Alfoz
A asociación CULTURA DO PAÍS, (colectivo con base en Lugo que conta cun grupo activo de socios na comarca do Valadouro) organiza a presentación do libro Os irmáns de América. As pegadas da emigración do Valadouro na Habana, de Prudencio Viveiro Mogo, publicado por Edicións Laiovento o pasado mes de setembro.
O acto terá lugar o vindeiro sábado, 30 de outubro, ás 19:00 horas, no Castelo do Castrodouro de Alfoz. Intervirán, amais do propio autor: Ruth Rodríguez Bermúdez (presidenta de Cultura do País), quen presentará o colectivo no municipio alfocés, pois é a primeira actividade que se desenvolve neste municipio, e a seguir o escritor alfocés Lionel Rexes presentará a Prudencio Viveiro.
Os irmáns de América. As pegadas da emigración do Valadouro na Habana é un estudo sobre a sociedade de emigrantes “El Valle de Oro...
leer más
O vindeiro luns, 25 de outubro, ás 17:00 horas no Salón de Actos do Centro Sociocultural de Alfoz terá lugar unha reunión informativa sobre un obradoiro de reciclaxe de roupa que se vai desenvolver no municipio.
Serán 2 horas por semana (8 horas mes) e o custo mensual é de 30 euros (3,75 euros/hora). Desenvolverase en grupos reducidos, de cinco persoas.
Este sábado, 23 de outubro, na Biblioteca Municipal de Alfoz organízanse diferentes actividades para nenas e nenos de 3 a 12 anos para celebrar o Día da Biblioteca. Haberá un obradoiro na propia biblioteca de 17:00 a 20:15 horas e a comedia musical Pinocus no salón de actos ás 20:30 horas.
É necesaria inscrición previa na Oficina de Rexistro do Concello ata o venres 22 de outubro ou ata completar o número máximo de participantes. É unha actividade de balde, subvencionada polo Plan Único da Deputación. Para máis información os interesados poden chamar ao teléfono 982.558.001 (extensión 2).
Estas actividades están organizadas polo Concello de Alfoz e a Área de Cultura da Deputación de Lugo.
A biblioteca pública do Concello de Alfoz celebra o Día das Escritoras este venres, 15 de outubro, cun espectáculo de contacontos a cargo da compañía A Cova das letras. Será ás 13:00 horas no salón de actos de Cultura para alumnado do CEIP Castro de Ouro.
A actriz Cristina Collazo representa `Procura-se Pepa a Loba, por terra e mar´. Trátase dun contacontos interactivo onde a danza e a música se funden coa natureza, poñendo en valor a amizade e a perspectiva de xénero.
Ademais na biblioteca pública de Alfoz haberá unha selección de obras de autoras do século XX ata o 31 de outubro.
O 23 de outubro ás 18:00 horas terá lugar a primeira das visitas didácticas iniciadas o ano pasado desde a Área de Turismo Municipal e incluídas no Plan Único da Deputación Provincial.
Nesta ocasión o lugar elixido é Finca Galea onde, centrándose no muíño con batán incluído, se coñecerá tamén a importancia da industria téxtil de Alfoz no século XVIII da man de Dolores Barral, profesora de Historia da Arte da USC.
Para asistir é necesaria inscrición previa no teléfono 982 558 001 (ext.3) ou na Oficina de Rexistro da Casa do Concello desde o 13 ao 22 de outubro. Prazas limitadas. Actividade de balde. Máis información no mesmo teléfono na extensión 2.
O xoves, 7 de outubro, o Club de Lectura da Biblioteca Pública de Alfoz reanuda as súas xuntanzas en torno a un libro que se elixe entre todos os integrantes e que se vai alternado entre obras en castelán e galego.
As persoas interesadas en inscribirse poden informarse no teléfono do Concello de Alfoz 982 558 001 (extensión 2) posto que antes do comezo de cada novo libro se poderán incorporar novos membros.
