Teatro
A Biblioteca Municipal de Ribadeo promove unha sesión de contacontos o mércores da vindeira semana, día 16 de setembro.
O espectáculo, titulado Cantacontos, corre a cargo de Migallas Teatro e está dirixido a nenos e nenas con idades comprendidas entre 4 e 11 anos. Dará comezo ás 17:30 horas e, por motivos de aforo e seguridade, terá lugar no Teatro de Ribadeo.
A actividade enmárcase no programa Ler conta moito, no que participa a Biblioteca El Viejo Pancho de Ribadeo, e nela os contos tradicionais ou de creación propia son arrequentados con cancións, música ou sons que continúan a espertar emocións nas nenas e nenos.
Alfoz acolle o sábado, 12 de setembro, a obra teatral Relatos negros, de Manuel Maquiña e dirixida por Darío Autrán.
A cita terá lugar no salón de actos da Casa da Cultura as 20.00 horas e a entrada será gratuíta cun aforo limitado a 50 persoas. As entradas poderán recollerse no Concello ata o 11 de setembro. En caso de quedar algunha localidade dispoñible o sábado, as entradas poderán recollerse antes da función na entrada da Casa da Cultura.
Dende o Concello recordan que é obrigatorio cumprir coas normas de hixiene e seguridade vixente e será necesario o uso da máscara durante todo o evento.
Organizan: Concello de Alfoz, Rede de Bibliotecas Públicas e a Consellería de Cultura e Turismo.
O Concello de Ourol acollerá o vindeiro 6 de setembro á formación teatral Dinamia Teatro, que chega coa súa obra “La Pimentera”, unha idea orixinal de Miguel Fernández e que conta con guión e dirección de Tatyana Galán. A cita será no Edificio Multiusos do Concello ás 17:00 horas.
Esta nova representación teatral trata sobre o papel das mulleres no ámbito rural. Tras a obra, realizarase un foro participativo onde os asistentes terán a oportunidade de reflexionar sobre o papel da muller na sociedade actual. Esta actividade enmárcase dentro do programa de actividades que teñen como finalidade o desenvolvemento de medidas do Pacto de Estado en materia de violencia de xénero, e conta tamén co financiamento do Ministerio da Presidencia, Relacións coas Cortes e Igualdade.
Para este acto será obrigatorio cumprir...
leer más
O Concello de Foz organiza un ciclo de teatro infantil que se desenvolverá desde mañá, martes, ata o 25 de agosto no pavillón do colexio Número 1. Foi presentado esta tarde polo alcalde, Fran Cajoto, e o concelleiro de Cultura, Héctor Moris.
Os espectáculos serán todos ás 21.00 horas e con entrada gratuíta. Haberá limitación de aforo e será obrigatorio a asistencia con mascarillas.
Fran Cajoto explicou que “este ano 2020 é un verán un pouco distinto porque temos que aprender a utilizar a mascarilla, andar con sentidiño en todos os ámbitos da vida e usar ese distanciamento social. Pero non nos podemos esquecer da cultura e en Foz gústanos moito que, tanto para os veciños como para os visitantes, en tempada de verán haxa actividades que fagan aínda máis atractiva a vila e sexan unha escusa perfecta para gozar de Foz...
leer más
Grupos de teatro afeccionado da Mariña luguesa veñen de gravar un vídeo reivindicativo do traballo desenvolvido por todos eles para lembrar nestes días de confinamento.
Estas organizacións salientan que “vivimos tempos difíciles nos que todos os ámbitos da nosa vida se resenten, entre eles o da cultura. A Mariña lucense leva sendo nos últimos anos un referente no mundo do teatro afeccionado, moitos grupos e moita xente trasladan aos escenarios as súas inquedanzas culturais. Todo un mundo de persoas e de artistas que agora co confinamento esmorece na casa. Porén, os teatreiros non nos rendemos, levamos o teatro nas veas e, a soas ou acompañados, seguimos actuando porque actuar é vivir. Entre todos gravamos un vídeo reivindicativo do noso traballo teatral e animamos á xente a resistir para saír adiante despois destes tempos complicados. Aquí...
leer más
O edificio multiusos de Ourol acolle este domingo, 15 de marzo, ás 17:00 horas a representación La Pimentera, teatro foro sobre o papel das mulleres nos pobos.
