Concerto
A Praza do Conde Santo, en Vilanova de Lourenzá, acollerá este venres, día 23, ás 21:00 horas un concerto de música de cámara incluído no festival itinerante Peregrinos Musicales, que organiza a asociación do mesmo nome con sede en Santiago de Compostela coa colaboración do Concello de Lourenzá.
A actuación correrá a cargo do grupo de música de cámara Esemble Rubens Consort, que interpretará obras de Haydn, Bach, Ravel e Fauré.
A entrada é libre e gratuíta.
O Concello deu a coñecer o programa de actividades que terán lugar a primeira fin de semana de agosto, coincidindo coa homenaxe que se renderá ao bonito e coa celebración do Certame Internacional de Pintura Mural Amarte.
O 6 de agosto, na Praza da Mariña, o Mago Antón ofrecerá varias actuacións ás 12:00, ás 13:00, ás 17:00, ás 18:00, ás 19:00, ás 20:00, ás 21:00 e ás 22:00 horas. Ese mesmo día ás 23:00 horas, na Praza do Concello ofrecerá un concerto o grupo Luar na Lubre.
Do xoves 5 ao domingo 8 de agosto desenvolverase unha homenaxe á Feira do Bonito, dado que este ano non poderá celebrarse do xeito habitual por mor da pandemia, cunhas xornadas gastronómicas nas que bares e restaurantes da vila ofrecerán tapas, racións e menús degustación do príncipe azul.
Récord de traballos...
leer más
O domingo, 18 de xullo, de 17:00 a 20:00 horas todas as nenas e nenos que queiran poderán disfrutar dunha tarde única no Castelo de Castro de Ouro. Terán paseos a cabalo, xogos tradicionais e un obradoiro creativo con Cabaliño de Pao. Non é necesaria inscrición previa. Cumprirase o Protocolo COVID. Máis información no Concello de Alfoz, tfno. 982 558 001 (ext.2). A actividade está subvencinonada polo Plan Único da Deputación de Lugo, Área de Turismo.
Esta fin de semana haberá música tamén en Alfoz. O Castelo de Castro de Ouro e o seu entorno iluminado na noite e a música tradicional de Tundal son a combinación perfecta para desfrutar o sábado, 17 de xullo, ás 22:00 horas. Non é necesaria reserva previa.
Desde o Concello de Alfoz lembran que mañá inaugúrase a Exposición de traxes medievais. Do 13 ao 25 de xullo,...
leer más
Este xoves, 3 de xuño, ás 19:30 horas, na Escola Municipal de Música de Burela, celebrarase unha audición da Aula de Cordas Fretadas.
O repertorio incluirá pezas interpretadas ao violín, viola, violonchelo e contrabaixo.
O aforo será limitado, seguindo as recomendacións sanitarias do protocolo covid.
Mañá, 25 de maio, ás 19:30 horas o alumnado da Escola Municipal de Música de Burela ofrecerá un concerto de frauta, canto e piano no recinto exterior da escola, sita na Rúa do Cancelo nº 33.
O Concello de Viveiro organiza, en colaboración co Conservatorio Profesional de Música do municipio, o concerto matinal da Asociación de Violonchelistas de Galicia Soncello, o vindeiro 29 de maio. A cita terá lugar a partir das 12:30 no Salón do Conservatorio Profesional de Música de Viveiro e continuará ás 13:30 no Salón Multiusos do Concello.
O concerto ofrecerá pequenas intervencións de diferentes violonchelistas e outros instrumentistas que demostran a versatilidade do violonchelo como instrumento só e en conxunto. Os intérpretes tocarán a música de compositores como J.S. Bach, W.A. Mozart ou A. Piazzolla. Ademais, parte do alumnado do Conservatorio Profesional de Música de Viveiro participará na actuación.
A Asociación de Violonchelistas de Galicia Soncello promove dende a súa fundación en 2011 actividades...
leer más
A Banda Municipal de Música de Ribadeo ofrecerá o seu tradicional concerto das Letras Galegas este sábado, día 15, no campo de herba artificial do colexio Gregorio Sanz. Será a súa primeira actuación neste ano.
O director da Banda ribadense, David Ballester, anuncia que “despois dunha tempada sen actuacións da Banda Municipal de Música de Ribadeo pois desde o Nadal non puidemos levar a cabo ningún concerto xa que o seguinte que tíñamos previsto era o de Semana Santa pero polas restricións que había nese momento non se puido facer, agora si volve ofrecer o seu concerto das Letras Galegas, que neste caso vai dentro do programa de Letras no Campo, organizado polo Concello de Ribadeo, e será este sábado, día 15, ás oito da tarde no campo de herba artificial do colexio Gregorio Sanz”.
David Ballester agradece a...
leer más
O cantautor Javier Álvarez ofrecerá un concerto este xoves, 6 de maio, ás 20:00 horas no Teatro de Ribadeo. A actuación enmárcase no ciclo Outras Músicas, organizado polo Concello ribadense. O prezo da entrada é de 3 euros.
O músico madrileño presentaba en 2018 o seu disco titulado 10, que significaba o seu regreso ao ambiente discográfico, coincidindo co décimo traballo da súa carreira de máis de tres décadas, cando a mediados dos 90 se daba a coñecer cos seus primeiros éxitos con cancións como La edad del porvenir.
Ten intervido en múltiples colaboracións cos artistas máis recoñecidos a nivel nacional e internacional, e numerosas versións de temas clásicos. Ademais segue a ser fiel á súa busca incansable de fórmulas innovadoras alleas ás habituais do mercado musical e tamén escolle os escenarios nos que ofrece...
leer más
O 15 de maio ás 20:00 horas a gaiteira Susana Seivane ofrecerá no Auditorio Municipal de Burela un concerto para presentar "Dende o meu balcón", o seu 6° disco que supón o retorno ao substrato ancestral sobre o que construíu a súa carreira e que ten como fío condutor a riqueza do patrimonio musical galego e a posta en valor dos novos talentos que compoñen en base á tradición.
Esta volta á orixe xurde a partires dun proceso onde a nosa identidade artellou unha catarse colectiva para miles de persoas no mundo a través da interpretación de Susana Seivane dos temas recollidos no disco durante cada noite do confinamento. Inconscientemente a procura dos acervos serviu de catalizador da resistencia e precisamente o descubrimento desta condición foi o que a levou a compilar os temas interpretados neste novo traballo discográfico. O repertorio de...
leer más
A Coral Polifónica de Ribadeo ofrecerá un concerto sacro este Venres Santo na Igrexa Parroquial ás 19:30 horas. Tamén cantarán nos oficios do Xoves Santo.
A programación cultural do mes de marzo remata hoxe, 30 de marzo, coa actuación de Fátima Fernández que presentará Os contos pop up, dentro do programa APEGO. A representación terá lugar no parque de San Francisco ás 17:30 horas.