Eventos
A Asociación de Sendeirismo Terras de Lourenzá celebra a súa comida de Nadal o sábado 20 de decembro
A Asociación de Sendeirismo Terras de Lourenzá celebra a súa comida de Nadal o día 20 de decembro, sábado, na Casa da Penela, en Vilamor (Mondoñedo). Será ás 14:30 horas, despois da asemblea xeral ordinaria de socios, que está fixada para as 11:30 horas en primeira convocatoria e para media hora despois en segunda, no salón de actos do Concello de Lourenzá.
O prezo da comida é de 28 euros e para participar anota Lupe a través do teléfono 619.37.80.29 e o prazo para inscribirse está aberto ata o mércores 17 de decembro.
O Concello de Riotorto organiza unha comida de Nadal para o día 17 de decembro, mércores, ás 14:30 horas na Casa da Cultura. O prezo é de 25 euros por persoa.
Este evento estará amenizado coa música do dúo Dilema.
Dentro do programa Viveiro Baila, que ofrece bailes de tarde para os maiores, no salón de actos do Conservatorio, este domingo, día 14 de decembro, desde as 19:00 horas actuará a cantante Verónica Cambón
Ademais nesta actividade, organizada polo Concello de Viveiro, haberá chocolate e biscoitos gratis para os asistentes.
Este domingo, día 14 de decembro, ás 20:30 horas o atrio da Igrexa de Vilaronte converterase no punto de encontro para dar a benvida ao Nadal nesta parroquia do municipio de Foz.
Este evento está organizado pola Asociación Cultural O Atrio, que anuncia: “celebrarase o acendido oficial das luces, un momento especial que cada ano reúne á veciñanza nun ambiente cheo de emoción e tradición. A xornada contará cunha actuación musical en directo a cargo de A Subela e para entrar en calor nada mellor ca chocolate con churros quentiños e caldo de pita, preparados para que todos poidan gozar dunha tarde acolledora e festiva”.
A asociación O Atrio tamén dá a coñecer que “xa está en marcha o concurso de decoración exterior Vilaronte énchese de luz!. Este Nadal queremos que Vilaronte brille coma nunca: a asociación O...
leer más
O Colectivo Pensamento e Sementeira organiza en Viveiro unha tarde para xogar en familia. Será este sábado, día 13 de decembro, a partir das 17:30 horas na Sala de Usos Múltiples do Concello de Viveiro. É unha actividade totalmente de balde.
“O inverno é unha época de recollemento e de aproveitar os momentos en familia. Por iso vos traemos o seguinte plan: convidámosvos a compartir unha tarde especial para todas as idades; un espazo no que pequenos e maiores poidades conectar entre vós, divertirvos e, sobre todo, gozar xuntos. Ven pasar unha tarde diferente e acolledora, ideal para combater o frío e crear lembranzas en familia”, anuncia Pensamento e Sementeira.
O Concello de Burela anuncia que a chegada das datas de Nadal trae consigo un calendario cheo de propostas que combina cultura e celebracións abertas á veciñanza en Burela.
O primeiro encontro terá lugar este sábado, 13 de decembro, na praia da Marosa, onde o Burela Surf Club convoca unha actividade aberta a partir das 16:30 horas. Haberá unha pequena sesión de surf con gorro de Papá Noel acompañada de chocolate quente, unha proposta gratuíta á que pode sumarse calquera persoa, aínda que non practique surf.
O mércores 17 ás 20:00 horas o Auditorio Municipal acollerá o Concerto de Nadal da Escola de Música de Burela e o 19 de decembro ás 21:00 horas o Grupo de Teatro A Adala porá en escena o espectáculo para adultos Marina Club. O día 20 celebraranse o Concerto de Panxoliñas da Coral Polifónica de Burela e...
leer más
Ribadeo acollerá o vindeiro luns, 15 de decembro, un evento de promoción dos Viños da IXP Terras do Navia. Será no Parador de Turismo en horario de mañá e de tarde.
Ás 11 da mañá terá lugar a benvida e a presentación institucional a cargo da Vicepresidencia da Deputación de Lugo e da Asociación das IXP de Viños de Galicia, como organizadores da cita.
Para as 11:15 horas está previsto o Faladoiro Nace no Navia, loce na Mariña no que participarán representantes da Asociación das IXP de Viños de Galicia, de adegas de Terras do Navia, do Colectivo Gastronómico da Mariña e do colectivo PratoDO.
E ás 12:30 horas haberá unha degustación da IXP Terras do Navia e maridaxe con produto galego agroalimentario de calidade da provincia.
Xa pola tarde terá lugar unha visita ás...
leer más
A parroquia de Celeiro de Mariñaos, no municipio de Barreiros, inaugurará a súa iluminación de Nadal este sábado, día 13 de decembro, ás 19:00 horas.
A Asociación de Veciños Celeiro de Mariñaos anuncia: “xa é Nadal en Celeiro. Gran inauguración da iluminación de Nadal. Convidámosvos a toda a veciñanza a vivir un momento máxico! Acende as túas ganas de festa e ven dar a benvida ao Nadal connosco. O vindeiro sábado, 13 de decembro, ás 7 da tarde nas Escolas de Celeiro. Haberá chocolatada para todos, un doce agasallo para quentar o corpo e o corazón mentres as luces comezan a brillar”.
Este mércores, 10 de decembro, presentouse oficialmente o Festival das Minas, de A Pontenova, que se celebrará este sábado, día 13 de decembro. O acto contou coa presenza do alcalde, Darío Campos, e de Noé Rodríguez, en representación da Asociación Cultural Deportiva As Minas, entidade organizadora do evento.
Desde a organización agradeceron o apoio recibido do Concello da Pontenova, Xunta de Galicia e Deputación de Lugo. Ademais de numerosas empresas e particulares que colaboran para facer posible unha nova edición deste festival “tan querido. Unha cita que xa é un referente cultural no noso concello”, anuncia o Concello de A Pontenova.
As actividades comezarán ás 12:00 horas coa actividade infantil Saaabor! ; ás 14 horas haberá unha sesión vermú; ás 20:00 horas empezará unha degustación gratuíta de...
leer más
O Santuario da Nosa Señora das Virtudes, de A Ponte de Arante (Ribadeo), acollerá este sábado, día 13 de decembro, o acto conmemorativo do X Aniversario da Declaración dos Camiños do Norte como Patrimonio da Humanidade.
O alcalde de Ribadeo, Dani Vega, anunciou que “este sábado, a partir das 11 e media da mañá, teremos o acto conmemorativo do décimo aniversario da Declaración dos Camiños do Norte como Patrimonio da Humanidade. O que queremos celebrar é iso mesmo, poñer en valor todo o patrimonio que nos foi entregado e seguir investindo e así mellorando toda esta Declaración como Patrimonio da Humanidade que debemos seguir apostando por ela e poñer en valor e darnos conta que é unha inmensa honra que sexamos declarados como Patrimonio da Humanidade”.
O rexedor ribadense engadiu: “dez anos de historia, dez anos de...
leer más