Eventos

Etiquetas:
20/11/2019

Esta fin de semana segue o 8º Mes da Maxia, que organiza a Mancomunidade de Concellos da Mariña Lucense baixo o convenio asinado coa Axencia de Turismo de Galicia. O evento chega os días 22 e 23 de novembro a Trabada (Mesón Camiño Norte), Foz (O Lar) e Mondoñedo (casa rural A Penela).

O Mes da Maxia comezou o pasado 25 de outubro e rematará o 30 de novembro. No evento participan 17 establecementos hostaleiros: restaurantes, hoteis e casas de turismo rural de distintos concellos da Mariña Lucense e 4 Magos: Rafa, Teto, Kiko e Pi. 

A Mancomunidade xunto cos locais participantes que ofrecen unha coidada oferta gastronómica baseada en produto local, galego e de tempada, agardan que o Mes da Maxia sexa un motivo para que os mariñáns saian cear e pasen unha noite completa e agradable, se dean desprazamentos entre...

leer más
Etiquetas:
20/11/2019

Ribadeo celebrará o 25 de novembro o Día Internacional contra a Violencia cara ás Mulleres cunha andaina que partirá ás 11 da mañá do aparcadoiro municipal, percorrerá varias rúas e lugares emblemáticos da vila e rematará no Cargadoiro, onde terá lugar a lectura dun manifesto e onde esta tarde se presentou a campaña Camiña Segura, Ribadeo En Negro. Ao acto asistiron a concelleira de Igualdade, Mariluz Álvarez Lastra, que estivo acompañado por representantes dos centros de ensino de Ribadeo e da Mesa Interinstitucional de Violencia de Xénero. 

Álvarez Lastra dixo que “iniciábamos no mes de xullo o proxecto municipal Ribadeo. Camiño  seguro!  coa finalidade de potenciar a vila como punto referente do Camiño do Norte na súa dirección a Santiago de Compostela, con especial fincapé en ofrecer un entorno seguro para as mulleres que viaxan soas....

leer más
Etiquetas:
20/11/2019

O Concello de Lourenzá súmase, por terceiro ano consecutivo, á campaña En negro contra as violencias con actividades que se desenvolverán este domingo, día 24, no pavillón polideportivo municipal a partir das 17:00 horas. Os actos foron presentados pola alcaldesa, Rocío López; a concelleira de Servizos Sociais, Mercedes Dengra; a concelleira de Deportes, Sonia Gavino; e a adestradora da sección de patinaxe das Escolas Deportivas Lourenzá, Tania Irimia.

O Concello de Lourenzá fai un chamamento a todo o comercio e locais de hostalería para que colaboren coa campaña e vistan de negro os seus locais, descargando o material necesario na web https://ennegrocontraasviolencias.gal.

Os actos programados para este ano celebraranse este domingo, 24 de novembro, no pavillón...

leer más
Etiquetas:
18/11/2019

Este domingo, día 24 de novembro, haberá dúas representacións teatrais no concello de Foz.

Na Casa da Cultura focense ás 18:30 horas porase en escena unha obra de teatro infantil de marionetas a cargo de Trécola, que ofrecerá Xogo Revolto. Está organizado pola Delegación de Muller, Igualdade e Inmigración do Concello de Foz.

E na parroquia de Cordido ás 18:00 horas o grupo Axóuxeres, de Vilaronte, representará a obra Un divorcio no pobo, de Tito Casado Agudin e coa dirección de Benito García Bolaño. Forma parte do ciclo Teatro nas parroquias.

Ademais este sábado, día 23 de novembro, ás 20:00 horas na Sala Bahía terá lugar o evento para elixir o rei ou raíña de Entroido de Foz 2020. O voto do público contará un 40 por cento e haberá música con DJ e churrasco con pan, viño ou refresco a 10...

leer más
Etiquetas:
14/11/2019

La Compañía Nacional de Danza de Ucrania presentará en Burela el 25 de diciembre, Virsky. Se trata de un espectáculo lleno de virtuosismo, alegría y colorido, según explica Leonor Gago, la directora general de Concerlírica. Encima del escenario, en el pabellón Vista Alegre, estarán a partir de las siete de la tarde 60 bailarines. Más de 10 millones de personas han visto Virsky en todo el mundo desde su creación en el año 1937.

