Viveiro
A oitava andaina de outono de A Mariña en Ruta será este sábado, 20 de novembro, polo Viveiro industrial e as lendas.
Esta iniciativa da Mancomunidade de Concellos da Mariña discorrerá esta fin de semana polo Viveiro industrial e as súas lendas. Os asistentes estarán acompañados por Noela Feal, guía oficial de Galicia. Para esta ruta e para a andaina pola paisaxe cultural de Portocelo, en Xove, que terá lugar o 27 de novembro e que será guiada polo arqueólogo David Fernández, aínda quedan prazas libres. A Mariña en Ruta concluirá o 4 de decembro por terras do Vicedo da man do arqueólogo Fran Canosa. Para esta última ruta as prazas están esgotadas.
As persoas interesadas en gozar de A Mariña en Ruta poden atopar información e facer a reserva de prazas en ...
leer más
A Banda de Música O Landro, de Viveiro, ofrecerá un concerto este sábado, 20 de novembro. A actuación terá lugar no Teatro Pastor Díaz, ás 20:30 horas.
Este concerto, baixo a dirección de Carlos Tirimaos, celébrase na honra de Santa Icía.
A reserva de entradas pódese facer, de luns a xoves, no teléfono 982 560 162, en horario de 9:00 a 14:00 horas; ademais no correo electrónico rbg.cultura@viveiro.es e en taquilla desde unha hora antes da función. A entrada é de balde.
Organiza este evento a Banda de Música O Landro coa colaboración da Concellería de Educación de Viveiro.
O Concello de Viveiro informa que dende este xoves, 18 de novembro, o mercado semanal de alimentación volverá a celebrarse na Praza Maior. Así mesmo, dende o domingo 21 de novembro, no mercado quincenal da Variante poderán colocarse a totalidade dos postos.
O goberno municipal adopta esta decisión en virtude do establecido na Orde do 25 de xuño de 2021, pola que se establecen medidas de prevención específicas como consecuencia da evolución da situación epidemiolóxica, e na resolución do 21 de outubro de 2021, da Secretaría Xeral Técnica da Consellería de Sanidade, pola que se dá publicidade ao Acordo do Consello da Xunta de Galicia, do 21 de outubro de 2021, no que se declara a finalización da situación de emerxencia sanitaria en Galicia.
Cómpre lembrar que o mercado semanal foi trasladado aos Xardíns Noriega...
leer más
O Ateneo Ferrolán acolleu a presentación da nova obra de María Xosé Porteiro, titulada #taméneu, que editou LAR libros, de Viveiro. Nesta publicación, que está a venda na web www.libroslar.com, a autora opina sobre a revolución feminista en 77 traballos xornalísticos.
María Xosé Porteiro recibiu recoñecementos pola súa labor a prol do feminismo, en 2019, co premio 1º de maio de CCOO, e en 2020, co Ernestina Otero, da Comisión das Mulleres do Concello de Vigo. Desde os anos 80 publicou numerosas pezas xornalísticas sobre desta temática. A partir de 2017 dirixe o Centro de Documentación en Igualdade e Feminismos do Consello da Cultura e nesta xeira participou en numerosos estudos e investigacións desde a súa Comisión de Igualdade.
A edición de #taméneu é de LAR libros, que...
leer más
Contraproduccións porá en escena a obra Cigarreiras, no Teatro Pastor Díaz, de Viveiro este sábado, 13 de novembro, ás 20:30 horas.
No centenario do pasamento da novelista Emilia Pardo Bazán, Contraproduccións presenta unha relectura dunha das obras máis interesantes da autora, A Tribuna. A muller, o amor e os prexuízos de clase son os temas entorno aos que xira esta relectura facendo fincapé no ambiente e primeiras loitas femininas das traballadoras da fábrica de Tabacos da Coruña. Todo isto con un transfondo político onde se asiste ao ocaso dos Borbóns e á atribulada proclamación da I República.
Baixo a dirección de Cándido Pazó, o elenco artístico está composto por: Tamara Canosa, Susana Dans, Ledicia Sola, Isabel Naveira, Covadonga Berdiñas, Ana Santos e Merce Castro.
