Barreiros
O Festival do Emigrante, que se celebrará este sábado, chega á súa XXXIX edición, despois de dous anos nos que non se puido celebrar pola situación sanitaria.
Nesta ocasión, a cita folclórica organizada pola Agrupación Folclórica O Arco da Vella e o Concello de Barreiros, contará con grupos chegados de Georgia e México. A cita terá lugar a partir das 22 horas, no pavillón do CEIP de San Miguel, a onde se decidiu trasladar debido á inestabilidade meteorolóxica. Alí actuarán “The Ensemble University Fliying Georgians” e a “Compañía de Danza Folclórica Tierras Mexicanas”, xunto coa agrupación local O Arco da Vella.
O presidente da agrupación folclórica, Enrique Penabad, sinala que esta é “a cita máis importante do ano para quen compoñen a agrupación, pola visibilidade internacional e porque é un momento de emoción...
leer más
Ariadna Rocha, a asociación cultural de sendeirismo Camiñantes e Camiños de Barreiros e o Centro de Instrucción y Recreo de Benquerencia organizan durante o mes de agosto un taller de lingua de signos e comunidade xorda de nivel A1-A2. Dará comezo o día 2 e será impartido por Ariadna Rocha Fernández no Canteiro, en Benquerencia.
O obradoiro será de luns a xoves das 19:00 a 20:30 horas. Ariadna Rocha explica que “eu estudei en Madrid lingua de signo e comunidade xorda, e falando con José Manuel Gómez Puente das necesidades de accesibilidade en todos os ámbitos, do esquecida que está a comunidade xorda por aquí, xurdiu a idea de facer este curso, aínda que sexa de iniciación, para non solo aprender a lingua senón entender a comunidade, entender as necesidades das persoas xordas e entrar un pouco neste mundo tan bonito”.
... leer más
Da man do xeólogo Francisco Canosa os asistentes realizarán de maneira didáctica, un paseo polo litoral entre furnas, pregues, intrusións de rochas magmáticas e mesmo restos fósiles que non os deixarán indiferentes.
O percorrido dará comezo na praia de Arealonga e rematerá na de Fontela-Valea, a duración será de 3,5 horas e a distancia lineal de 3,5 quilómetros (NON inclúe regreso ao punto de partida). A dificultade é moderada.
Desde a organización recomendan levar roupa e calzado cómodos (calzado deportivo ou de trekking) e adaptados ás condicións meteorolóxicas, protección solar, auga, algo para picar (froita, froitos secos, etc), mascarilla, xel hidroalcohólico.
Nota: camiñarase sobre area e zonas rochosas.
As persoas interesadas poden atopar máis...
leer más
A asociación Camiñantes e Camiños, de Barreiros, organiza a Romaría de Santo Estevo do Ermo, que terá lugar este sábado, 2 de xullo.
O presidente do colectivo, José Manuel Gómez Puente, explica que “a Romaría de Santo Estevo do Ermo é unha tradición de moitos anos que os veciños e veciñas de Barreiros teñen moi presente e despois da pandemia, de dous anos sen haber festa, neste 2022 a Asociación Cultural de Sedeirismo de Barreiros xunto co equipo de fútbol Celta Barreiros e coa colaboración de Barreiros Mar e Monte organizamos e propoñemos un sábado cheo de actividades. Por exemplo, ás 10:00 da mañá imos facer unha ruta a pé dende a praza do Concello ata a Capela de Santo Estevo do Ermo. Aos participantes imos entregarlles gorras e pañoletas”.
Sobre o programa Gómez Puente conta que “haberá misa cantada polo...
leer más
A asociación Camiñantes e Camiños, de Barreiros, rematou a súa peregrinación a Santiago por etapas semanais a través do Camiño Inglés.
O presidente do colectivo, José Manuel Gómez Puente, contou que “cincuenta e dous veciños da Mariña, a maioría do concello de Barreiros, pero tamén de Foz, Ribadeo e Trabada rematamos a peregrinación a Santiago de Compostela. Neste 2022 realizamos o Camiño Inglés a pe dende Ferrol, 113 quilómetros divididos en sete etapas de 17 quilómetros cada unha”.
Gómez Puente subliñou que “foron etapas moi intensas e como mariñáns, o mar danos vida, e durante as primeiras etapas: Ferrol, Neda, Pontedeume, Betanzos… fomos a carón do mar cargando as pilas polo que pasamos de facer os 17 quilómetros previstos nestas tres primeiras etapas a facer 20 das tres seguintes para así realizar a última...
leer más
A asociación Camiñantes e Camiños, de Barreiros, rematará o vindeiro sábado, 11 de xuño, a súa peregrinación a Santiago por etapas semanais a través do Camiño Inglés.
