Deportes
07/11/2016
O Grupo de Sendeirismo da ACD Xove organiza unha ruta pola ría de Ortigueira-Ladrido para o 13 de novembro.
Esta é a ultima ruta da tempada 2016 e percorrerá a senda litoral da ría de Ortigueira cun total de 13 quilómetros e dificultade baixa. A saída e chegada á vila de Ortigueira pasando pola Lagoa de San Martiño, a praia de Morouzos, a carón da illa de San Vicente, e a ría de Ladrido. A ría de Ortigueira está considerada unha das máis importantes de España pola súa biodiversidade natural, dentro da Red Natura 2000 e zona ZEPA (protección de aves).
Ao final da ruta os participantes despedirán a tempada cunha comida. Os interesados poden pedir información ou inscribirse na Piscina Municipal de Xove ou no número de teléfono 618 97 61 59...
leer más 31/10/2016
O colectivo cultural Ollomao de Barreiros organiza o sábado 5 de novembro a I Carreira Popular Ao Son do Masma.
O pasado 9 de outubro tivo lugar unha limpeza simbólica arredor do río vinculada á limpeza simultánea de ríos organizada por ADEGA e de aí a celebración desta I Carreira Popular.
A realización de actividades deportivas foi unha novidade incorporada recentemente aos estatutos de Ollomao, que se estrea coa realización desta carreira como medio para dar a coñecer o entorno do río Masma ás persoas que gusten do deporte.
A I Carreira Popular Ao Son do Masma está pensada como unha ocasión para reunir en Celeiro de Mariñaos a persoas que desexen participar nunha proba deportiva...
leer más 27/10/2016
A XIII edición da ruta en vehículos 4x4 Montes da Mariña celebrarase este fin de semana, desde mañá, venres, día 28, ata o domingo 30. Foi presentada en Foz nun acto no que participaron o alcalde, Javier Jorge Castiñeira, e os representantes do club Os Correcamiños Pablo Sobrado, Javier Blanco e Carlos Maseda.
Os organizadores explicaron que “este ano bateuse o récord de inscritos, cun total de 480. As procedencias dos participantes son do norte da península, así como de Madrid e Cáceres, entre outros lugares”.
Tamén anunciaron que “a xornada de mañá, venres, estará dedicada á recepción dos participantes. O sábado 29 sairán ás 9 da mañá para realizar unha ruta todo o día, con comida no pavillón de Ferreira do Valadouro e cea no...
leer más 21/10/2016
Os Amigos de RegalXunqueira organiza para o 22 de outubro uha ruta entre Foz e Reinante. A saída será ás 10:00 horas da estación de tren de Viveiro e ás 11:00 horas desde a estación de tren de Foz partirá a andaina ata o apeadeiro da estación de tren de Reinante.
A ruta discorrerá por Mañente, a Espiñeira, cruzará o río Masma e continuará polas praias da costa de Barreiros, praia de Altar, San Bartolo, Acantilado-Remior, Coto, Fontela-Balea, Lóngara, A Pasada e Arealonga. O percorrido de 16 quilómetros é chan. A volta a Viveiro será no tren das 19:00 horas.
A organización anuncia que non é preciso ser socio para participar nesta actividade e aconsella levar comida e bebida.
17/10/2016
A asociación de sendeirismo Terras de Lourenzá organiza a ruta do mes de outubro polo Azúmara o domingo 23.
Un percorrido de 9 quilómetros e dificultade baixa que dará comezo no Castro de Viladonga onde os participantes antes de comezar a camiñar poderán gozar dun dos tesouros arqueolóxicos da provincia, o conxunto formado polo xacemento do Castro e o Museo. Unha vez rematada a visita disporanse a facer a ruta que irá dende o castro ata Castro de Rei, onde xantarán nun restaurante da localidade.
