Barreiros
O Concello de Barreiros, a través do obradoiro de emprego que está a levar a cabo xunto co Concello de Ribadeo, inicia a campaña de recollida de libros usados cos que se dotarán as dúas bibliotecas rurais en cuxa posta en marcha xa traballan. A campaña promociónase baixo os lemas “NON DEIXES MORRER OS TEUS LIBROS. Dálles unha segunda vida. Dóaos!”
Os libros poderán ser entregados no espazo habilitado nas oficinas municipais ou ben na biblioteca municipal no seu horario de apertura e deberán estar en boas condicións de conservación, non atoparse rotos, sucios, danados ou con anotacións. Tamén se recollerán documentos audiovisuais en formatos CD ou DVD.
O prazo para facer estas doazóns rematará o 31 de xullo, xa que con posterioridade á doazón, o material debe ser catalogado polo persoal do obradoiro, xunto ás...
leer más
A asociación cultural de sendeirismo Camiñantes e Camiños de Barreiros organiza o vindeiro 12 de marzo un Domingo de Ruta e Cocido. Será por Negueira de Muñiz.
O presidente do colectivo, José Manuel Gómez Puente, explica que “sairemos ás oito da mañá de Barreiros, a carón do centro de saúde. Cando cheguemos a Negueira de Muñiz visitaremos a partir das dez da mañá o encoro e despois faremos unha pola zona ata o miradoiro que está situado na cola do encoro. E remataremos a xornada cun xantar no restaurante Vizcaín, alí en Negueira de Muñiz”.
Gómez Puente indica que “o menú consistirá en sopa, cocido tradicional, bodega, postre e café. O prezo para os socios será de 40 euros e para os non socios de 45 euros”.
E engade: “agardamos disfrutar dun bo domingo, en plena natureza na montaña de...
leer más
O Concello de Barreiros encherá de cor as árbores e demais mobiliario urbano da súa praza para conmemorar o 8 de marzo, día internacional das mulleres.
A iniciativa promovida desde a administración local consistirá en “ vestir” unha das árbores situada na Praza do Concello e parte dos enseres urbanos con pezas tecidas principalmente polas mulleres barreirenses que, de xeito interxeracional, colaborarán entre si para lograr o obxectivo común de embelecer e humanizar os espazos públicos.
A concelleira de igualdade, Montse Porteiro, explica que “esta actividades está enmarcada dentro do programa + Igualdade Barreiros e pretende facer das nosas prazas e espazos públicos lugares máis cálidos e acolledores, enchelos de vida e ao mesmo tempo conmemorar este día poñendo no centro ás mulleres.” Segundo explica...
leer más
A Feira de San Rosendo, enSan Miguel de Reinante, no Concello de Barreiros, celebrarase os vindeiros 4 e 5 de marzo.
As actividades arredor desta feira de gando, que viña celebrándose un día, alónganse durante a fin de semana co impulso da comisión organizadora, que conta co apoio do Concello de Barreiros e da área de Medio Rural da Deputación de Lugo.
Así, a tradicional feira de gando e artesanía, o domingo a partir das 9.30 horas na Praza de San Miguel, refórzase cunha axenda lúdica que comeza o sábado, con sesión vermú, un aberto de billarda e verbena, e continúa o mesmo día da feira con varias actividades paralelas como un concurso morfolóxico cabalar de Pura Raza Galega, unha carreira de andadura de cabalo marchador galego nas categorías serrada e chapeada e unha ximkana de xogos ecuestres.
... leer más
O Concello de Barreiros, a través do seu programa +Igualdade Barreiros organiza a segunda edición doa Escola de Familias baixo o lema “ Educa,acompaña e alenta”. Estes obradoiros queren dar continuidade ao traballo comezado o pasado ano coas familias e que foi enormemente útil e satisfactorio para elas.
A Escola de Familias é un proxecto educativo baseado na Disciplina Positiva e que se centra na idea de formar ás familias e docentes para educar mellor ás crianzas, apostando por un trato respectuoso e amable pero evitando a permisividade.
