Eventos
Este sábado, día 26 de xullo, terá lugar a II Festa do Mexillón, que organiza o Celta Barreiros. O evento, que dará comezo ás 19 horas no campo de fútbol O Cascabeiro, estará amenizado polo grupo ribadense En faldas y a lo loco e por un DJ.
José Manuel García, presidente do Celta Barreiros, anunciou: “teremos mexillóns, arredor de 500 ou 600 quilos. Serviremos racións de mexillóns e de lacón cocido acompañadas de pan, viño e auga. O prezo da ración será de 10 euros. E tamén contaremos con menú infantil, composto por salchichas e patacas”.
García Cela anima “á veciñanza de Barreiros e dos concellos da contorna como Ribadeo, Foz, Trabada, Mondoñedo ou Lourenzá, así como aos visitantes a achegarse este sábado ao campo de fútbol O Cascabeiro, en San Cosme de Barreiros, a desfrutar da II Festa do Mexillón. A primeira...
leer más
Vilela, no concello de Ribadeo, celebra as festas do Carme este sábado, día 26 de xullo.
As actividades comezarán ás 12:30 horas con procesión coa Virxe do Carme, a Virxe das Dores e San Marcos acompañada por gaiteiros. Ás 13:00 celebrarase misa solemne e ás 14:00 horas empezará a sesión vermú co dúo Belinda.
De 17:00 a 20:30 horas haberá festa para nen@s, con inchables e toro mecánico. Ás 18:00 actuará o dúo Belinda e realizarase un sorteo sorpresa. E ás 22:00 horas empezará a verbena coas orquestras Alabama e Madastur.
A Sociedade Cultural e Recreativa Ledicia deu a coñecer este mércores o cartel anunciador da XXXIX Feira do Bonito de Burela, evento que terá lugar os días 2 e 3 de agosto, sábado e domingo, no porto burelés.
Ademais a presidenta de Ledicia, Rocío Rivera Seara, anuncia que o luns 28 de xullo levarase a cabo a presentación oficial do programa da feira ás 13:00 horas no salón de plenos do Concello de Burela.
A Feira do Bonito de Burela é Festa de Interés Turístico Nacional desde o ano 2019.
O Concello de Foz continúa coa súa axenda de actividades culturais e deportivas. “Estes días no Campo da Cabana os deslizadores acuáticos son os protagonistas, que se poden desfrutar en horario de 11.30 a 14.00 horas e de 16.30 a 20.00 ata o vindeiro xoves”, explica o alcalde, Fran Cajoto, que tamén anuncia que “unha novidade deste verán en Foz será o seu campamento nocturno, que se levará a cabo os días 30 e 31 de xullo e 1 de agosto. A actividade está orientada para rapazas e rapaces entre 12 e 16 anos”.
O campamento comezará o mércores 30 de xullo ás 17.00 horas e rematará o venres 1 de agosto ás 19.00. Instalarase na Obra Pía de Fazouro, a onde deberán dirixirse os participantes o primeiro día e ser recollidos ao finalizar a actividade. Durante os días do campamento serán moitas as iniciativas que se realizarán, coma actividades...
leer más
A parroquia de Reinante, no concello de Barreiros, celebra as festas do Santiago este venres, día 25 de xullo.
Ás 13:00 horas haberá misa solemne cantada pola Coral da Devesa, seguida de procesión acompañada polo grupo folclórico O Arco da Vella. A continuación, sesión vermú co grupo Lecer, que tamén actuará na verbena xunto ao grupo Los Adrianos.
O Vicedo celebra o venres e o sábado a oitava edición da Romaxe Viquinga, que impulsa o Concello co apoio da Xunta de Galicia. A Delegación Territorial de Lugo acolleu hoxe a presentación da programación, coa participación do delegado territorial, Javier Arias; o alcalde do municipio, Jesús Novo, e o dúo Queiman e Pousa, que colabora na organización, entre outros.
O pregón da romaxe terá lugar no exterior da Casa da Cultura do Vicedo ás 20.30 horas do venres, e correrá a cargo do actor e guía turístico Suso Martínez. A actividade continuará nas rúas da localidade con música, combates e exhibicións a cargo das asociacións de recreación histórica Cabaleiros Rías Altas, Hípica Celta, Gandalf e Caballeros Bergidum Templi.
O escenario do sábado será a praia de Area Grande de San Román, que acolle os campamentos...
leer más
A parroquia de Sargadelos, no concello de Cervo, xa se prepara para vivir as tradicionais festas na honra a Santiago Apóstolo, que terán lugar os días 24, 25 e 26 de xullo de 2025. O evento está organizado pola Asociación Amigos da Troula e o Concello de Cervo, que convida a toda a veciñanza e visitantes a participar desta cita festiva, cultural e deportiva.
O programa comeza o xoves 24 de xullo ás 20:00 horas, coa tradicional espetada moura, amenizada polos grupos locais Cordenaia e As Grileiras. Ás 22:00 horas comezará a verbena coa Discomóbil Conxuro e ás 23:00 ofrecerase o concerto de Roi Casal, un dos pratos fortes das festas. A verbena continuará con Conxuro Discomóbil.
O venres 25, Día do Patrón, haberá misa solemne e procesión ás 13:00 horas, seguida dun pasacalles e baile a cargo do grupo tradicional...
leer más
A asociación Barrio dos Muíños, de Mondoñedo, organiza as Festas de Santiago os días 24 e 25 de xullo, xoves e venres.
As actividades comezarán o xoves ás 22:00 coa actuación do dúo Sensación. E a partir das 23:30 horas a música correrá a cargo de Discomóvil The Sound Project.
E o venres celebrarase misa solemne ás 12:15 horas e despois haberá procesión coa participación do grupo folclórico Os Carricantos. Ás 14:00 horas empezará a sesión vermú co dúo Epo-K e a partir das 21:30 horas actuará Discomóvil The Sound Project.
A parroquia de Celeiro de Mariñaos, no concello de Barreiros, celebrará as festas na honra a Santa Cristina os días 24 e 25 de xullo, xoves e venres.
As actividades comezarán o xoves ás 13:00 horas cunha misa cantada pola Coral Polifónica de Burela e despois haberá procesión e sesión vermú co grupo Fénix, que tamén actuará na verbena xunto a Los Waikas.
E o venres celebrarase misa ás 13:00 horas e a continuación haberá procesión e sesión vermú co dúo Eclipse, que tamén actuará na verbena.
Celeiro, no concello de Viveiro, celebra as Festas Patronais e do Mar do 24 ao 27 de xullo, organizadas pola asociación Xuventudes Chilindrinas.
As actividades comezarán este xoves, día 24 de xullo, ás 20:00 horas coa Festa da Empanada, que estará amenizada polo cantante Joni Ramos. Desde as 22:00 horas haberá verbena co Grupo Beatriz e Alejandro Martínez.
O venres 25, día de Santiago Apóstolo, ás 11:30 horas farase o chupinazo e ás 12:00 horas celebrarase misa na honra a Santiago cantada pola Coral Polifónica Alborada, de Viveiro. Despois terá lugar a procesión coa música da Banda Naval e ás 14:00 horas haberá sesión vermú co grupo Eureka. Ás 18:00 horas disputarase un partido de solteiros contra casados na praia de Celeiro. E ás 22:30 horas empezará a verbena a cargo do grupo Eureka, a orquestra Gran Parada e...
leer más