Foz
O Concello de Foz e a asociación O Noso Foz acaban de publicar as bases que rexerán o desfile de Entroido Foz, que se celebrará o próximo 18 de febreiro.
Estas bases que están a dispor de todos aqueles que queiran saír a desfilar nas redes sociais do Concello nos taboleiros de anuncios e na delegación de cultura, explican o funcionamento para poder participar. Todos aqueles que queiran entrar no concurso deberán entregar cuberta a solicitude coa documentación correspondente dependendo da categoría de inscrición. Poderá solicitarse e entregarse no mail cultura@concellodefoz.es e no teléfono 982.140.027 extensión 3.
Os participantes que se inscriban antes do luns 13 pola tarde participarán no sorteo de postos que se realizará no concello ás 20 horas. Os que se inscriban...
leer más
Sete locais hostaleiros asociados a AciaFozCCA ofrecerán do 6 ao 12 de febreiro cafés especiais con motivo da celebración do Campionato Internacional de Baristas no IES de Foz.
Desde Xoyma José Manuel Martínez explicou que “ocorréusenos que a hostalería local puidese ofrecer eses días cafés especiais á súa clientela, co obxectivo de que ese importante evento que se celebra no IES de Foz tamén estea na rúa, nos nosos establecementos. Gustounos a idea de que a vila estivese implicada deste xeito”.
Os locais que servirán cafés especiais á súa clientela son: Augas Santas, Dandy, Marexada, O Muelle, Pizzería Xoíña, Tangarte e Xoyma.
O presidente de AciaFozCCA, José Carlos Paleo, o alcalde focego, Fran Cajoto, o concelleiro de Comercio, Chema Linares, así como representantes dos locais...
leer más
Hoxe, xoves, o alcalde de Foz, Fran Cajoto, e o concelleiro de Turismo, Jose María Linares, inauguraron a sala multiusos do centro de interpretación da Basílica de San Martiño de Mondoñedo que leva o nome do artista multisciplinar Juan Queralt Blanch, persoeiro moi recordado e querido na parroquia e moi vinculado a este lugar. Aquí pasou ós derradeiros 5 anos da súa vida, nos que dedicou a súa obra á imaxe de San Rosendo, bispo mindoniense no século X, cando a sede episcopal aínda estaba na parroquia focense.
Ademais de Fran Cajoto e Chema Linares, ao acto de hoxe asistiron Francisco Martínez García, que foi alcalde de Foz ata o 19 de abril de 1979, e a súa esposa. Tamén estiveron Suso de Breogán e Pablo Cid (Touche), que colaboraron nesta iniciativa.
O alcalde explica que “na sala atópanse seis lenzos de técnica...
leer más
A asociación O Noso Foz e o Concello presentaron hoxe, sábado, o cartel do Entroido focego, nun acto no que participaron o alcalde, Fran Cajoto; a concelleira de Cultura, Inés López Couto; e tres representantes de O Noso Foz: Angel Fernández, Fátima Novo e Erea Ben .
A asociación O Noso Foz e o Concello seguen traballando intensamente na organización dun Entroido 2023 que se espera espectacular. Despois dun pistoletazo de saída no mes de outubro coa elección da Raíña nun acto de escolla realizado no Campo da Cabana, chega febreiro con todos os eventos habituais nesta festa, que loita por ser nomeada Festa de Interese Turístico Galego.
O presidente de O Noso Foz, Ángel Fernández Neira, anuncia: “comezamos o día 11 coa cea de coroación, coa apertura de portas a partir das 21 horas na carpa situada na sala Bahía....
leer más
O grupo de teatro Pico do Castro, de Foz, representará a súa obra O Terapeuta en Vilaronte o día 5 de febreiro, domingo, en Vilaronte.
Esta actividade cultural será no local da asociación cultural e deportiva O Castro, de Vilaronte, ás 19:00 horas.
Está organizada pola Delegación de Cultura do Concello de Foz e a asociación O Castro.
Este sábado, 28 de xaneiro, ás 17:30 horas na Sala Bahía de Foz celebrarase o XIII Festival Infantil da Subela, no cal renderán homenaxe á figura da pescantina.
A organización anuncia: “ademais teremos o pracer de desfrutar da música e baile da asociación Falcatrueiros, de Monterroso. Anímate a vir e colabora co Banco de Alimentos de Foz facendo unha doazón de alimentos non perecedoiros. Haberá biscoito e chocolate”.
A parroquia de San Cilla, no municipio de Foz, celebra a sétima edición da súa Festa dos Callos este sábado, 28 de xaneiro. Será no local social, dotado de calefacción.
Os actos empezarán ás 20:00 horas cun monólogo cómico a cargo de Avelino González. Ás 21:00 horas será a cea co seguinte menú: empanadas de bonito e de liscos, callos, sobremesa, viño, gaseosa e auga, pan e café. O prezo é de 20 euros por persoa, pero para os nen@s ata 12 anos é gratis. As prazas son limitadas.
A Festa dos Callos de Santa Cilla está organizada pola Asociación Santa Cecilia coa colaboración do Concello de Foz.
O Concello focego e a asociación O noso Foz anuncian que a cea de coroación da raíña do Entroido celebrarase o día 11 de febreiro e a Festa do Berberecho será o 15 de abril.
A concelleira de Cultura, Inés López Couto, explica que “a comisión de festas O noso Foz e o Concello están inmersos nos preparativos do próximo Entroido. É unha das festas máis importantes do municipio e que despois do ano 2021 e súa edición dixital por mor do COVID19 volveu o ano pasado con restricións, pero de forma segura e, sobre todo, con moito ánimo por parte de participantes e público. Este ano as datas clave desta festividade en Foz son a cea de coroación, que será o dia 11 de febreiro na gran carpa situada na Sala Bahía, como se ven celebrando os últimos anos (atrasada a data debido á celebración do San Blas); a cea de comadres, que será o xoves 16 (...
leer más
O 23 de xaneiro ás oito e media da tarde, no marco das actividades do club de lectura A carón dos libros, contará coa presenza da escritora e académica María López Sández “coa que compartiremos conversa sobre a súa novela O faro escuro e sobre a súa obra en xeral”, explican desde a organización.
Este encontro estaba programado para novembro e aprazouse por mor do Covid.
Esta é unha actividade aberta e gratuíta para todo o público que se queira achegará Libraría Bahía, en Foz.
Antes, esa mesma tarde María López Sández estará no IES de Foz conversando co alumnado.