A Concelleira de Igualdade, Montse Porteiro,explica que nesta segunda edición dos obradoiros poderán participar tamén as crianzas das familias inscritas de xeito que , por unha banda tentaremos introducir métodos vivenciais para que as familias entren no mundo das e dos nenos...
leer más
O Concello de Barreiros organiza para este Entroido unha semana de actividades para todas as idades. Na presente edición colaborarán co Concello na organización a comisión de festas do San Bartolo e as comparsas Os Macanudos e Habelas Hainas recuperando a cea e a festa no pavillón municipal, que fora adiada por mor da pandemia os anos anteriores.
No desfile, que terá lugar na noite do 24 de febreiro, repartiranse 1000 euros en premios entre as distintas categorías do desfile que serán entregados durante a festa posterior no pavillón.
Actividades infantís previas ao desfile
As crianzas poderán gozar neta ocasión de dúas actividades diferentes. O domingo 19, ás 18h, será a festa infantil de disfraces no centro social con xogos, música e a visita dos cabezudos. O mércores 22 será a quenda...
leer más
A inicitiva terá lugar entre os días 14 e 19 de febreiro en bares, restaurantes e aloxamentos da asociación de Hostelería de Barreiros.
Febreiro é o mes do amor, ou polo menos así o marca o calendario anual. O mes comeza co casamento dos paxariños pola Candeloria e segue co tan tradicional San Valentín cada 14 deste mes, unha data sinalada no almanaque social e ocasión na que moitas persoas demostran o amor a quen os acompaña.
E é aproveitando esta celebración do amor na que parte da hostelería barreirense ven de idear unha iniciativa na que o agasallo o poñen os mesmos locais. Un detalle que non é elixido de maneira casual senón que representa moi ben o bo augurio entre outros, no amor. O famoso “bítere”, tan propio de praias barreirenses, engarzado de maneira artesanal e formando así un colgante será a “xoia...
leer más
A parroquia de Santiago de Reinante, no municipio de Barreiros, celebra a súa Festa do Cocido o día 11 de febreiro, sábado, a partir das 14:00 horas. Está organizado pola Asociación Benéfico Cultural Hijos de San Miguel y Reinante.
Será nos locais das antigas escolas de Santiago de Reinante e o menú é o seguinte: aperitivos de benvida, codio galego, postre, café e chupito. A continuación haberá baile.
O prezo por persoa é de 20 euros e para asistir hai que anotarse a través do teléfono 679.055.148 ou comunicándollo a calquera membro da xunta directiva da asociación organizadora ata o 8 de febreiro.
Os organizadores do evento din: “se queres disfrutar deste manxar da gastronomía galega e pasar unha boa tarde non o dubides, anótate xa”.
A asociación cultural de sendeirismo Camiñantes e Camiños, de Barreiros, organiza a Ruta de San Sebastián, que terá lugar o vindeiro sábado, 21 de xaneiro. Colaboran a asociación cultural A Parrala e Barreiros Mar e Monte.
O presidente de Camiñantes e Camiños, José Manuel Gómez Puente, explica que “sairemos ás dez da mañá desde o campo da festa da Rilleira para percorrer 8 quilómetros polo Val de Cabarcos. Imos visitar a casa do antigo Concello, as ruínas da cárcere e a casa da notaría de San Xiao de Cabarcos e tamén a capela de San Sebastián da Rilleira. Queremos aproveitar esta ruta para coñecer un pouco máis da cultura do noso municipio”.
Gómez Puente sinala que “para as doce e media está previsto o remate da ruta a carón da Capela de San Sebastián, onde ofrecermos un pincheo aos asistentes. E despois á unha e...
leer más
A XI Festa dos Callos, que terá lugar en Vilamar o 14 de xaneiro, está organizada pola comisión de festas de Vilamar, que conta coa colaboración da Xunta de Galicia, da Deputación de Lugo e do Concello de Barreiros.
O evento será no campo da festa nun local pechado, que contará con calefacción. O menú consistirá en callos, costela asada con pementos e patacas, postre, viños, auga, refrescos, café e chupito. O prezo é de 28 euros por persoa. As nenas e os nenos de 6 a 12 anos pagarán 14 euros. A data límite para anotarse é o 10 de xaneiro.
A festa estará amenizada polo dúa Somos Latinos e pola discomóvil Onda Norte.