Eventos
Mañá, xoves, pola tarde celebrarase o acto de conmemoración do centenario do naufraxio do bote Fernando Villamil. No Forte de San Damián haberá o descubrimento dunha placa alusiva a ese feito e intervencións do alcalde, Fernando Suárez, da concelleira de Cultura, Pilar Otero, e tamén do cronista oficial de Ribadeo, Eduardo Gutiérrez.
A edil ribadense contou que “mañá, 26 de setembro, terá lugar ás 17:00 horas no Forte de San Damián un pequeno acto de conmemoración deste episodio da nosa historia local. Será un acto institucional no que participarán o alcalde, Fernando Suárez, eu mesma e no que o cronista oficial, Eduardo Gutiérrez, ofrecerá unha pequena presentación sobre aquel feito”.
Pilar Otero subliñou que “co obxectivo de achegar á veciñanza o aciago feito ocorrido con esta embarcación vaise colocar neste...
leer más
Este xoves, 26 de setembro, dan comezo as festas de San Cosme de Barreiros. Ás 13:30 horas, haberá misa solemne na igrexa de abaixo con posterior procesión. Despois terá lugar a sesión vermú co grupo La Bamba, que tamén amenizará a verbena xunto ao dúo Estrellas.
O venres 27 ás 13:30 horas celebrarase unha misa solemne na igrexa de arriba. De seguido haberá sesión vermú co grupo Abanico que tamén estará na verbena xunto a Lecer.
Estes festexos están organizados por C.F. Celta Barreiros coa colaboración do Concello de Barreiros.
Un grupo de 19 establecementos de Mondoñedo, coa colaboración do Concello, organizan a primeira edición do Entroido de Outono, que se celebrará o próximo día 28, na Praza do Concello.
As actividades comezarán ás 19.00 horas e haberá premios para os mellores disfraces, segundo anuncian os organizadores. Haberá tres premios individuais, outros tantos para parellas e tamén tres para grupos e comparsas. En caso de haber disfraces infantís, tamén haberá premios
Nos locais de hostalería que son patrocinadores deste primeiro Entroido de Outono haberá degustación de produtos típicos desta festa.
A alcaldesa de Mondoñedo, a popular Elena Candia, agradece «o dinamismo e implicación da hostalería local que sempre se mostra predisposta a colaborar en eventos novos como este». Candia destaca a...
leer más
A axencia de viaxes Augasantas, de Ribadeo, que dirixe o barreirense Adrián Expósito Dorado, organiza unha excursión a Lugo para participar nas festas de San Froilán o día 6 de outubro, Domingo das Mozas.
A actividade inclúe a viaxe en autocar e o seguro obrigatorio de asistencia. O prezo é de 15 euros.
Para a reserva de prazas nesta excursión hai que dirixirse á axencia de viaxes Augasantas, que está no baixo número 6 das galerías San Francisco-Reinante, de Ribadeo, ou ben chamar aos teléfonos 676.445.465 ou 982.877.470.
O Concello de Lourenzá instalará un stand lila na XXIX edición da Festa da Faba, que se celebrará do 4 ao 6 de outubro, para sensibilizar á cidadanía sobre as violencias machistas. Esta iniciativa foi presentada pola alcaldesa, Rocío López, e a concelleira de Servizos Sociais, Mercedes Dengra.
A rexedora municipal explicou que “o obxectivo é informar, divulgar e sensibilizar a cidadanía sobre as violencias machistas. O punto de información estará situado na praza do Conde Santo en horario de 11:00 a 15:00 horas, onde a técnico social e a educadora familiar do Concello informarán sobre distintas cuestións relacionadas coa violencia de xénero. Así mesmo repartirase entre todos os asistentes material informativo para concienciar sobre a importancia de loitar e acabar con esta lacra machista”.
Rocío López anunciou...
leer más
O X Encontro de Palilleiras de Xove vaise desenvolver o sábado, 5 de outubro, durante todo o día, no Pavillón Municipal de Deportes de Xove.
