Actividades
O Concello de Cervo programa para este verán unha nova edición do programa “Cervo Concilia”, que arrincará o luns 24 de xuño e desenvolverase ata o 10 de setembro. Este programa, que está dirixido a nenos e nenas de entre 3 e 12 anos, componse dun completo calendario de actividades educativas e lúdicas pensadas para entreter ás crianzas neste tempo de lecer, sen deixar de lado a aprendizaxe e incidindo especialmente no concepto da conciliación das familias. Estenderase durante todo o período de vacacións escolares, en horario de 8:30 a 14:30 horas.
As inscricións están a disposición das familias na Casa da Cultura de San Ciprián e na Casa do Concello. O prazo para anotarse remata o 20 de xuño.
A alcaldesa, Dolores García Caramés, explica: “cremos que este programa, que está máis que consolidado xa no noso concello...
leer más
O vindeiro luns, día 3 de xuño, ábrese o prazo de inscrición para participar nas actividades deportivas para a mocidade (maiores de 12 anos) e persoas adultas que organiza o Concello de Barreiros e que se levarán a cabo nos Colexios Vellos de San Miguel e no Centro Sociocultural de San Cosme. Este programa, denominado Movernos no Verán, ten por obxecto cubrir a demanda de actividades deportivas para a mocidade e as persoas adultas dende o 17 de xuño ata o 13 de setembro do 2024.
As persoas que estean interesadas poderán matricularse no/s período/s seguintes: de 17 a 30 de xuño, de 1 a 31 de xullo, de 1 a 31 de agosto e de 1 a 13 de setembro.
Impartiranse clases dunha hora de duración de Espalda Saudable, Pilates, Ximnasia de Mantemento, Ioga e Zumba.
Este venres, 17 de maio, o Concello de Viveiro conmemorará o Día das Letras Galegas 2024 con múltiples actividades. En caso de choiva, todas elas celebraranse no Teatro Pastor Díaz.
Ás 12:00 será a interpretación do Himno de Galicia no balcón da Biblioteca Municipal, a cargo de David Bellas, artista e profesor do CMUS de Viveiro.
De seguido, na Praza Maior, será a quenda do baile tradicional a cargo dos grupos infantil e xuvenil de Bágoas da Terra. Ás 13:30 horas na Praza da Fontenova, "Música e libros", coa actuación do Coro Infantil do Colexio Lois Tobío de Viveiro e da Coral Polifónica Alborada de Viveiro.
As actividades continuarán o sábado 18 con "Como montar a túa banda de verán", de Xoán Curiel. Será ás 12:00 horas na Biblioteca Municipal como parte do programa "Ler conta moito",...
leer más
Os días 17, 18 e 25 de maio seguen as actividades de xeoturismo organizadas pola Mancomunidade de Concellos da Mariña. Será coa xeoruta das Minas, na Pontenova, a xeoruta ao Monumento Natural da Praia das Catedrais, en Ribadeo e a xeoruta de Cerrochán, en Trabada.
A xeoruta da Pontenova partirá da Praza dos Fornos ás 10 da mañá este venres, 17 de maio. Os asistentes poderán coñecer os materiais de idade paleozoica que compoñen sinclinal de Vilaoudriz e a orixe do ferro que se explotou nas minas Consuelo e Boulloso desde concello. Esta ruta será conducida por Fran Canosa.
A xeoruta da praia das Catedrais dará comezo ás 17 da tarde deste sábado, 18 de maio, no punto de información do areal. Os participantes coñecerán a orixe dos materiais que forman estes acantilados e de que xeito foron deformados e fracturados...
leer más
O Concello de Foz celebra o Día das Letras Galegas cunha programación cultural chea de actividades. “Queremos que calquera día sexa o día das nosas letras, pero o día 17 de maio é especial para calquera namorado da nosa fermosa lingua”, destaca o alcalde, Fran Cajoto.
O pasado venres, día 10, o obradoiro para crear letras tivo unha gran aceptación xa que se cubriron todas as prazas. “Os nenos desfrutaron dunha actividade que non só lles ensinou de caligrafía senón tamén a mestura das cores ou o uso de pinceis para escribir”, explica a concelleira de Cultura, Inés López Couto.
