Lourenzá
A alcaldesa de Lourenzá, Rocío López, presentou hoxe a programación da XXVIII edición da Festa da Faba de Lourenzá, que se celebrará dos días 5 ao 7 de outubro. As actividades inclúen a venda de fabas, degustacións, tapas elaboradas con esta leguminosa, showcooking, actividades infantís, os concertos musicais de Tumba e Dalle e A Roda e concentracións de vehículos clásicos, entre outras propostas. O pregón será o sábado ás 12:00 horas e correrá a cargo da xornalista Marta Docampo. A rexedora convida a asistir a esta cita.
Rocío López anunciou que “o fin de semana do 5, 6 e 7 de outubro celebramos a vixésimo oitava edición da Festa da Faba de Lourenzá, declarada de Interese Turístico Galego pola Xunta de Galicia. A inauguración do stand do concello invitado, unha novidade que introducimos fai dous anos, terá lugar o venres. Este ano é A Rúa...
leer más
O Centro de Interpretación da Faba, en Lourenzá, acolleu esta mañá a presentación da segunda edición da Ruta da Faba, da que poderán gozar mariñáns e turistas os días 13, 20 e 27 de outubro. Esta ruta busca poñer en valor o arte, o patrimonio, a natureza, a gastronomía e o cultivo da faba de Lourenzá. Durante 7 horas grupos de 10 ou 15 persoas poderán percorrer edificios emblemáticos laurentinos, visitar as plantacións de faba e falar cos agricultores, achegarse á Cooperativa Terras da Mariña e gozar dun delicioso xantar composto de produtos da comarca, entre outras actividades. No acto desta mañá participaron o presidente da Mancomunidade de Municipios da Mariña, Alfredo Llano; a alcaldesa de Lourenzá, Rocío López; o representante da Cooperativa Terras da Mariña, José Cuadrado; e Pedro Fraga, de Mariña Activa, empresa que se encarga de comercializar esta Ruta da...
leer más
A cuarta edición da Concentración VespaFaba e Clásicos Lourenzá terá lugar do 5 ao 7 de outubro, coincidindo coa celebración da Festa da Faba. Haberá rutas polo val e polos municipios de Xove, Trabada e Riotorto, ademais de xincana, trofeos, agasallos e os asistentes gozarán da gastronomía local. O evento foi presentado en Lourenzá cun acto no que participou a alcaldesa, Rocío López.
O portavoz da organización da IV Concentración VespaFaba e Clásicos Lourenzá, Fran Rivas, lembrou que “desde o ano 2015 empezamos a reunirnos coas vespas, as motos e os coches clásicos e este ano repetimos. A concentración é o sábado 6 e o domingo 7, pero imos empezar con actividades o venres porque hai xente que xa ven ese día, así que improvisamos unha ruta nocturna en scooters e coches clásicos. Imos ir ao concello de Xove, onde hai unha festa dos callos...
leer más
O Concello de Lourenzá presentou o cartel da vixésimo oitava edición da Festa da Faba, que se celebrará do 5 ao 7 de outubro. A autora é Aixa Paz Mora, natural de Lourenzá e licenciada en Belas Artes. A alcaldesa, Rocío López, tamén anunciou que a pregoeira da Festa da Faba 2018 será a xornalista e locutora de radio Marta Docampo, laurentina afincada en Madrid. O pregón será o día 6, sábado, ás 12:00 horas.
A rexedora explicou: “hoxe presentamos o cartel desta 28 edición da Festa da Faba de Lourenzá. A autora é unha muller, Aixa Paz Mora, natural de Lourenzá e que cursou Belas Artes”.
Rocío López salientou que “non é fácil dar cun cartel que transmita a esencia desta festa, a esencia do val e a esencia da faba. Todo iso que os laurentinos e todos os que nacemos aquí coñecemos de primeira man e que queremos, pero...
leer más
As entradas para presenciar a actuación do actor Carlos Blanco o día 29 deste mes ás 20:30 horas no salón de actos do Concello de Lourenzá xa están esgotadas.
O concelleiro de Cultura, Manuel Arango, explicou que “xa non quedan entradas para a actuación que Carlos Blanco ofrecerá en Lourenzá o día 29 de setembro. Tivo unha gran acollida e sentimos moito non poder atender todas as peticións de entradas, pero o motivo é que temos un salón de actos que se nos queda pequeno para este tipo de eventos”.