As palilleiras que queiran inscribirse neste Encontro poden facelo ata o venres 20 de setembro nos seguintes tfnos de contacto:
-Concello de Xove: 982 59 20 01.
-Mercedes Barro (prof. De bolillos): 679 89 42 19.
-Carmen García (prof. De bordado): 982 59 26 86.
En canto aos vendedores que queiran participar no Encontro cos seus produtos, teñen tamén o mesmo prazo prazo para inscribirse, do 19 de agosto ao 20 de setembro. Neste caso, a súa inscrición terán que facela por correo electrónico dirixindo as súas solicitudes ao email: encontropalilleiras@xove.es.
A Pomba do Arco, O Castro, O Atrio e a Asociación de Veciños de Vilaronte organizan o 28 de setembro un roteiro por Vilaronte co obxectivo de divulgar os elementos de relevo do seu patrimonio e da súa historia.
A viaxe arrancará as 16:00 do Campo da Feira da Espiñeira, visitando a continuación, entre outros espazos , as antigas minas romanas de ouro, as vellas caleiras, as antigas fabricas de Damían López, as expresións da arquitectura indiana, a igrexa e o castro.
A actividade continuará ás 19:00 h no local da asociación O Castro, coa proxección do filme Riquezas Lucenses, gravado en Vilaronte en 1946, e que recolle escenas dos traballos desenvoltos nos serradoiros de Damían López e dos seus traballadores.
As persoas interesadas en participar desta actividade, deberá inscribise...
leer más
O cartel da XXIX edición da Festa da Faba de Lourenzá, que se celebrará do 4 ao 6 de outubro, acaba de ser presentado. Nesta ocasión a imaxe para anunciar o evento foi deseñada polo Departamento de Actividades Comerciais do IES de Foz.
Na presentación do cartel participaron a alcaldesa de Lourenzá, Rocío López García; o concelleiro de Cultura, Manuel Arango Ron; e o xefe do Departamento de Comercio do IES de Foz, José Otero Méndez.
José Otero comentou que o IES de Foz sempre está aberto á colaboración coas distintas institucións, xa que o que intentan é dar visibilidade á Formación Profesional que imparten e os representantes do Concello de Lourenzá agradecen ao instituto focense a súa colaboración deseñando o cartel que dará a coñecer a Festa da Faba 2019.
Un ano máis o burgo de Trasbar, en Cervo, celebrará a tradicional Romaría da Santa Eufemia, unha cita coa súas festas patronais que inclúe un variado programa de actividades que se desenvolverán durante tres días: o luns 16, o sábado 21 e o domingo 22 de setembro.
Tres días de festa
Os actos comezarán o luns, día da patroa, ás 13.00 horas, coa celebración dunha misa na honra de Santa Eufemia, seguida dunha procesión, e ao remate aqueles devotos que queiran poderán achegarse a poñer a Santa. Ao finalizar, os veciños que o desexen poderán disfrutar dun xantar no Local social. Ás 17.00 horas cita para realizar unha andaina ata a capela antiga de Santa Eufemia situada no mesmo burgo.
O sábado, os actos comezarán ás oito da mañá, coa elaboración da alfombra floral. A misa será ás 13.30h, cantada polo coral...
leer más
Mondoñedo presentou publicamente na Praza da Catedral o cartel anunciador das que son as feiras e festas máis antigas de Galicia, As San Lucas, que se celebrarán na cidade entre o 17 e o 20 de outubro.
A Comisión Organizadora das feiras e festas xunto á alcaldesa de Mondoñedo, Elena Candia, elixiron nesta ocasión a Praza da Catedral como o lugar idóneo para dar a coñecer aos veciños e veciñas o cartel deste ano.
A Praza da Catedral non só é unha das cúspides do patrimonio histórico- artístico da cidade senón que tamén é onde se desenvolverán unha parte das actividades do programa deste ano. Polas pedras desta emblemática praza, trotan cada17 de outubro dende fai 863 anos, os cabalos que baixan dende os montes da contorna ata o Campo da Feira para ser vendidos na Gran Feira do día 18.
...
leer más