Eventos
A Pomba do Arco, O Castro, O Atrio e a Asociación de Veciños de Vilaronte organizan o 28 de setembro un roteiro por Vilaronte co obxectivo de divulgar os elementos de relevo do seu patrimonio e da súa historia.
A viaxe arrancará as 16:00 do Campo da Feira da Espiñeira, visitando a continuación, entre outros espazos , as antigas minas romanas de ouro, as vellas caleiras, as antigas fabricas de Damían López, as expresións da arquitectura indiana, a igrexa e o castro.
A actividade continuará ás 19:00 h no local da asociación O Castro, coa proxección do filme Riquezas Lucenses, gravado en Vilaronte en 1946, e que recolle escenas dos traballos desenvoltos nos serradoiros de Damían López e dos seus traballadores.
As persoas interesadas en participar desta actividade, deberá inscribise...
leer más
O cartel da XXIX edición da Festa da Faba de Lourenzá, que se celebrará do 4 ao 6 de outubro, acaba de ser presentado. Nesta ocasión a imaxe para anunciar o evento foi deseñada polo Departamento de Actividades Comerciais do IES de Foz.
Na presentación do cartel participaron a alcaldesa de Lourenzá, Rocío López García; o concelleiro de Cultura, Manuel Arango Ron; e o xefe do Departamento de Comercio do IES de Foz, José Otero Méndez.
José Otero comentou que o IES de Foz sempre está aberto á colaboración coas distintas institucións, xa que o que intentan é dar visibilidade á Formación Profesional que imparten e os representantes do Concello de Lourenzá agradecen ao instituto focense a súa colaboración deseñando o cartel que dará a coñecer a Festa da Faba 2019.
Un ano máis o burgo de Trasbar, en Cervo, celebrará a tradicional Romaría da Santa Eufemia, unha cita coa súas festas patronais que inclúe un variado programa de actividades que se desenvolverán durante tres días: o luns 16, o sábado 21 e o domingo 22 de setembro.
Tres días de festa
Os actos comezarán o luns, día da patroa, ás 13.00 horas, coa celebración dunha misa na honra de Santa Eufemia, seguida dunha procesión, e ao remate aqueles devotos que queiran poderán achegarse a poñer a Santa. Ao finalizar, os veciños que o desexen poderán disfrutar dun xantar no Local social. Ás 17.00 horas cita para realizar unha andaina ata a capela antiga de Santa Eufemia situada no mesmo burgo.
O sábado, os actos comezarán ás oito da mañá, coa elaboración da alfombra floral. A misa será ás 13.30h, cantada polo coral...
leer más
Mondoñedo presentou publicamente na Praza da Catedral o cartel anunciador das que son as feiras e festas máis antigas de Galicia, As San Lucas, que se celebrarán na cidade entre o 17 e o 20 de outubro.
A Comisión Organizadora das feiras e festas xunto á alcaldesa de Mondoñedo, Elena Candia, elixiron nesta ocasión a Praza da Catedral como o lugar idóneo para dar a coñecer aos veciños e veciñas o cartel deste ano.
A Praza da Catedral non só é unha das cúspides do patrimonio histórico- artístico da cidade senón que tamén é onde se desenvolverán unha parte das actividades do programa deste ano. Polas pedras desta emblemática praza, trotan cada17 de outubro dende fai 863 anos, os cabalos que baixan dende os montes da contorna ata o Campo da Feira para ser vendidos na Gran Feira do día 18.
...
leer más
Do 16 ao 22 de setembro terá lugar a décimo terceira Semana Europera da Mobilidade en Burela. Esta edición, que organiza a Concellería de Medio Ambiente, chega con novidades coma o concurso fotográfico Os Beatles en Abbey Road… nun paso de cebra. O programa de actividades foi presentado hoxe polo alcalde, Alfredo Llano, e a edil Noelia Mª Ben.
