Lourenzá
O xurado da segunda edición do certame de teatro Concello de Lourenzá deu a coñecer a relación dos nominados que optan aos premios, que serán entregados na gala que se celebrará o 9 de decembro, domingo.
Os nominados son os seguintes:
* Premio Conde Santo á mellor representación:
Avelaíña Teatro, de Pontevedra
Fauna 113, de Vigo
Rebuldeira Teatro, de Sarria
* Premio Lourenzo ao mellor actor:
Fernando Díaz, de Rebuldeira Teatro
Xulio Leal, de Avelaíña Teatro
Pablo Rodríguez, de Fauna 113
* Premio Ana á mellor actriz:
Iris Darriba, de Fauna 113
Elvira Pallares, de Rebuldeira Teatro
Amparo Urtaza, de Avelaíña Teatro
* Premio ao mellor actor de...
leer más
Coas representación desta fin de semana remata a fase de concurso da segunda edición do Certame de teatro Concello de Lourenzá. A gala de entrega de premios será o 9 de decembro nunha carpa climatizada situada no Campo dos Bolos.
O concelleiro de Cultura, Manuel Arango, explica que “o sábado 24 ás 20:00 horas o grupo Andanzas, de Viveiro, porá en escena El caso de la mujer asesinadita, de Miguel Mihura; e o domingo 25, ás 18:00 horas será o grupo Fauna 113, de Vigo, o que representará a última obra a concurso: Deus, unha comedia, adaptación dun texto de Woody Allen. As dúas representacións serán no salón de actos do Concello e o prezo da entrada é de 3 euros”.
Manuel Arango tamén anuncia que “a gala de entrega de premios será o domingo 9 de decembro ás 19:00 horas na carpa climatizada situada no Campo dos Bolos....
leer más
Os grupos Faro Miño, de Chantada, e Os Palimoquiños, de Lugo, actuarán este fin de semana na segunda edición do certame de teatro Concello de Lourenzá.
O edil de Cultura, Manuel Arango, anunciou hoxe que “esta fin de semana segue o segundo Certame de Teatro de Lourenzá con dúas novas representacións. O sábado 17 o grupo Faro Miño, de Chantada, escenificará a obra Langreira de amor e o domingo 18 tócalle a Os Palimoquiños, de Lugo, coa obra Borralliña. As dúas serán ás 20:00 horas no salón de actos do Concello”.
Este fin de semana, sábado e domingo ás 20:00 horas, haberá outras dúas representacións do certame de teatro organizado polo Concello de Lourenzá.
O edil de Cultura, Manuel Arango, comentou que “despois da gran acollida que tiveron as dúas primeiras representacións, a cargo de Bule Bule e Ollomao, nas que se esgotaron as entradas, continúa este fin de semana o II Certame de Teatro Concello de Lourenzá. O sábado ás 20 horas o grupo Rebuldeira, de Sarria, porá en escena a obra Delicadas; e o domingo á mesma hora a compañía Avelaíña, de Pontevedra, representará a obra María Castaña”.
As dúas actuacións serán no salón de actos do Concello e o prezo das entradas é de 3 euros.
A agrupación coral Del Coro al Caño, de Gijón, cantará na igrexa parroquial de Santa María de Valdeflores, de Lourenzá, na misa deste domingo, día 11, ás 12:45 horas.
Este coro está ofrecendo concertos de música sacra en varios concellos vinculados co Camiño de Santiago.
Acial organiza a VI Ruta de Tapas de Lourenzá os días 9, 10 e 11 de novembro.
Os sete locais participantes ofrecerán tapas ao prezo de 2 euros. O venres o horario irá de 20:00 a 23:00 horas, o sábado de 12:00 a 15:00 horas e de 20:00 a 23:30 horas, e o domingo de 12:00 a 15:00 horas. Ademais as persoas que percorran esta ruta de tapas poderán gañar ata 225 euros en vales de compra.
