Eventos
07/07/2015
O alcalde de Foz, Javier Jorge Castiñeira, vén de presentar o programa das Festas do Carme 2015, organizadas pola asociación Sempre Foz e polo propio Concello. As festas comezan o día 13 de xullo de durarán até o 18 cun programa repleto de actividades musicais, xogos infantís e a tradicional alfombra floral que acompaña á procesión da Virxe. O alcalde subliña que outros eventos desta fin de semana servirán de antesala á festa: “durante esta fin de semana vanse celebrar moitas actividades ligadas á propia festa do Carme. Podemos falar da décima edición de Sons da Rúa e do Festival Vrao, que é un festival galego de música independente que terá lugar durante toda esta fin de semana. Temos as horas de fútbol sala tamén e moitas outras actividades paralelas ás festas”.
...
leer más 03/07/2015
Ata o 30 de setembro todos os días da semana Ribadeo contará co servizo de tren turístico-cultural, que funcionará desde as dez da mañá ata as nove da noite. A iniciativa foi presentada esta mañá polo alcalde, Fernando Suárez, pola concelleira de Turismo, Ana Martínez, e pola responsable do servizo, Vega García.
O rexedor dixo que “aproveitando todo este tirón turístico que está a ter Ribadeo, no seu conxunto nestes últimos anos, Ribadeo polo cultural, Ribadeo polas praias, Ribadeo polo casco histórico, Ribadeo polos servizos, pola gastronomía… como dicimos na nosa campaña Ribadeoxquesí, queremos presentar outra nova iniciativa. Neste caso trátase dun tren turístico-cultural, como é a empresa que o vai rexir durante este verán de 2015. Funcionará no ámbito urbano pensando...
leer más 02/07/2015
Segundo explica o tenente de alcalde, José Manuel Gómez Puente, “un ano máis achégase a Romería de Santo Estevo do Ermo e desde o Concello queremos convidar a todos os veciños e veciñas de Barreiros e de toda A Mariña a participar nesta cita. Teremos rutas a pé, misa e procesión, sesión vermú, xogos infantís, torneo de tute e actuación musical”.
Gómez Puente engade que “a paraxe de Santo Estevo do Ermo é natureza pura e cun grande encanto, que o converte nun lugar idóneo para relaxarse e empaparse da súa maxia. E non poden faltar, como en toda romería que se prece, a costume de xantar en familia e entre amigos ao aire libre”.
A Romería Popular de Santo Estevo do Ermo está organizada polos veciños de Barreiros e polo Concello. ...
leer más 01/07/2015
Todo está listo en Burela para a celebración da Festa Castrexa do 3 ao 5 de xullo.
Haberá diversas actividades coma mercados nas prazas do Concello e da Mariña e na rúa Pardo Bazán. Catro grupos animarán eses mercados e preto de 1.000 persoas participarán no desfile co que dará comezo a festa o venres pola noite. Na zona do porto instalarase por primeira vez un poboado castrexo.
A Festa Castrexa reunirá a 27 clans neste 2015. Os mellor caracterizados levarán premios en metálico ao igual que os locais hostaleiros que se engalanen para a festa. Bares, mesóns e restaurantes ofrecerán menús e tapas a prezos especiais.
Os que se acheguen a Burela estes días poderán gozar dun amplo programa de...
leer más 24/06/2015
Desde a Asociación de Sendeirismo Terras de Lourenzá explican que "para rematar o mes de xuño, outra pequena ruta. Nesta ocasión, o domingo 28, sumámonos á iniciativa do Concello de Lourenzá e de diferentes Asociacións, para participar na segunda edición da actividade Todos cara a Tovar. No noso caso farémolo camiñando, nun trazado duns 8 kms. e dificultade baixa, que nos levará polo que foron os dominios do Coto de Canedo, posesións do antigo señor de Tovar. Non será necesario anotarse (xa que cada un levará o seu propio avituallamento). Só hai que achergarse ó Pazo ás 16:30 para comezar a camiñar; e ó remate, de volta en Tovar, desfrutar das diversas actividades que se darán cita esa xornada: baile, teatro, fogueira de San Pedro...".