É unha idea orixinal de Miguel Fernández, con guión e dirección de Tatyana Galán.
A representación ten lugar con motivo da celebración do Día da Muller e ao seu remate realizarase un foro participativo onde as persoas asistentes terán a oportunidade de reflexionar sobre o papel da muller na sociedade actual.
Esta actividade está financiada con cargo ao Ministerio de la Presidencia, Relaciones con las Cortes e Igualdad e o Pacto de Estado Contra a Violencia de Xénero.
Ghazafelhos Teatro presenta As pitas baixo a choiva. Será este sábado, 14 de marzo, ás 18:00 horas no Teatro Pastor Díaz, de Viveiro.
É unha comedia dirixida ao público infantil maior de 5 anos. Trátase dunha adaptación de Pepepablo Patinho da peza de Carbalho Calero.
Conta a historia de Ludivina e Tereija que son dúas pitas que viven no curral da Barreira e que están agardando a visita de Ricardiño, o neno que ven ás veces a xogar con elas. Pero temen que ese día chova pois cando isto pasa Ricardiño tolea e perségueas ata pechalas no curral. Coa axuda do galo Chafaris e o raposo Rosende, tentarán que o neno deixe de tolear coa choiva e sega a xogar con elas.
En Augaxosa, a fermosa parroquia de Riotorto, a medio camiño entre Lourenzá, Riotorto e A Pontenova o vindeiro sábado, 14 de marzo, ás 21,00 horas, o Grupo Teatral O Centiño, de San Martiño, recuperará de novo a figura de Eduardo Pasmarote, o indescritible presentador de televisión que se converte en superheroe despois de inxerir inxentes cantidades de guindilla. De novo poderemos ver os programas "Al loro", "Repolos e centolos", o "Noticiario"... e tamén as complicadas relacións de Romualdo, Jacky e Pinky, Betti Gutiérrez, Manuela Tormentas e Ana Rosa, sobre todo cando teñen que enfrontarse aos dous miserables ladróns, tan inofensivos como torpes, Triquiñuela e Carajillo.
Dende Augaxosa, descendendo en grandes riadas dende a montaña, baixarán as risas e a alegría do Centiño, convertidas en teatro.
A Quinta do Cuadrante presenta o 7 de marzo en Viveiro, no Teatro Pastor Díaz, "Empapelado amarelo".
A Quinta do Cuadrante presenta este sábado, 7 de marzo, ás 20:30 horas, no Teatro Pastor Díaz, de Viveiro, a obra Empapelado amarelo.
Trátase dun espectáculo teatral unipersoal que parte do relato autobiográfico homónimo, publicado en 1891 pola autora norteamericana Charlotte Perkins Gilman. Narra, en primeira persoa, as perniciosas consecuencias dun tratamento médico que lle fora prescrito por un coñecido doutor da época para combater o estado melancólico e depresivo no que se atopaba a raíz do nacemento da súa primeira filla. Este tratamento, consistente na eliminación de todo tipo de actividade intelectual e artística, remata por converterse nun cárcere onde ela, acostumada a unha intensa actividade social e artística, acabaría por achegarse ao límite da súa cordura.
A autora utiliza as claves do relato de...
leer más
Miguel Ángel Rodríguez El Sevilla presentará su espectáculo La vida es rocanrol en el Teatro Pastor Díaz de Viveiro. Será el 3 de abril a las 21:00 horas.
Las entradas están a la venta en ataquilla.com, woutick.es, en A Chabola y en Café La Plata. El precio de la entrada es 12 euros+GG en anticipada y 15 euros en taquilla.
Es la segunda temporada 2019/2020 del artista andaluz en la que ofrece monólogos en los que aborda temas como qué piensa su madre de sus pelos, sus ropas y sus tatuajes o cómo educa a sus hijos un tipo que tiene un grupo que se llama Los Mojinos Escozíos.
La actividad está incluida en la programación cultural del Concello de Viveiro que colabora con el evento.