Burela
A Asociación de Usuarios da Escola de Música de Burela (Asuembu) organiza o primeiro obradoiro de percusión impartido por Pablo del Valle Prieto. Será o sábado 10 de maio no salón de actos da Escola de Música de Burela (Rúa do Cancelo, número 1).
A organización explica que “está destinado a alumnado de percusión con estudos avanzados e a quen queira explorar dende cero”.
Para participar hai que inscribirse antes do 7 de maio a través do correo electrónico asuembu@gmail.com ou vía whatsapp ao 644.894.714.
As Xornadas Técnicas e o Encontro Empresarial de Expomar, que este ano cumpren as súas 32ª e 26ª edicións, respectivamente, volverán reunir esta semana aos profesionais e entidades máis representativas do sector pesqueiro a nivel nacional e europeo, co futuro do sector pesqueiro a debate, abordando os principais retos e dificultades do momento na pesca.
O xoves 8 pola mañá celébrase nas instalacións de Armadores de Burela o 26 Encontro Empresarial de Organizacións Pesqueiras, unha reunión sectorial na que as entidades máis representativas da frota galega e outras asociacións nacionais reflexionan sobre os principais retos sectoriais en curso, como a xestión e normativas pesqueiras, temas sociais e laborais como a substitución xeracional, e outros asuntos que condicionan a competitividade do sector. Froito deste encontro faranse públicas as...
leer más
O Concello de Burela programa este mes de maio, os días 9 e 17, dúas funcións teatrais no Auditorio da Casa da Cultura, dirixidas a diferentes públicos, dentro da súa aposta pola dinamización cultural e o apoio ás artes escénicas.
O venres 9 de maio ás 21:00 horas representarase Tres Vellas na Romaría, unha produción da compañía Excéntricas Producións. O espectáculo está protagonizado por tres recoñecidos nomes da escena galega: Celso Fernández Sanmartín, José Luis Gutiérrez (Guti) e Quico Cadaval. A través da narración oral, os intérpretes mergúllanse na tradición das festas populares galegas, evocando as romarías, as crenzas, os bailes e os encontros sociais da cultura popular. A obra forma parte da evolución dun proxecto anterior, Tres Vellas (polo menos), que percorreu diferentes escenarios de Galicia, Portugal,...
leer más
O vindeiro 10 de maio o Concello de Burela acollerá un Taller de Defensa Persoal dirixido a mulleres a partir de 16 anos, que se celebrará na Aula de Familia da Casa da Cultura. A actividade desenvolverase en dous grupos, un en horario de 10:00 a 14:00 h e outro de 16:00 a 20:00 h.
O taller está baseado no Método MAS, unha metodoloxía específica de defensa persoal feminina que combina o adestramento físico e mental para facer fronte a situacións de risco. Ademais de proporcionar técnicas de defensa, pretende axudar ás participantes a recoñecer sinais de perigo, actuar con prevención e evitar situacións violentas.
Esta formación céntrase en cinco puntos clave que permiten ás mulleres controlar corpo e mente, evitando que o medo paralice e dificultando así a reacción ante unha ameaza.
A actividade está...
A Asociación de Usuarios da Escola de Música de Burela (ASUEMBU) presentou a terceira edición do Campamento Musical de Burela. A actividade desenvolverase entre o 26 e o 29 de xuño e está dirixida a persoas maiores de 8 anos.
O campamento ofrece 25 horas de formación musical homologada e inclúe especialidades como corda fretada, vento, piano e percusión. As prazas son limitadas e o prazo de inscrición remata o 15 de maio.
Durante a fin de semana do campamento celebraranse dous concertos abertos ao público: un concerto de cámara o sábado 28 ás 20:00 horas na Praza da Mariña, e un concerto final o domingo 29 ás 18:00 horas na Casa da Cultura.
O tenente da alcaldesa, Mario Pillado, sinalou que “é un pracer colaborar para impulsar esta actividade que cada ano ven reunindo unha morea de...
leer más
Expomar cumpre este ano a súa 20 edición abríndose especialmente a novos sectores, como o turismo pesqueiro e as novas tecnoloxías, e onde a oferta gastronómica tamén gaña protagonismo dentro do seu programa de actividades.
Precisamente o sábado 10 de maio ao mediodía a feira acollerá o espectacular ronqueo dun gran exemplar de peixe espada de máis de 100 quilos de peso patrocinado por Interfish-España, que participará en Expomar 2025 da man da Organización de Produtores Pesqueiros do Porto de Burela, un dos socios desta interprofesional pesqueira que comparte o compromiso de promover iniciativas encamiñadas a concienciar sobre unha pesca sostible e saudable.
Interfish-España ofrecerá en Burela a mesma posta en escena que nas últimas edicións de Conxemar en Vigo e do Salón Gourmets en Madrid, realizado coa...
leer más
A fase previa da XLI Copa Deputación de Lugo de fútbol 8 nas categorías prebenxamín e benxamín disputarase nos campos da Marosa, en Burela, este xoves, día 1 de maio.
Na presentación deste evento deportivo participaron Adrián Marrube e Diego dos Santos, como directivos da SD Burela, e Carmela López e Carlos Méndez en representación do Concello de Burela.
A SD Burela Agradecer á Real Federación Galega de Fútbol e ao Concello de Burela “as facilidades para que A Marosa viva unha gran xornada de fútbol base cos máis pequenos”.
O día 29 de abril, martes, ás 18:00 horas no salón de conferencias da antiga Biblioteca de Burela haberá unha charla sobre moda con conciencia, con entrada libre.
O Concello de Burela anuncia: “descubre como Cáritas transforma o mundo a través da moda sostible. Non é só cuestión de estilo, é cuestión de conciencia! Se che interesa a moda, o medio ambiente ou simplemente facer as cousas doutro xeito, esta charla é para ti”.
O ciclo Maraxes da Osa continúa a desvelar a súa programación coa confirmación da segunda actuación desta edición. A cantante e compositora Mercedes Cañas subirá ao escenario o vindeiro sábado 10 de maio ás 21:00h na Casa da Cultura do Concello de Burela. As portas abrirán media hora antes, ás 20:30h.
As entradas xa están á venda a través da plataforma Wegow e na web oficial do ciclo. Os prezos varían segundo o tipo de público: 15 euros máis gastos de xestión en venda anticipada, 10 euros para persoas de 16 e 17 anos (introducindo o código MENOR16|17), entrada gratuíta para menores de 16 anos (coa reserva previa mediante o código MENOR-16) e 18 euros na billeteira o día do evento.
Mercedes Cañas, unha das voces máis prometedoras da nova escena musical estatal, comezou a súa carreira en 2019 co sinxelo Tirando a...
leer más
Este venres, día 25 de abril, ás 18:00 horas na Escola Municipal de Música de Burela haberá unha audición de violín.
O Concello de Burela explica que será “un concerto especial preparado polos mestres da especialidade, onde o alumnado amosará todo o seu talento e paixón polo violín”.