Este martes 14 a xornada está dedicada aos colexios, na que se realizarán sesións de teatro para os mesmos, na Casa da Cultura, en varias quendas. A obra, da compañía Trémola Teatro, abunda na vida da homenaxeada neste día das nosas letras,...
leer más
O Concello de Barreiros presenta as súas actividades para o mes das letras. A programación de maio comeza este sábado, día 11, coa obra de teatro “Trepa, Tripa e Tropa”, do grupo O Centiño. Será ás 19horas no Centro Sociocultural de San Cosme.
A fin de semana do 17 de maio haberá un obradoiro de ilustración para crianzas; o Concerto das Letras Galegas das agrupacións barreirenses (Coro Airiños do Mar e O Arco da Vella Infantil); unha xornada formativa sobre a velutina e o Mercadiño na Primavera.
No domingo 26 volverá o recital poético musical “Versos na Baixamar”, no que tamén actuará a orquestra infantil do Sinfónico no Rural, na que participan nenos e nenas de Barreiros.
E o peche do mes será cun concerto didáctico dirixido aos centros de ensino que levará a cabo a Escola de Música de...
leer más
O Concello de Viveiro anuncia a programación para conmemorar a celebración do Día das Letras Galegas 2024, dedicado a Luísa Villalta, que se estenderá ao longo de todo o mes de maio.
A alcaldesa, María Loureiro, destacou "a importancia de reivindicar a figura de Luisa Villalta, unha muller que foi poeta, novelista, dramaturga, ensaísta, tradutora, filóloga, violinista e moito máis".
Pola súa banda, a concelleira de Cultura, Lara Fernández Fernández-Noriega, quixo poñer en valor "a ampla programación en torno a esta data tan sinalada que temos este ano en Viveiro, con actividades de todo tipo".
A programación comezará este sábado, día 4 de maio, coa representación da obra teatral 'O lapis do Martín', de Sarabela Teatro, ás 12:00 horas na Biblioteca Municipal. Seguirá o día 14 coa...
leer más
A concelleira da Aula Universitaria da UNED en Foz, Elena Martínez Pena, e a coordinadora da mesma, Marta Muiña Rodríguez, dan conta da nova programación formativa do centro para o mes de maio. Presentan varias actividades para as que está aberta a inscrición. Anuncian que se trata nesta ocasión “de diferentes charlas, dúas presentacións de libros e unha actividade especial que pon o broche final a este curso: un roteiro interpretativo”.
Elena Martínez e Marta Muiña especifican que “o xoves 9 de maio levarase a cabo unha charla informativa sobre Mentalización e sensibilización da saúde mental, a cargo da Asociación Saúde Mental A Mariña. Vai dirixida a todos os públicos e especialmente ás familias do alumnado do IES de Foz, institución colaboradora na organización da conferencia e que albergará a actividade no seu salón de actos...
leer más
A Concellería de Dinamización de Barreiros organiza unha serie de actividades con motivo da celebración do Día internacional do Libro.
Este martes, 23 de abril, o alumando do CEIP de San Cosme visitará a Biblioteca Pública Municipal de Barreiros para coñecer de primeira man como funciona unha biblioteca e participar na creación dun mural.
Con motivo do Día internacional do Libro, este mesmo martes o Concello de Barreiros instalará na Praza do Souto, en San Miguel de Reinante, unha caseta coa que se creará a primeira biblioteca libre de Barreiros, que conterá máis de 50 libros en libre circulación. Ao longo da mañá, o alumnado do CEIP San Miguel de Reinante, visitará a Praza do Souto e coñecerá esta forma de intercambio de libros coñecida popularmente como bookcrossing.
O venres...
leer más
Os días 27 e 28 de abril e o 4 de maio seguirá o programa de Xeoturismo da Mancomunidade de Concellos da Mariña ao abeiro do Plan de Sostibilidade Turística. A Cova do Rei Cintolo, Xove e A Frouxeira serán as localizacións das vindeiras actividades xeoturísticas.
O 27 de abril ás catro da tarde dará comezo a visita á Cova do Rei Cintolo, en Mondoñedo. Trátase da cova máis grande de Galicia e unha marabilla natural, que foi obxecto de numerosos estudos arqueolóxicos. Son 7.000 metros de galerías dunha cova que acada un desnivel máximo duns 75 metros, con lagoas interiores e un río soterrado, o Celtas. As persoas que participen nesta xeovisita poderán ver diversas especies de morcegos e invertebrados acuáticos así coma o diminuto Iberobathynella ortizi. A Cova do Rei Cintolo tamén está envolta en lendas, que sorprenderán ao viaxeiro.
... leer más