Foz
Mañá, venres, ás 19:00 horas será inaugurada no CENIMA de Foz unha exposición de fotos sobre as alfombras das festas do Carme focegas, mostra que fai un percorrido polos seus 40 anos de historia.
A concelleira de Cultura, Inés López Couto, anuncia que “o Concello de Foz e a comisión de festas seguen avanzando na programación polo Carme. Da man de Antón Niñe e a súa extensa traxectoria como entusiasta da historia local, levará aos asistentes a un percorrido pola evolución do alfombrismo na localidade focega. As fotos mostradas na exposición forman parte da súa colección persoal”.
A asociación Os Sendeiros de Foz participa na terceira ruta da Liga de Sendeirismo de Galicia que discorrerá pola zona da Cañiza os días 9 e 10 de xullo.
A saída será o sábado, 9 de xullo, ás 16:00 horas, de Foz e, ás 16:15 h., de Ferreira.
Os prezos son: 130 euros para os socios federados, 135€ para os socios non federados e 140 euros para o socio temporal. Inclúe hotel con pensión completa en habitación dobre.
A organización recomenda levar equipo de sendeirismo e informa que a ruta ten un nivel de dificultade medio.
O Concello de Foz colabora na organización desta actividade.
O vindeiro 9 de xullo terá lugar ás 11.30 na Casa da Cultura de Foz a conferencia “A minaría aurífera romana”, organizada polo Concello de Foz e maila asociación Mariña Patrimonio. Esta conferencia, que conta coa colaboración da Área de Cultura da Deputación de Lugo, correrá a cargo do arqueólogo especialista en minería romana, Iván Álvarez Merayo, que tamén fará de guía na visita programada á mina de ouro romana da Espiñeira. A visita á antiga explotación mineira arrancará ás 17.00 dende o Campo da Feira de A Espiñeira.
A Mariña luguesa é unha zona rica en explotacións mineiras antigas, lamentablemente pouco coñecidas e escasamente estudadas. Unha mostra da existencia destas explotacións auríferas na Mariña son as dúas minas romanas localizadas pola asociación Mariña Patrimonio no ano 2013 na desembocadura do Masma. Concretamente, unha...
leer más
A comisión de festas O Noso Foz renóvase e presenta a programación dos festexos do Carme.
A concelleira de Cultura, Inés López Couto, anuncia que “O Noso Foz renóvase. A comisión de festas de Foz estrea o verán coa incorporación de novos membros. Xente nova e ideas frescas para unha comisión que empeza este mes de xullo con forza coas Festas do Carme”.
Ángel Fernández Neira, que continúa presidindo a asociación encargada de elaborar as programacións de festexos en estreita colaboración coa Concellería de Cultura municipal, manifesta: “estamos moi contentos de contar con máis xente implicada para colaborar coas festas de Foz, nunha vila coma esta na que é moi importante a unión e que ten un verán moi potente en canto a festexos”. Entre as caras novas están Erea Ben e Fátima Novo, últimas incorporacións á comisión e...
leer másO 2 de xullo celébrase a LX Travesía Ría de Foz, que reunirá a preto de 300 padexeiros e padexeiras.
Hoxe presentouse a LX Travesía Ría de Foz, que se celebrará mañá sábado, 2 de xullo, a partir das 17:30h.
Na presentación participaron Xoel García Neira, 8º clasificado en K1 200m e Iago García Martínez, campión en K4 500m nos europeos celebrados a pasada semana en Belgrado.
O tenente alcalde, Fco. Javier Fanego, e o concelleiro Iago Villamil, agasallaron a estes grandes deportistas focegos cun pequeno obsequio e animáronos a continuar coa súa fenomenal traxectoria, admirada por todas/os. Tamén lle agradeceron a Ignacio Romillo, presidente do Club Kayak de Foz, o gran traballo que realizan durante todo o ano coa mocidade e a coidada organización da lonxeva Travesía Ría de Foz.
Mañá sábado Foz poderá gozar do piragüismo a partir das 17:30 horas nunha ría que se encherá con case 300...
leer más
A asociación Os Sendeiros de Foz comeza os Andareiros de Verán o 9 de xullo cunha ruta ao Pico da Lebre, en Foz.
A saída será ás 9:00 horas diante do Concello.
As persoas interesadas poden anotarse nos teléfonos 670 369 017 e 606 718 482 ou en ossendeiros@yahoo.es. O prezo é de 4€ para os non federados e a actividade é de balde para os federados.
A organización recomenda levar equipo de sendeirismo e informa que a ruta ten un nivel de dificultade medio.
O Concello de Foz colabora na organización desta actividade.
O Concello de Foz finaliza este venres, 1 de xullo, o I Certame de Teatro Afeccionado coa entrega de premios.
A concelleira de Cultura, Inés López Couto, anuncia que “despois de poder desfrutar das obras de cinco das seis compañías focenses, o público e o xurado emitiron o seu ditame. E a entrega de premios será este venres no salón de actos da Casa da Cultura de Foz ás 19:30 horas. O acto será presentado polo actor Avelino González, que formou parte do xurado e estivo presente en todas as representacións que se levaron a cabo”.
As categorías que se fallaron son as de: mellor actriz e actor, mellor guión, mellor posta en escena, mellor dirección e mellor representación (primeiro e segundo lugar). O venres entregaranse as figuras especiais creadas polo ceramista Otero Regal para este certame.
O martes, 28 de xuño, ás oito e media da tarde, estará na Libraría Bahía a esritora Xita Rubert para presentar a súa nova novela Mis días con los Kopp editada pola editorial Anagrama.
Mis días con los Kopp, é unha novela de iniciación na que a autora aborda temas como a paternidade, a enfermidade ou a hipocresía social, cun estilo moi elaborado e unha profundade de análise sorprendente nunha escritora tan nova.
Xita Rubert, moi vencellada a Foz por ser filla da escritora focega Luisa Castro, presentará no que dalgún xeito é tamén o seu pobo, esta súa primeira novela coa que comeza unha carreira literaria que agardamos sexa moi frutífera.
O salón de actos da Casa da Cultura de Foz acolle a presentación do libro Un año contigo de Raquel Amieiro e Pepe Peinó. O acto terá lugar este venres, 24 de xuño, ás 20:00 horas.
Xunto aos autores intervirá a psicóloga Teresa Pérez.
A presentación estará amenizada musicalmente polas cancións interpretadas por Aída Río.
Un año contigo aborda a experiencia persoal de Raquel Amieiro desde que, no ano 2019, diagnosticáronlle un tumor maligno nunha mama. A través das páxinas do libro vainos contando a súa vida durante ese fatídico ano, espallando entre os detalles médicos todas as vivencias e reflexións que, inevitablemente, acompañan o proceso.
O alcalde de Foz, Fran Cajoto Caserío; a concelleira de Cultura, Inés López Couto; e Ángel Fernández Neira, da comisión de festas O Noso Foz, presentaron o cartel das vindeiras festas do Carmen.
Os representantes do goberno municipal explican que “en Foz séguese traballando arreo para preparar todo para un verán que se espera intenso.
Ás múltiples actividades que se organizaron durante os dous últimos anos de pandemia, respectando as restricións, vanse sumando novos eventos e outros que volven ao calendario habitual do verán focego. Neste caso as Festas do Carme, que son un referente na vila mariñá e que axuntan sentimento, familia e as ganas de xuntarse e compartir. Este ano a comisión e o Concello queren render unha homenaxe ás redeiras, cun cartaz que amosa o seu traballo, silencioso e indispensable no mundo...
leer más