Leonor Gago cuenta que “ellos son el número uno. En España es la segunda vez que se presentan, la anterior fue hace quince años. Es danza, baile, folklore, virtuosismo, mucha alegría, mucho colorido, hay danzas muy espectaculares, con mucha precisión. Son sesenta bailarines y bailarinas con una particularidad que les distingue que es su maestría, su manera de ejecutar cada uno de los bailes que representan cada una...

leer más
Etiquetas:
13/11/2019

Preto dun centenar de veciños acompañarán o próximo domingo, 17 de novembro, á alcaldesa de Lourenzá, Rocío López, a participar como concello invitado na XV Feria de la Alubia y la Hortaliza en Casar de Periedo, localidade do concello de Cabezón de la Sal (Cantabria). A viaxe inclúe degustación do cocido montañés.

Ademais de Lourenzá, nese evento participarán como concellos invitados  os de La Bañeza (León), Saldaña (Palencia) e Arnuero (Cantabria).

O concelleiro de Cultura laurentino, Manuel Arango, explica que “nesta feira, declarada de interese turístico rexional, os veciños da localidade son os verdadeiros protagonistas trasladándonos por un día á vida dos anos 40 do século pasado. Está prevista a instalación de máis de 200 postos de venda de produtos hortícolas e de artesanía. O Concello de Lourenzá estará...

leer más
Etiquetas:
12/11/2019

A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión a Astorga o día 23 deste mes, sábado, con comida do típico cocido maragato.

A actividade inclúe a viaxe en autocar, o almorzo, seguro de viaxe, visita a Astorga e comida do típico cocido maragato na localidade de Castrillo de los Polvazares . O prezo é de 45 euros por persoa.

Para a reserva de prazas nesta excursión hai que dirixirse á axencia de viaxes Augasantas, que está no baixo número 6 das galerías San Francisco-Reinante, de Ribadeo, ou ben chamar aos teléfonos 676.445.465 ou 982.877.470.

 

Etiquetas:
11/11/2019

O Deputado de Participación Cidadá, Roberto García Pernas, xunto ao Alcalde de Muras, Manuel Requeijo Arnejo, e o tenente de alcalde, Mario Rouco, presentaron este luns,na praza do Viveiró, a V Feira do Mel de Montañas de Muras.Este encontro gastronómico que terá lugar esta fin de semana no concello de Muras contará con postos de venta de mel,concursos de calidade, música, degustacións gratuítas, obradoiros para menores, artesanía e ata cunha excursión micolóxica. Tamén contará cunha xornada técnica e formativa dirixida a mellorar a profesionalización na apicultura e o control sanitario das explotacións apícolas. A Deputación colabora con este evento cunha achega de 4.000 euros para contribuír a poñer en valor os produtos autóctonos e tamén a desestacionalizar o turismo.

O Deputado de Participación Cidadá salientou que “colaborando con...

leer más
Etiquetas:
10/11/2019

Con motivo do Día Internacional do Patrimonio Mundial, Mariña Patrimonio organiza para o vindeiro 23 de novembro, sábado, unha saída á cidade de Lugo para coñecer parte do seu patrimonio, concretamente aquel que se atopa fóra da muralla. Como vén sendo habitual neste tipo de actividades organizadas por Mariña Patrimonio, a visita será guiada e contará con actividades que se desenvolverán ao longo do día. Nesta ocasión pola mañá visitaranse os barrios da Ponte e do Carme e, tras unha pausa para o xantar, coñecerase un interesante e enigmático conxunto arqueolóxico que se atopa no lugar de Adai.

O prazo de inscrición permanecerá aberto ata o 15 de novembro e todas as persoas que queiran participar nesta actividade poderán obter máis información no blog de Mariña Patrimonio:...

leer más
Etiquetas:
07/11/2019

Mañá, 8 de novembro, celebrarase a V Festa da Castaña organizada pola Concellería de Cultura e a asociación Asadores de Burela. A cita terá lugar na praza de abastos a partir das 19:00 horas.

O edil José Díaz explicou que “aínda que estaba previsto que a festa tivese lugar na praza da Mariña, debido á previsión de mal tempo que dan para mañá trasladamos a celebración á praza de abastos”. 

O programa dará comezo ás 17:00 horas cun obradoiro de confección de zonchos (colares de castañas) que se celebrará ata as 20:00 horas. A actividade estará dirixida para os máis pequenos e pequenas por monitoras do Centro Medioambiental Gaia.

Ás 19:00 horas comezará o reparto dos cornetes de castañas acompañadas de viño e bolos preñaos, ao prezo de 2 euros. A festa estará amenizada no apartado musical...

leer más