Foz

16/05/2024

Foz acollerá unha concentración de vehículos clásicos (coches e motos) o día 25 de maio, sábado.

Este evento está organizado por Auto Clásicos Foz e o programa de actividades inclúe a recepción dos vehículos no porto focego de 10 a 12 do mediodía. A partir das 13:00 horas farán un percorrido por Foz e a continuación terán a comida. Despois os participantes trasladaranse ao porto ribadense para facer un paseo en embarcación pola ría de Ribadeo.

Para participar hai que inscribirse e o prazo remata o día 20 de maio ás 12:00 horas.

Etiquetas:
15/05/2024

Que bonita é a lingua da miña vida! 
Escoito a voz
que me silencia:
comezo a expresar
o necesario

Estes versos de Luisa Villalta expresan moito en moi poucas palabras. A música, o teatro, a poesía... culturalmente é unha autora que abarca moitos ámbitos. Representa as inquedanzas dunha Galicia que é un referente cultural, sobre todo, se lle deixan berrar aos catro ventos a súa liberdade para ser o que quere ser.

“Sempre o teatro á procura da verdade”, ese teatro que nos fai felices, cando nos mergullamos na representación dun texto que nos envolve, que nos eleva, que nos fai entrar noutras realidades, noutros lugares, noutras vidas...

“Silencio me chaman neste tempo no que vivo porque non se me escoita”. A lingua, coa que nos expresamos no noso día a día, que...

leer más
Etiquetas:
14/05/2024

Foz prepárase para celebrar a romería do Bispo Santo, que contará un ano máis co apoio da Vicepresidencia da Deputación de Lugo. A deputada de Cultura Iria Castro e o deputado de Rural Mar e Mocidade Daniel García reuníronse con integrantes da Asociación Cívico Cultural Bispo Santo de Foz, que impulsan a organización desta romería popular con 385 anos de historia.

Durante o encontro, incidiuse na vontade da asociación organizadora de manter o carácter popular e familiar desta romería, incluíndo na programación actuacións para público infantil e que procuran a interacción co público para soster o ambiente festivo durante o día a carón da ermida de San Gonzalo.

Nesa liña, encádrase a colaboración da área de Cultura da Vicepresidencia da Deputación de Lugo nos tres últimos anos que, nesta edicion, se concreta no...

leer más
14/05/2024

Este sábado, 18 de maio, celebrarase en Foz a sétima edición da Carreira Popular Urbana Campo da Cabana, que este ano conta coa novidade de dúas distancias para a carreira absoluta, 5 e 10 quilómetros.
 
Os organizadores explican que “o percorrido merece a pena pola súa vistosidade posto que vai polo litoral e as praias focenses, cun trazado suave e divertido. Ademais o evento contará con carreiras para as categorías de formación no entorno da praza Rosalía de Castro, coñecida como Campo da Cabana e que dá nome á proba, organizada polo Club Atletismo Ría de Foz, en colaboración con RunFozRun e o Concello de Foz”.

Todos os corredores da carreira absoluta e os participantes na andaina recibirán como obsequio unha camiseta conmemorativa ademais de avituallamento líquido e sólido para todos los participantes.

... leer más
13/05/2024

O Concello de Foz celebra o Día das Letras Galegas cunha programación cultural chea de actividades. “Queremos que calquera día sexa o día das nosas letras, pero o día 17 de maio é especial para calquera namorado da nosa fermosa lingua”, destaca o alcalde, Fran Cajoto.

O pasado venres, día 10, o obradoiro para crear letras tivo unha gran aceptación xa que se cubriron todas as prazas. “Os nenos desfrutaron dunha actividade que non só lles ensinou de caligrafía senón tamén a mestura das cores ou o uso de pinceis para escribir”, explica a concelleira de Cultura, Inés López Couto.

Este martes 14 a xornada está dedicada aos colexios, na que se realizarán sesións de teatro para os mesmos, na Casa da Cultura, en varias quendas. A obra, da compañía Trémola Teatro, abunda na vida da homenaxeada neste día das nosas letras,...

leer más
13/05/2024

A Oficina Móbil do programa Acelera Peme, da Deputación de Lugo, cofinanciado con fondos europeos, estará situada fronte á Casa do Concello de Foz, na Avenida Álvaro Cunqueiro 24, este xoves, 16 de maio, a partir das 12.30 horas.