A actuación de Carlos Blanco cos seus mellores monólogos, que está incluída na programación teatral do Concello de Lourenzá, forma parte do circuíto Cultura no Camiño, da Xunta de Galicia.
A Delegación de Cultura do Concello de Lourenzá ven de presentar a programación teatral que levará a cabo ata o mes de decembro. As representacións darán comezo o 15 de setembro coa compañía Argalleiras Teatro, de Chantada. Ademais esta programación inclúe a actuación do humorista galego Carlos Blanco o día 29 deste mes.
O concelleiro de Cultura, Manuel Arango, anuncia que “na programación teatral de outono do Concello de Lourenzá a primeira representación que imos ter vai ser o sábado día 15 de setembro coa compañía Argalleiras Teatro, de Chantada, que porá en escena a obra Comedia bífida. O sábado 22 de setembro a compañía A Peneda, de Monterroso, presentará a obra A cea dos idiotas. Estas dúas representacións pertencen ao programa Buxiganga, da Deputación Provincial, e serán ás oito da tarde no salón de actos do Concello”.
... leer más
O Cantón de Vilanova de Lourenzá acollerá este mércores, día 22, a partir das 13:00 horas unha actividade infantil de contos, debuxos e degustación gratuíta de produtos da marca Clesa. Anunciouno hoxe o Concello de Lourenzá.
A actividade, denominada Clesacontos, correrá a cargo do colectivo Polo correo do vento e está dirixida “ó publico familiar e ós máis pequenos da casa”. Está previsto desenvolvela no Cantón de Vilanova, pero en caso de mal tempo trasladarase ás instalacións do mercado comarcal.
O colectivo Polo correo do vento ofrecerá un espectáculo de “contacontos ilustrados que rematarán coa realización dun obradoiro de debuxo, no que explicarán o ciclo do leite e a importancia da calidade e trazabilidade en todos os produtos de Clesa”. Os obxectivos son “dar a coñecer a importancia da historia da empresa e...
leer más
A asociación de sendeirismo Terras de Lourenzá organiza a ruta do Día da Asociación Pazo de Tovar- A Cazolga o vindeiro domingo, 5 de agosto.
Ás 9:30 horas xuntaranse os participantes na área recreativa da Cazolga e o percorrido irá dende o Val, pasando pola capitalidade en Santa María, ata rematar na Ponte da Cazolga. A distancia é de 12 quilómetros e o nivel de dificultade baixo.
Ao remate da andaina celebrarase unha comida de confraternidade na área recreativa da Cazolga.
O prezo é 10 euros para os socios e 15€ para os non socios. As inscricións poden facerse por correo electrónico en terraslourenza@gmail.com, ou por teléfono no 619 37 80 29(Lupe) ou 686 77 11 13(Emilio), antes das 14:00 horas do mércores 1 de agosto.
Mariña Patrimonio organiza un desprazamento a Lourenzá o día 4 de agosto para coñecer o patrimonio civil e relixioso máis salientable da vila e dos seus vales. Para a ocasión contarase cun guía especializado, e ademais vanse xestionar as visitas guiadas ós edificios relixiosos (igrexas de Sto Adrano, Sto Tomé, S. Xurxo, mosteiro de S. Salvador, así como ao pazo de Tovar (incluídas as entradas).
No caso de que haxa un número suficiente de persoas, poderíase facer o desprazamento en bus con traxecto Viveiro - Foz - Lourenzá (con paradas intermedias), opción máis recomendable xa que hai que moverse de visita a visita.
Para máis información e para anotarse visitar o blog de Mariña Patrimonio na seguinte ligazón: https://mrpatrimonio.blogspot.com
A Concellería de Cultura convoca a segunda edición do Certame de Teatro Afeccionado Concello de Lourenzá, que inclúe novidades nos premios.
O concelleiro de Cultura, Manuel Arango, anuncia que “as bases están publicadas na páxina web do Concello e o prazo para que as compañías se inscriban remata o 28 de setembro. As representacións desenvolveranse durante o mes de novembro e o certame rematará cunha gala de entrega de premios que terá lugar en decembro”.
Manuel Arango destaca que “as novidades deste ano son un aumento da dotación do premio á mellor representación, que pasa de 600 a 750 euros. E establécese un novo premio, que se decidirá por votación do público asistente ás representacións. Cada grupo seleccionado polo xurado para representar a obra no certame recibirá 300 euros en concepto de participación,...
leer más