A pasada fin de semana realizaron a penúltima, que foi a comprendida entre A Rúa e Sionlla de Arriba. O presidente do colectivo, José Manuel Gómez Puente, explicou que “foi unha etapa de 22 quilómetros e onde puidemos comprobar que cada vez estamos máis preparados fisicamente e coa ilusión de chegar a Santiago de Compostela”.
O vindeiro sábado, 11 de xuño, rematará esta peregrinación a través do Camiño Inglés: “faremos a última etapa ata Santiago, que ten un percorrido de 8 quilómetros. E entraremos na Catedral pola Porta Santa e asistiremos á misa do peregrino. Agardamos que poida asistir todo o grupo e así culminar como se merece esta...
leer más
Esta mañá tivo lugar no Concello de Barreiros a presentación do “Campus de Verán Fundación Celta by Cabreiroá 2022”. Ao acto acudiron a alcaldesa de Barreiros, Ana Ermida; o concelleiro de dinamización e participación veciñal, Daniel García; o director da Fundación Celta de Vigo, Germán Arteta e membros das directivas dos equipos locais que colaboran co evento cedendo as súas instalacións.
O campus está dirixido a crianzas de 4 a 16 anos do municipio ou de fóra del que poderán mellorar a súa formación futbolísticas empregando metodoloxías lúdico-educativas de adestramento da canteira do RC Celta. Todo acompañado de aprendizaxes referentes á educación integral, aos valores de compañeirismo e superación.
O campus chega a Barreiros na semana do 1 ao 5 de agosto. Do 1 ao 3 no campo de As Valgas e do 4 ao 5 no campo O...
leer más
A asociación Camiñantes e Camiños, de Barreiros, realizou o pasado sábado a cuarta etapa do Camiño Inglés entre Betanzos e Santo Tomé de Vilacoba.
O presidente do colectivo, José Manuel Gómez Puente, explicou que “foi unha etapa intensa de subidas que grazas a unha climatoloxía benigna, boa temperatura e o ceo nubrado fixo que non fose tan dura como a anterior. Todos chegamos ao final da etapa, onde destacamos a hospitalidade do restaurante Casa Julia, A Pequeniña, que ao chegar nos ofreceron filloas como aperitivo”. E engadiu que “como en todas as etapas anteriores reina a solidariedade e o compañeirismo entre os participantes”.
A vindeira etapa terá lugar o 28 de maio. Os peregrinos percorrerán o treito comprendido entre Santo Tomé de Vilacoba e A Rúa.
A asociación Camiñantes e Camiños, de Barreiros, realizou onte a terceira etapa do Camiño Inglés. 46 persoas percorreron o treito comprendido entre Pontedeume e Betanzos.
O presidente do colectivo, José Manuel Gómez Puente, explicou que “foi unha etapa dura, de subidas e baixadas, e longa, de 19 quilómetros, polo que chegamos cansados. Pasamos por zonas moi boscosas con subidas importantes. Saímos de Pontedeume e chegamos a Betanzos, onde acabamos a xornada cunha comida no restaurante El Arrozal, que estivo moi ben. Tivemos bo tempo porque foi un día de sol”.
E engadiu que “participamos 46 peregrinos da Mariña, sobre todo de Barreiros, Ribadeo, Trabada e Foz. Nesta etapa recibimos a visita da xefa de área provincial de Turismo en Lugo, Paloma Vázquez, que é desa zona, concretamente de Cabanas, xa que grazas a ela...
leer más
No día de hoxe tivo lugar a presentación da Aula Mentor de Barreiros.Un proxecto acadado mediante o convenio que o Concello de Barreiros subscribiu co Ministerio de Educación e Formación Profesional para o desenvolvemento de formación aberta, denominado “Aula Mentor”.
No acto estiveron presentes a subdelegada do Goberno, Isabel Rodríguez, a alcaldesa de Barreiros, Ana Ermida, e os concelleiros Carmen Veiga e Antonio Veiga. Tamén contouse coa presencia de Manuel Pérez, empregado municipal, que actuará como responsable do proxecto da Aula Mentor en Barreiros.
Aula Mentor é un programa educativo flexible a través de internet co obxectivo de promover ofertas de aprendizaxe que permitan a adquisición de unidades competencia, e no seu caso, as correspondentes cualificacións profesionais para favorecer o acceso o...
leer más