Os establecementos hostaleiros que participarán na VI Ruta de Tapas de Lourenzá serán: La Unión, O Pipote, Cafetería Galaxia, Bar Cantón, O Recanto, Morrigan e O Torreón.
O 2 de novembro ás 21:00 horas arranca o segundo Certame de Teatro Concello de Lourenzá coa representación da obra Xente con xente, a cargo do grupo teatral Bule Bule, formado por actores e actrices de Alfoz e Lourenzá.
O concelleiro de Cultura, Manuel Arango, tamén comunicou que a compañía Artías, de Teo, declinou participar no certame por motivos laborais e será substituída polo primeiro suplente, que é o grupo Faro Miño, de Chantada.
A segunda representación será o 4 de novembro, domingo, a cargo de Ollamao, de Barreiros, coa obra Oé, oé, oé…!. O 10 de novembro Rebuldeira, de Sarria, ofrecerá Delicadas; ao día seguinte Avelaíña, de Pontevedra, representará María Castaña; o 17 Faro Miño, de Chantada, escenificará Langreira de amor; o día 18 Os Palimoquiños, de Lugo, ofrecerá a obra Borralliña; o 24 Andanzas, de...
leer más
Este sábado, 27 de outubro, celebrarase en Lourenzá o sexto sorteo da campaña da Federación de Comercio A Mariña que está a repartir máis de 10.000 euros en premios nos oitos sorteos que se desenvolven ata o 10 de novembro. En cada localidade participante póñense en xogo 1.500 euros en vales de compra para gastar nos establecementos asociados a cada Asociación de Comerciantes participante.
Pasado mañá celébrase o sorteo en Lourenzá. Será no kiosko da praza do Conde Santo a partir das 20:30 horas.
As persoas interesadas en participar nesta importante campaña da FCAM deben gardar os tíckets de compra nos establecementos asociados e entrarán nos sorteos de 1.500 euros en vales de compra en cada unha das oito asociacións de comerciantes da Mariña que forman parte da FCAM.
Os sábados dos...
leer más
A sala de exposicións do Concello de Lourenzá acolle desde onte, martes, e ata o día 2 de novembro unha mostra dedicada aos premios María Josefa Wonenburger, en recoñecemento ás mulleres científicas de Galicia. A exposición, que pode visitarse de luns a venres de 17:00 a 20:00 horas, foi inaugurada cun acto no que participaron a alcaldesa de Lourenzá, Rocío López; a concelleira de Servizos Sociais, Mercedes Dengra; o edil de Cultura, Manuel Arango; a técnico social Pepa García; a educadora familiar Dolores Villasuso; e a traballadora social do Centro de Información á Muller (CIM) de Mondoñedo, Sonia Fraga.
Esta mostra, que consta de 13 paneis explicativos, foi solicitada á Secretaría Xeral de Igualdade, da Xunta, a través do CIM de Mondoñedo para a súa exposición ó público en varios concellos. Con esta exposición preténdese facer chegar á...
leer más
Xa foron escollidas as oito obras que van ser representadas no segundo Certame de Teatro Concello de Lourenzá. O xurado, presidido polo concelleiro de Cultura, Manuel Arango, e formado por laurentin@s vinculados coa cultura ou con asociacións da localidade, non o tivo nada fácil, non só polo número de compañías presentadas, dezaoito, senón tamén pola calidade das obras.
As compañías e obras seleccionadas son as seguintes: Bule Bule, de Alfoz-Lourenzá, con Xente con xente; Ollomao, de Barreiros, con Oé, oé, oé...!; Rebuldeira Teatro, de Sarria, con Delicadas; Avelaíña Teatro, de Pontevedra, con María Castaña; Artías Teatro, de Teo, con Des-armadas; Os Palimoquiños, de Lugo, con Borralliña; Andanzas, de Viveiro, con El caso de la mujer asesinadita; e Fauna 113, de Vigo, con Deus, unha comedia. O xurado tamén decidiu escoller dúas compañías...
leer más