22/06/2015
Dende a Concellería de Servizos Sociais, a través da OMIX de Xove, organizáronse unhas Xornadas sobre Sexting, dirixidas a tódolos xoves do noso Concello. Que é o sexting. A Wikipedia defíne o Sexting (contracción de sex y texting) como “un anglicismo para referirse al envío de contenidos eróticos o pornográficos por medio de teléfonos móviles”.
O Programa destas Xornadas é o seguinte:
-Martes, 23 de xuño, ás 11:00 horas na OMIX de Xove: CHARLA INFORMATIVA SOBRE SEXTING, a cargo do Plan Director da Garda Civil. Nesta conferencia explicarase en qué consiste o sexting, información sobre os seus riscos e pautas a seguir para a súa identificación e prevención e, no seu caso, denuncia ante as autoridades.
-Mércores, día 24 de xuño, ás 12:00 horas na Aula de Informática da OMIX: actividade didáctica...
leer más 22/06/2015
A Espiñeira, na parroquia focense de Vilaronte, acollerá este vindeiro domingo, día 28, a súa tradicional feira exposición de gando cabalar e vacún organizada polo Concello de Foz.
O concelleiro Pedro Fernández Manín explicou que “esta feira sempre se viña celebrando o terceiro domingo do mes de xuño, pero deuse a circunstancia de que primeiro houbo eleccións e despois que ao retrasar as festas coincidía ao principio coas do Bispo Santo e despois co San Xoan, de Vilaronte. Este foron os motivos de organizala no mes de xuño, igual ca outros anos, pero o próximo día 28”.
Pedro Fernández engadiu que “haberá premios para o maior número de cabezas de gando cabalar, trofeos para as dúas mellores eguas de sela e para os dous mellores...
leer más 19/06/2015
Unha parte da avenida da Mariña, de Foz, estará cortada ao tráfico o día 27 deste mes, sábado, para acoller diversas actividades da segunda Festa Vintage, que foi presentada hoxe diante da Casa do Concello. O alcalde, Javier Jorge Castiñeira, anima a participar neste evento e destaca o traballo dos responsables do Centro Comercial Aberto, que conta coa colaboración do Concello para a organización deste festexo.
O rexedor municipal explicou que “dende o Concello estamos contentos de que se organice a segunda Festa Vintage, que hoxe vimos de presentar co presidente da Acia e cos responsables do Centro Comercial Aberto de Foz. Esta idea dos comerciantes levouse a cabo por primeira vez o ano pasado e nesta edición vai haber certas novidades interesantes, sobre todo para o...
leer más 19/06/2015
O VII Encontro no Eido Dourado terá lugar o vindeiro 27 de xuño. No acto, co que arrincará a nova tempada deste espazo dedicado ao arte, daranse cita a música, a poesía e o teatro, segundo deu a coñecer neste xornada o artista Celso Dourado.
Dourado contou que “estamos ultimando os detalles e coordinando todas as intervencións. Cada ano que pasa súmanse máis e máis amigos e a verdade é que non sabemos como vamos facer para darlles cabida, polo que estamos cos últimos preparativos”.
O artista barreirense indicou que “este sétimo Encontro no Eido Dourado, que dará comezo ás 8 da tarde do vindeiro 27 de xuño, sábado, vai ter como cabeceiro a poesía alternativa e musicada feita en galego. Neste apartado dalgunha maneira a voz cantante...
leer más 18/06/2015
La Asociación de Comerciantes y Empresarios de Burela ya está ultimando los preparativos de la 4ª Festa Castrexa, que se celebrará el primer fin de semana del mes de julio.
Aunque la Festa Castrexa mantiene sus principales rasgos de identidad que le han dado éxito en los últimos tres años, esta cuarta edición también presenta algunas novedades, como la disposición de un “Poboado Castrexo” en el recinto del puerto de Burela. Esta idea nació en las reuniones que la directiva de Acia Burela mantuvo con representantes de los Clanes en los últimos meses, y su función consistirá en ambientar la zona del puerto y facilitar a cada grupo un lugar donde poder reunirse durante el día y guardar parte de sus enseres castrexos.
Para poder disponer...
leer más