Burela
O vindeiro 17 de setembro terá lugar o acto de presentación oficial da cronista de Burela, Herminia Pernas. Será ás 19 horas na Casa da Cultura.
O alcalde, Alfredo Llano, explicou que “nese acto haberá discursos da propia cronista, do concelleiro de Cultura, de min mesmo como alcalde, e dalgunha outra persoa mais. Os flocos imos ultimalos estes días. Estamos analizando a posibilidade de convidar aos cronistas da comarca, pero este punto aínda está por decidir”.
O rexedor engadiu que “a acto estará adaptado ás medidas covid en vigor nese momento, haberá que estar con máscara, empregar hidroxel para a desinfección das mans, distancia social, etc… as butacas que poderemos ocupar roldarán as duascentas”.
Llano dixo que “a principios da vindeira semana agardamos ter perfilado a totalidade do...
leer más
Desde este mes de setembro, Burela invita a facer una viaxe no tempo visitando no porto o local da Asociación de Mariñeiros Xubilados e Afíns, coñecido como "A Moncloa". Esta é unha actividade que organiza a Fundación Expomar e na que colaboran as delegacións do Mar e Turismo do Concello de Burela, a Cronista Oficial do Concello de Burela, Herminia Pernas, e a propia Asociación de Mariñeiros Xubilados e Afíns «A Moncloa».
As visitas terán lugar os xoves e venres de catro a seis da tarde e os sábados e domingos de dez a doce da mañá. O público ao que van dirixidas non é só aos turistas que visitan a vila, senón tamén aos propios veciños de Burela, para animalos a achegarse e coñecer de primeira man os cimentos do “Orgullo Mariñeiro” do seu pobo.
A bordo dos recordos dos vellos mariñeiros poderanse coñecer as...
leer más
As Guerreiras Laranxas estrearán a emoción sobre o parqué este sábado fronte ao Viaxes Amarelle FSF, en cuartos de XV Copa Galicia (18.00 horas). O pavillón polideportivo Sagrada Familia abrirá a cita cun minuto de silencio polo falecemento do presidente e alma máter do equipo anfitrión, Severino Amarelle.
O encontro poderá seguirse en directo a través da canle de Youtube do conxunto herculino.
Neste primeiro termómetro da tempada, o Pescados Rubén Burela, na defensa do trono irmandiño, buscará a clasificación para semifinais. No caso de saír triunfal medirase ao gañador de Mosteiro Bembrive-Ourense Envialia (marcado para a mesma hora ca o duelo laranxa), coa ida prevista o 22 de decembro.
O Amarelle, que este ano volverá contar coa cesión burelista de Cris Lourés nas súas filas, chega...
leer más
A cedeirense Guadi Galego presentará o seu último traballo discográfico "Costuras" o 11 de decembro ás 20:00 horas no Auditorio Municipal de Burela.
"Costuras" aúna 10 cancións de Guadi Galego e Carlos Abal que viaxan desde mundos asociados á súa infancia ata o presente máis duro e á vez esperanzador onde a autora se mostra tal como é.
Tres colaboracións compoñen o disco: Coas poetisas Antía Otero e Marina Oural e coa cantante catalá Paula Grande. A produción musical a cargo de Olivera Estudi dá un novo aspecto ás creacións de Guadi entrando en campos electrónicos sen esquecer a parte máis orgánica creando texturas únicas.
Entradas para o concerto proximamente á venda.
O festival musical Osa do Mar celebrarase na Praza do Concello de Burela para 400 persoas sentadas os días 24 e 25 de setembro, venres e sábado.
O cartel do evento inclúe as actuacións de Black Friday (The BF Show), Los Rastreadores (Ortiga e Grande Amore ), Moura, Niña Polaca, Delaporte, Blanco Palamera, The Rapants, Veintiuno y Verto.
Todos os concertos serán no escenario Vibra Mahou Osa do Mar: tres a noite do venres 24 de setembro, dous na sesión vermú do sábado 25 de setembro e catro actuacións a noite do sábado 25 de setembro.