As reunións son os xoves, cada quince días, ás 19:00 horas e teñen unha duración aproximada de 1 hora. Fálase do libro e con esa escusa de moitos outros temas aos que nos leva a súa lectura, as personaxes, a historia ou o lugar onde se desenvolve.
Comeza cada lectura investigando sobre o autor ou autora e a obra, a cal se lee en varias partes que se tratan en cada reunión. Ao remate...
leer más
A Biblioteca Pública de Alfoz conta desde hoxe cun Recuncho Violeta. Trátase dun espazo propio con libros e xogos específicos de igualdade. Sobre todo para os máis novos, nos que se fomente o respecto e os valores, o coñecemento e xestión das emocións, a diversidade, etc. que no fondo son os pilares para unha sociedade máis igualitaria.
Moitas das obras que recomendamos nas Axendas Coeducativas poderán atoparse nos nosos andeis, os cales se irán completando con máis contidos nun futuro. Banda deseñada, contos, novela, ensaio e poesía para todas as idades.
Tamén xogos que se poderá utilizar na biblioteca, levar en préstamo e que serán utilizados nas actividades do Programa de Conciliación do CEIP Castro de Ouro.
Temos 2 Recunchos Violetas, un físico na Biblioteca e outro dixital dentro...
leer más
O vindeiro venres, 24 de setembro, ás 18:00 horas, no Salón de Actos do Centro Sociocultural da Xuventude e Terceira Idade de Alfoz, terá lugar a presentación do libro "Fuxindo da saudade", recopilatorio de artigos do profesor de filosofía Pedro Rubal Pardeiro. No mesmo acto farase tamén a presentación da web sobre a súa vida e percorrido profesional.
Ao remate da presentación, levarase a cabo a inauguración dunha sección da Biblioteca Municipal composta por obras doadas por Pedro Rubal, na que se descubrirá unha placa conmemorativa para deixar constancia do agradecemento do Concello polo seu xesto cara ao pobo de Alfoz, do que é fillo predilecto.
Estarán presentes nos actos, representantes da Deputación Provincial de Lugo, quen financia a través do Plan Único a adquisición de materiais e equipamento para a...
leer más
A Escola do Chao, na parroquia do Pereiro, convértese nun Centro Interpretativo da Reserva da Biosfera Terras do Miño.
Inicia a súa andadura con dúas xornadas. O sábado, 25 de setembro, de 10:00 a 14:00h para a promoción do patrimonio natural, cultural, arquitectónico, etnográfico, etc. e novas actividades respectuosas co medio ambiente e o emprendemento sostible na Reserva da Biosfera.
E o domingo 26, de 9:00 a 14:00h levarase a cabo un roteiro guiado da Fervenza Escouridal á Pena Abaladoira que terá como punto de partida a Escola do Chao.
É preciso inscribirse previamente nos tfnos. 982256193 e 618709473. Máis información: info@sogos.es
Estas actuacións lévanse a cabo a través das Axudas para a Rehabilitación do patrimonio...
leer más
Este sábado, 18 de setembro, Tarabela Creativa presentará Astrolabios. A representación, incluída no programa Cultura no Camiño da Xunta de Galicia, terá lugar no salón de actos da Casa da Cultura de Alfoz ás 20:30 horas. A entrada será de balde con aforo limitado.
É unha sesión de contos para público familiar, a partir de cinco anos, que ensina o nome das estrelas, das súas agrupacións en constelacións, da mitoloxía tras delas, dos ciclos da lúa e da súa influenza nas mareas e nos tempos da terra. Descobre ademais que hai estrelas nómades, que outras veces choven, que nos marcan o norte, que non vemos as mesmas ao cambiar de hemisferio na noite e que todas as civilizacións orientáronse por elas.
Astrolabio é unha palabra que ven do grego, que significa “buscador de estrelas” e que se inventou no século II a.C....
leer más