Eventos
ACISA Ribadeo organiza a visita do carteiro real que estará este sábado, 4 de xaneiro, na carpa instalada no parque San Francisco. Os nenos e nenas ribadenses poderán falar con el, facer fotos, e contarlle como agardan a chegada dos Reis Magos de Oriente entre as 12:00 e as 14:00 horas pola mañá e pola tarde de 17:00 a 20:00 horas.
Desde a directiva de ACISA animan “aos papás e ás mamás a que leven mañá ás súas fillas e fillos a ver ao carteiro real, xa que estará encantado de recibilos e de escoitalos a todos”.
Por outra banda, ACISA segue coa súa campaña de Nadal e os establecementos asociados aínda teñen a disposición dos seus clientes as rifas para a Festa do Comercio, que se celebrará o día 11 de xaneiro. En total estanse a distribuír 200.000 rifas.
O 11 de xaneiro terá lugar o...
leer más
O Concello de Cervo organiza mañá, 3 de xaneiro, a festa acuática infantil. A entrada é libre.
O evento desenvolverase de 17 a 19 horas na piscina de Lieiro en San Ciprián.
Os nenos e nenas menores de sete anos deberán ir acompañados por pai, nai ou titor/a. Ao igual que os menores de dez anos que non saiban nadar.
Mañá, martes, 31 de decembro, e para rematar o ano continúa o amplo Programa de Actividades de Nadal do Concello de Xove, neste caso dedicado aos nenos. As 11:00 horas haberá unha Festa Infantil de Fin de Ano coas seguintes actividades:
-11:00 horas. Festa Infantil no Pavillón Municipal de Deportes con xogos e actividades para todos os nenos e pais.
-12.00 horas. Celebración Infantil Fin de Ano coa toma das 12 uvas e champín por parte dos nenos asistentes. Neste caso farémolo na Praza do Centro Cívico coas badaladas do reloxo do Concello.
A programación de Nadal do Concello de Viveiro continuará o vindeiro xoves, 2 de xaneiro, co espectáculo para o público infantil Burbuja. Será a partir das 20:30 horas no Teatro Pastor Díaz. As prazas son limitadas e os prezos das entradas de 3 e 5 euros.
O venres, 3 de xaneiro, ás 18:00 horas no Pastor Díaz Teatro Marionetas Trécola presentará O agasallo de Anya. A entrada será de balde ata completar aforo e conta coa colaboración da Deputación de Lugo, Vicepresidencia e Cultura.
O sábado, 4 de xaneiro, ás 20:30 horas tamén no Pastor Díaz, Láfayette Company presentará Le Cirque, para o público infantil, con prazas limitadas e o prezo das entradas de 3 e 5 euros.
O domingo, 5 de xaneiro, ás 18:00 horas sairá a Cabalgata de Reis que percorrerá Celeiro, Covas e Viveiro. Ao remate terá lugar...
leer más
O martes 31 ás 12:00 horas, na avenida da Mariña, o Grupo de Jazz da Escola de Música de Foz ofrecerá un concerto de panxoliñas.
O xoves, 2 de xaneiro, ás 18:30 horas, na Sala Bahía, a compañía Cayetano Lledó presentará o espectáculo de teatro e maxia para todos os públicos, Sherlock Holmes. O prezo da entrada será de 1´5 euros para os nen@s e 2´5€ para os adultos.
O venres, 3 de xaneiro, no colexio Martínez Otero, haberá unha gala de patinaxe.
O domingo, 5 de xaneiro, ás 18:30 horas, comezará a Cabalgata de Reis que sairá da praia da Rapadoira e percorrerá as rúas da vila para rematar no belén vivinte do Concello. Os Reis recibirán aos nenos e nenas na Sala Bahía, onde haberá inchables, chocolate con churros e roscón de Reis.
Para poder facer o percorrido cos...
leer más
Os alumnos e alumnas do CEIP Gregorio Sanz de Ribadeo de 6º de primaria, trasladáronlle a ACISA Ribadeo varios vídeos e audios nos que agradecen a colaboración do comercio local asociado coa elaboración dunha cesta especial de Nadal para recadar fondos para a súa excursión e ademais neles subliñan a importancia do comercio da nosa vila.
