humano cun texto e unha proposta formal que falan da vida, do sensorial e instintivo. Un espectáculo que revisa os límites socialmente acordados e un relato de como xestionar a dor e seguir avanzando.
Baixo a dirección e adaptación de Tamara Canosa, o elenco está integrado por Rocío González, Cris Iglesias e Lucía Aldao.
A reserva de entradas pode facerse de luns a xoves de 9:00 a 14:00 horas, no teléfono 982 560 162 ou no correo electrónico...
leer más
A compañía Señora Supina representará a obra 5 mulleres que comen tortilla na Sala Bahía, de Foz, este venres, día 23, ás 21:00 horas dentro da programación do Ciclo de Teatro de Outono que organiza o Departamento de Cultura do Concello focense.
Esta obra de teatro comedia, cunha duración de 80 minutos, será representada polo seguinte elenco artístico: Nola Drake, Raquel Ferraz, Alba Outeda, Raquel Crespo e Gabi Modesto.
5 mulleres que comen tortilla é “unha comedia delirante e enxeñosa que transporta ao espectador á América dos anos 50, grazas ao humor e a unha coidada posta en escena totalmente inmersiva. Un búnker esmeradamente decorado no que se integra ao público desde que entran pola porta asignándolles un nome. Cada un dos espectadores é unha máis das irmás, unha máis das viúvas convidadas ao concurso de tortillas da Susan B....
leer más
A Concellería de Cultura anuncia que xa están á venda as entradas para o espectáculo protagonizado por Enrique San Francisco e Miki Dkai, titulado Pesadilla en la comedia, que chegará ao auditorio municipal o 7 de novembro ás 21:00 horas.
José Díaz dixo que “tendremos en Burela el 7 de noviembre, a las nueve de la noche, un espectáculo que se llama Pesadilla en la comedia con Enrique San Francisco y Miki Dkai. Enrique San Francisco ya estuvo en Burela hace un par de años con el monólogo Ya no soy el que era, tuvo muy buena acogida y se había llenado el auditorio en aquella ocasión, y suponemos que esta vez, dentro del aforo limitado que tenemos, también va a haber mucha gente. Es un actor y humorista de sobra conocido por todos con una trayectoria increíble, tanto a nivel de cine como de teatro y siempre es muy divertido verlo. Está...
leer más