As entradas están á venda en https://entradium.com/es/events/festival-osa-do-mar-2021
O concelleiro de Turismo, Ramiro Fernández, anunciou que “este fin de semana estaremos na Feira Semana Verde de Galicia, que se vai desenrolar en Silleda. Imos ter un stand onde imos promocionar a Feira do Bonito. Quero agradecer a Ledicia, que vai ser a encargada da degustación de bonito que imos facer o domingo, ás doce e media. Xa é a terceira vez que a facemos, sempre foi un éxito e esperemos que este ano tamén siga funcionando, a pesar das restricións sanitarias que nos imos encontrar na feira. A Semana Verde é unha feira á que asiste moitísima xente, penso que é moi interesante para Burela polo público que queremos traer aquí. Imos intentar promocionar tanto a Feira do Bonito como os outros atractivos turísticos que temos”.
O edil burelés engadiu que “seguimos avanzando e cada vez tendo máis xente que ten interese en vir pasar as...
leer más
Dende hoxe e ata o 17 de setembro permanecerá aberto o prazo de matrícula na Escola Municipal de Música de Burela.
O seu director, Xan Carballal, explica que “como en anos anteriores a escola imparte as especialidades de canto, guitarra, violín, viola, violonchelo, contrabaixo, piano, frauta, clarinete, óboe, fagot, saxofón, trompeta, trombón, trompa, bombardino... así como clases de grupo de diversas formacións coma orquestra ou banda, coro e jazz e música moderna, clases de formación musical para adultos e clases de formación musical para nenos e nenas dende os catro anos”.
Carballal subliña que “para formalizar a matrícula ou resolver calquera cuestión, a escola permanecerá aberta en horario de 10 a 14 horas nas instalacións da Rúa da Igrexa, no edificio da Casa da Xuventude. Pódese atopar tamén información no...
leer más
A Asociación de Comerciantes, Industria e Autónomos de Burela lanza a campaña de volta ao cole con dúas ramas: por unha banda, un concurso de fotografía e debuxo en liña para os máis cativos da casa, e por outro lado, o sorteo de seis vales de compra cun importe de 50 euros cada un entre os compradores das tendas asociadas a ACIA Burela que acumulen máis de 10 euros nas súas compras.
O concurso en liña contará con tres categorías por idade: de 5 a 8 anos, de 9 a 12, e de 13 a 16 anos; en dúas modalidades: debuxo e fotografía. Os premios serán de 40, 20 e 15 euros, dependo do posto acadado. Os participantes teñen ata o 15 de setembro para poder participar e os gañadores serán aqueles debuxos ou fotos que máis like’s obteñan nas redes sociais de ACIA Burela (tanto Facebook como Instagram).
Por outra banda, o...
leer más
A alcaldesa en funcións, Carmela López, e os concelleiros de Igualdade e Cultura, Noelia Mª Ben e José Díaz, asistiron esta mañá á inauguración da exposición Tecendo rede, tecendo recordos, que se pode visitar na Casa da Cultura de Burela ata o 31 de agosto en horario de 8 a 14 horas.
A mostra está organizada pola Federación de Alzheimer de Galicia (FAGAL) e AFAN Burela e conta coa colaboración do Concello burelés, a través da Delegación de Servizos Sociais.
A exposición amosa o traballo diario e continuado que realizan as 15 asociacións de alzheimer de Galicia para o mantemento e mellora da calidade de vida das persoas usuarias e as súas familias.
A Concellería de Cultura de Burela segue co seu ciclo Cine na Rúa coa proxección da película Detective Pikachu. Será o xoves, 2 de setembro, ás 22:00 horas na praza do Concello.
E o venres, 3 de setembro, a compañía Muu representará o espectáculo Crunch. Terá lugar tamén na praza do Concello ás 20:30 horas. Trátase dunha función de novo circo, clown, malabares, saltos mortais e caídas nun show todoterreo, a cargo dos superheroes Spunk e Scrunch.
Os eventos seguirán o protocolo covid, con máscara, hidroxel e distancia de seguridade entre o público asistente. A entrada é de balde.