Durante a semana haberá charlas nos centros de ensino impartidas pola DXT e por Gaia, volverán citas como Andando ao colexio e o circuíto de educación vial e desenvolveranse talleres de manualidades e pintacaras e de cociña infantil. Está programado un concurso de debuxo infantil para nenos e nenas ata 12 anos baixo o lema Camiña connosco, qué o eslogan desta Semana Europea da Mobilidade, con agasallos para os participantes.
Unha das novidades máis destacadas desta edición...
leer más
Hoxe presentouse na praza do Centro Cívico de Xove a III Concentración de Vehículos Clásicos e Históricos, organizada pola Asociación Autoclásicos da Mariña Lucense, nunha convocatoria dirixida a coches e motos clásicos, na súa maioría de Galicia e Asturias.
A concentración vaise desenvolver en Xove o vindeiro sábado, 21 de setembro, durante todo o día.
A organización conta, para este evento, coa colaboración do Concello de Xove e o de numerosas casas comerciais de toda a Comarca.
Para a realización desta xuntanza, fíxose unha convocatoria, que vai estar aberta ata o mesmo día da concentración. Nestes momentos as inscricións tanto de coches como de motos van a moi bó ritmo.
O Programa de actividades vai ser o seguinte:
-De 9:00 a 11:00 horas.-...
Cervo celebrará a festa na honra da Virxe das Dolores os días 21 e 22 de setembro.
O sábado 21 ás doce do mediodía prepararase a alfombra floral e comezará a sexta edición da Festa Popular dos Callos, que estará amenizada por DJ FDB. E ás dez da noite empezará a verbena na que actuarán a orquestra Ritmo Noche e Mayel Trío.
O domingo ás 13:00 horas celebrarase misa solemne cantada polo coro parroquial e a continuación haberá procesión acompañada da Banda TAU de Viveiro. E ás 14:00 horas empezará a sesión vermú prolongada, amenizada polo grupo Puzzle.
Dos días 13 ao 16 de setembro celébranse en Mondoñedo as festas patronais da Virxe dos Remedios.
A ofrenda este ano correrá a cargo do Concello de Ribadeo e terá lugar o domingo 15. Como é tradición, unha representación do Concello de Ferrol desprazarase a Mondoñedo para asistir a unha nova edición da ofrenda á patroa diocesana.
No programa de festexos figuran a IX Xuntanza de Cantos de Taberna e o Mercadillo dos Remedios ademais do II Desfile co Traxe Tradicional.
O venres 13 haberá a actuación de DJS no Camiño. O sábado14 encargaranse da parte musical as orquestras Zafiro e Israel; o domingo 15 as orquestras Galilea e Finisterre; e o luns 16 o grupo Trébol.
Tamén no apartado musical, intervirán a Banda de Música Pascual Veiga de Mondoñedo, o grupo de jazz da...
leer más
A Concellería de Cultura organiza o último rastrillo popular solidario do ano, que terá lugar este domingo, 15 de setembro. Será na Praza da Mariña entre as 10:00 e as 15:00 horas.
Neste mercadiño poderán atoparse artigos de segunda man, desde libros ata pezas de artesanía, pasando por discos, roupa, accesorios e decoración. Os produtos que se porán á venta terán prezos populares.
As persoas interesadas en participar terán que aportar un quilo de produtos non perecedeiros que se destinarán ao banco de alimentos.
O 5 de outubro, sábado, ás 12 do mediodía Manuel Román Ramos, coñecido popularmente en Lourenzá como Manolo de Cartas, será o encargado de ler o pregón da XXIX Festa da Faba.
Manuel Román, mestre xubilado, é un estudoso da historia do seu concello. No ano 2001 publicou un libro homenaxe a Francisco Fernández del Riego, Vivir unha vida, e anos máis tarde unha reedición ampliada titulada Lume aceso. Ten numerosos estudos publicados e inéditos sobre a orixe do mosteiro de San Salvador, a figura do Conde Santo, a toponimia e o nacemento do concello de Lourenzá. É un asiduo colaborador e relator nas xornadas de historia local que organiza cada ano o Concello.
O concelleiro de cultura, Manuel Arango, destacou que “é un luxo que Manuel Román aceptara ser o pregoeiro nesta edición da Festa da Faba”.