A saída para esta andaina o 23 de outubro será desde o Cantón de Vilanova de Lourenzá ás 9:30 horas. O prezo é de 20 euros para socios e de 25 euros para non socios, inclúe o transporte en autobús e a comida. O prazo para anotarse remata o xoves...
leer más 17/10/2016
O grupo de sendeirismo da ACD Xove organiza unha ruta para o domingo 23 de outubro, pola Fragavella (Serra do Xistral-Concellos de Mondoñedo e Abadín).
Esta ruta polos montes da Fragavella está a 15 quilómetros da cidade de Mondoñedo e colle os concellos de Mondoñedo e Abadín. Nela atópase unha gran diversidade de flora e fauna autóctona que no outono é moi visitada pois toda ela produce unha gran variedade e cantidade de cogumelos. De feito o empresario de orixe xaponés Katuza Kimura elexíu no ano 1985 este lugar para o cultivo de setas orientais a nivel industrial. Pero a principios dos anos 90 abandonou a súa explotación por problemas co subministro eléctrico na zona. Tamén existe na Fragavella unha finca propiedade da Xunta de Galicia, destinada á cría de cervos e vacas de raza...
leer más 11/10/2016
Este sábado, 15 de outubro, terán lugar en Burela os 21 Xogos Autonómicos de Fútbol Sala Trofeo Carlos Outeiriño, que organiza Special Olympics e cos que colabora o Concello. 250 deportistas participarán na competición que se celebrará nos pavillón Vista Alegre e no dos institutos en Burela, ademais de en San Ciprián e en Cangas de Foz.
O alcalde, Alfredo Llano, anunciou que “o próximo xoves, día 13, ás doce da mañá no salón de plenos do Concello de Burela, imos facer a presentación dos 21 Xogos Autonómicos de Fútbol Sala Trofeo Carlos Outeiriño, que está organizados por Special Olympics e tamén imos colaborar o Concello de Burela e outras asociacións como pode ser Fademga”.
O rexedor considera que “é unha boa nova para Burela anunciar...
leer más 11/10/2016
O Deputado de Deportes, PabloRivera, presentou na Mariña o Movémonos, o programa deportivo, saudable e social que o organismo provincial retomaeste xoves en todo rural lugués. Fíxoo nun acto no Concello burelés, xunto ao Alcalde, Alfredo LLano, e representantes das 25 asociacións dos municipios da Costa que participan nesta programación. Trátanse de colectivos de Burela, Viveiro, Ribadeo, Foz, Mondoñedo, A Pontenova, Trabada, Barreiros, Lourenzá, Cervo, Ourol e Muras.
Rivera Capón remarcou que“Movémonos está encamiñado a vencer os obstáculos que dificultan a práctica deportiva, promovendo a actividade física moderada en colectivos de distinta índole afincados en concellos lucenses, cuxo acceso á práctica deportiva e aos seus beneficios se atopa limitado”....
leer más 11/10/2016
A asociación Sendeiros de Foz organiza unha ruta para o día 23 de outubro polo Camiño Ferradal ou da Caleira en Quiroga.
A saída será ás 7:30 horas das inmediacións do Concello e o prezo para os socios federados é de 25 euros, para os socios non federados 29 euros, para os non socios federados 30 euros e para os non socios non federados 34 euros. Vai incluída a comida e o seguro de accidentes. É obrigatorio anotarse e o prazo remata o 19 de outubro. As inscricións poden facerse nos números de teléfono 670 369 017 e 676 561 594.
Recoméndase levar equipo de sendeirismo e a dificultade da ruta é media. Colabora con esta iniciativa o Concello de Foz.
09/10/2016
A asociación Sendeiros de Foz organiza o 25 de outubro, unha charla baixo o título Sendeirismo e relevo xeracional que ofrecerá o presentador do programa Mochileros da Televisión de Asturias, Camilo Sousa “el Mochilero”.
Nesta charla falarase do sendeirismo e o problema da falla de xente nova nos grupos de montaña.
É un acto enmarcado no programa de celebración do vinte aniversario dos Sendeiros. A charla terá lugar no salón de actos da Casa da Cultura de Foz ás 19:30 horas.