A venda de...
leer más
O Teatro Pastor Díaz, de Viveiro acollerá este xoves, 11 de novembro, ás 19:00 horas o espectáculo de Paula Carballeira Facer Memoria.
Trátase dun espectáculo-encontro entre a narradora oral Paula Carballeira e as persoas de Viveiro no que desaparecen os límites entre o palco e o patio de butacas, dándolles voz tamén ás lembranzas do público. Deste xeito, entre contos e conversas, inténtase facer memoria.
Colaboran na organización deste evento: Xunta de Galicia, Xacobeo 21-22 e Rede de Dinamización Lingüística.
Este ano, o certame está adicado ao Trastorno do Espectro Autista (TEA)
O Concello de Viveiro organiza a terceira edición de ‘Superarte’, a súa mostra de teatro feita por persoas con diversidade funcional, que se celebrará entre o 28 de novembro e o 3 de decembro.
O concello xa dispón do cartel e ultima un programa extenso de actividades. “É Unha cita moi esperada para nós, Viveiro será de novo o lugar de referencia para sensibilizar e concienciar sobre a necesaria igualdade real para todos e todas”, afirma Lara Fernández Fernández-Noriega, concelleira de Cultura.
Este ano, a mostra esta adicada ás persoas con Trastorno do Espectro Autista (TEA), e ademais de obras de teatro, haberá visitas aos centros educativos para abordar o tema da diversidade funcional, accións conxuntas co comercio...
leer más
O Concello de Viveiro presentou as ‘V Xornadas de Historia e Arqueoloxía Marítima Cidade de Viveiro’, que se celebrarán do 15 ao 19 de novembro e que este ano, de novo pola pandemia da Covid-19, serán outra vez totalmente online a través da plataforma Zoom.
Na presentación estiveron a alcaldesa de Viveiro, María Loureiro García; Jesús Fernández Fernández, 1º tenente de Alcalde e concelleiro do Mar, e Antón López, delegado para a zona noroeste de España da Federación Española de Actividades Subacuáticas (FEDAS).
“Igual que en anos anteriores, as xornadas abarcan varios proxectos de ámbito nacional e incluirán ademais ponencias centradas en Galicia, sobre o mar nos programas decorativos da Galicia romana e o pecio Viveiro I”, explica Jesús Fernández.
Dende o Concello quérese agradecer o...
leer más
O Centro Comercial Histórico de Viveiro aposta unha vez máis por impulsar as compras e o ocio na súa cidade. Pon en marcha este venres 5 e o sábado 6 de novembro a campaña Shopping Weekend, un fin de semana de compras ofrecendo fantásticos descontos en miles de artigos.
Unha oportunidade para pasar a fin de semana facendo compras nos 47 comercios participantes na campaña e desfrutar de descontos do 20% en miles de artigos. Participan locais de moda de home, muller e nenos, calzado, complementos, artigos de deporte, lencería, xoias, mobles e decoración, agasallos, artigos para o fogar, alimentación, iluminación, óptica, telefonía, estancos, perruquerías, beleza, etc.
Os locais participantes estarán identificados cos distintivos da campaña, banderolas de color fucsia de 2,60 metros de altura colocadas nas entradas...
leer más
A iniciativa levará a obra de diferentes artistas aos escaparates dos establecementos comerciais e hostaleiros de Viveiro
O Concello de Viveiro, a través da súa concellería de Cultura, pon en marcha a iniciativa “EscapararArte Comercio e Cultura”, un proxecto no que os comercios de Viveiro converteranse nunha gran sala de exposición cultural.
A iniciativa conta ademais coa colaboración da asociación “Viveiro Centro Comercial Histórico (CCH)” e da asociación fotográfica “Os Negativos”. Deste modo, o Concello de Viveiro e estas dúas asociacións brindan aos fotógrafos/as a oportunidade de expoñer por toda a vila. O obxectivo do goberno local é tecer redes entre as diferentes asociacións e institucións, traballando pola cultura e comercio de forma conxunta á vez que se achega a arte á rúa.
...
leer más