O presidente de ACISA Francisco Iriarte dixo: “estamos moi contentos de que os nen@s tan xoves de Ribadeo sexan conscientes da importancia que ten o comercio local, das súas vantaxes, e de que prefiran mercar na vila que por internet. E por suposto quero agradecerlles este traballo audiovisual, xa que creo que nós non puidéramos ter deseñado unha campaña de concienciación mellor que esta”.
O xerente de ACISA Ribadeo, Jesús Pérez indicou: “temos que destacar que foi unha iniciativa...
leer más
Todo está listo para a apertura de RibaXogo no parque de San Francisco. Este centro de ocio infantil e xuvenil abrirá as súas portas mañá, día 21, a partires das 12 do mediodía. Esta mañá estiveron supervisando as atraccións que están dentro e fora da carpa o alcalde, Fernando Suárez, o concelleiro de Turismo e Comercio, Pablo Vizoso, e o presidente de Acisa, Francisco Iriarte.
Vizoso dixo que “todo está preparado en RibaXogo para recibir á xente que nos pode visitar para desfrutar deste espazo de ocio para xs máis pequenxs e tamén para xs adolescentes. Trátase dunha oferta coa que o Concello asume un esforzo económico moi importante en colaboración con Acisa”.
O concelleiro de Turismo e Comercio subliñou que “o que pretendemos é atraer xente ao comercio de Ribadeo nestas datas de Nadal e animar tamén o ambiente...
leer más
O próximo 24 de decembro a A.C.R Fervenza de Sargadelos organiza, como é habitual, a Noiteboa Infantil nas Antigas Escolas de Cervo.
As actividades comezarán ás 16 horas coa ludoteca de xogos de madeira, educativos e orixinais para toda a familia, que corren a cargo da xoguetería burelá Xogando nas Nubes. Despois, nesta ocasión, a Asociación apostou por Mamá Cabra, un dos grupos pioneiros da música infantil galega, que interpretará, por volta das 18 horas, grandes éxitos das súas publicacións, ben como panxoliñas extraídas do seu libro "Xa me tardan estes magos".
Nada máis rematar o espectáculo, haberá chocolatada para todas as persoas asistentes e, ás 19:30, Papá Noel recibirá a todas as crianzas. Por último, realizaránse os sorteos dunha cea para dúas persoas, unha cesta e un lote de viños nos locais O Caseto...
leer más
Seguen as actividades de Nadal organizadas por Acisa. O domingo, 22 de decembro, Papá Noel estará en Ribadeo e o día 26 haberá teatro en inglés para os/as máis pequenos/as.
Acisa iniciaba o Nadal coa inauguración da árbore de luces instalada na praciña de San Roque. A programación de Nadal continúa coa visita de Papa Noel o 22 de decembro. Estará na carpa instalada no parque de San Francisco, de 12:00 a 14:00 horas e de 17:00 a 20:00 horas.
Ademais o 26 de decembro ás 18:00 horas no Cine Teatro de Ribadeo haberá Storytime, teatro en inglés para nenos e nenas, a cargo da academia asociada Kids&Us, “nunha aposta por entreter e divertir aos máis pequenos nunhas datas tan especiais para eles”, apuntan desde a xerencia de Acisa.
E o 4 de xaneiro Ribadeo recibirá a visita dun Carteiro...
leer más
Dende hai anos o Concello de Xove elabora un calendario co cal agasalla a todos os seus veciños e lles desexa un bo Nadal e un feliz Aninovo. A concelleira de Cultura, Dolores Meitín, quen elaborou o calendario deste vindeiro ano 2020, fixo a presentación do mesmo.
O calendario 2020 mostra nas súas páxinas un conxunto de fotografías antigas no que se recollen encontros familiares, reunións de amizade e xuntanzas nas festas.
Dende o Concello agradécese a tódalas persoas e familias que desinteresadamente prestaron as fotos para este calendario; tamén un recordo para toda a xente que aparece nestas fotografías e que xa non nos acompañan.