O alcalde, Fran Cajoto, e a concelleira de Comercio, Kathy Navarro, invitan a todos os pequenos empresarios e autónomos a que se acheguen a esta oficina: “a dixitalización é imprescindible na época na que vivimos. O programa Acelera Peme ofrece de forma gratuíta un servizo de acompañamento dixital individual e personalizado, apoio á implantación de solucións dixitais no negocio, consultoría en marketing dixital en redes sociais e outras accións, como apoio e acompañamento na solicitude do Kit Dixital. É unha boa oportunidade, polo que convidamos a todas e todos a que se acheguen o día 16 ata a oficina móbil que...

leer más
Etiquetas:
10/05/2024

A Asociación Cívico Cultural Obispo Santo organiza a tradicional romaría focega do mesmo nome, que ten 385 anos de historia e celebrarase os días 12, 17, 18 e 19 de maio.

As actividades empezarán este domingo, día 12 de maio, ás 17:00 horas, cando se fará o traslado da imaxe de San Gonzalo dende a basílica de San Martiño ata a ermida do alto da Grela, acompañado polo grupo de gaitas A Subela. Posteriormente haberá unha charla a cargo do cronista oficial de Foz, Xoán Ramón Fernández Pacios.

O venres 17 de maio haberá sesión vermú a cargo de Tania Veiras, que tamén actuará na verbena co grupo La Última Legión.

O sábado 18 ás 13:30 horas celebrarase a misa, seguida de sesión vermú coa orquestra Principal. A continuación animará a romaría a banda de gaitas Dambara, de Burela; para as 18:30...

leer más
Etiquetas:
09/05/2024

Hoxe, xoves, foron sorteados os premios da campaña do Día da Nai de AciaFozCCA.

As persoas premiadas con 200 euros en vales de compra cada unha foron:
Alonso Fernández, por una compra realizada en  Librería Bahía.
Rafael Pedrosa, en Briz.
Nuria Carreño, en Pastelería Anduriña.
Yanira Díaz, en Clínica Maas Saúde.
María Esther Merino, en Salai Campo.

O sorteo, que tivo lugar en Radio Foz, esta mañá foi conducido por David Val e contou coa presenza da concelleira de Comerio, Kathy Navarro; e da xerente de AciaFozCCA, Ana Segade.

Na campaña do Día da Nai participaron 72 comercios. AciaFozCCA contou coa colaboración do Concello de Foz e da Xunta de Galicia.

Etiquetas:
07/05/2024

O Concello de Foz presenta a súa programación cultural para os meses de primavera, que inclúe actividades musicais e teatrais.

A concelleira de Cultura, Inés López Couto, anuncia: “despois dun abril cargado de libros e letras, maio comeza con música cos combos da Escola de Música Arcadio Mon, que serán todos os venres deste mes ás 18.00 horas ao lado da escola, no paseo da Ribeira (en caso de mal tempo serán no CENIMA). Polo medio temos actividades coma a deste próximo venres, na biblioteca municipal, “lettering: debuxar letras”, para a que é necesario anotarse no teléfono 982.140.675, “unha actividade moi bonita para todos aqueles nen@s aos que lles guste facer caligrafías bonitas”, explica a concelleira de Cultura, Inés López Couto, quen engade: “a continuación será a poetisa local Natalia Alonso a que nos dea Advertencias para un...

leer más
Etiquetas:
06/05/2024

A terceira edición do mercado “Aos pés de Cornería” celebrarase na parroquia focega de Vilaronte este domingo, 12 de maio, desde as 10 da mañá. Estaba previsto para o pasado día 5, pero aprazouse debido ás adversas condicións meteorolóxicas.

“Baixo o nome poético de Aos pés de Corneria, coa imaxe de durmir debaixo deste monte mítico da zona de etimoloxía anglosaxona e portador de diversas lendas, celebrase por terceira vez o mercado de proximidade en Vilaronte (concello de Foz) organizado pola Asociación Cultural O Atrio de Vilaronte. O mercado ten como propósito visibilizar aos produtores, artesáns, iniciativas culturais da comarca, aos autónomos da zona, a arte da vecindade, e dinamizar a parroquia de Vilaronte cargada de historia que comeza a sufrir os efectos da despoboación e concienciar no consumo próximo. É pois o centro de...

leer más