Charla
O mércores, 14 de xuño, ás oito e media da tarde estará na Librería Bahía Octavio Beares para falar do cómic galego.
Octavio Beares é autor do libro A historia do cómic en Galicia, publicado por Galaxia, no que fai un repaso da contribución galega a esta arte, na que destaca nas últimas xeracións Miguel Anxo Prado ou Isaac Rubín, ambos merecedores de premios a nivel estatal. Ademais é crítico de cómic no Faro de Vigo, cidade na que reside habitualmente e cofundador da revista Cuco, cadernos de cómic.
Beares exerce como profesor no ensino medio e actualmente está dando aulas no Insitituto de Foz.
A agrupación Francisco Lanza, de Ribadeo, está a preparar unha charla coloquio sobre os medios de comunicación públicos galegos “e a súa necesaria neutralidade e profesionalidade. Convidamos ao Comité Intercentros da CRTVG para poder realizar tal charla coloquio e acordaron enviar uns representantes do mesmo para informarnos da situación das radio e televisión públicas galegas”, explican desde a organización.
O acto vaise realizar o vindeiro 5 de maio, na Casa do Viejo Pancho, ás 20:30 horas.
Con Francisco Lanza colabora o Concello de Ribadeo.
O próximo martes, 4 de abril, ás 20:30 horas estará na Libraría Bahía a autora focega Luisa Castro “coa que falaremos da súa última novela Sangre de horchata, que ven de publicar a editorial Alfaguara e do seu poemario Un amor antigo editado por Galaxia a finais do ano pasado”.
Luisa Castro é unha autora fundamental na literatura galega, que iniciou un cambio na poesía dos anos 80 sendo precursora da renovación da poesía galega do momento. Como novelista escribiu sempre en castelán e conta con varios premios do panorama literario español como o premio Azorín ou o finalista do importante premio Herralde. En poesía tamén acadou o premio Hiperión.
Estes últimos anos visitou a poesía en castelán, pero levaba moito tempo sen escribir poesía en galego e sen escribir narrativa, polo que estas dúas obras que sairon ao...
leer más
Vaise desenvolver o venres, 24 de marzo, Ás 19.30 horas no Salón de Actos do Centro Cívico. A charla vaina impartir María González Cociña.
María González Cociña, matrona burelense, formada en Barcelona no ano 2014. Acompaña ás mulleres ao longo da súa vida, dende a adolescencia á menopausia e é unha gran apaixonada so seu traballo.
Está formada en solo pelviano e coa súa charla pretende transmitir a importancia do coidado do mesmo, no día a día, para evitar e mellorar posibles molestias do presente ou do futuro, mellorando moito a calidade de vida.
Ela transmite que, ter perdas de ouriña, dor nas relacións sexuais ou infeccións recurrentes non é normal e ten solución.
A charla está aberta a todo o mundo en xeral que essté interesado neste tema.
A asociación Mariña Patrimonio organiza para o 11 de marzo a conferencia O castro de Rueta. Resultados das investigacións arqueolóxicas de mínima invasión, na que o arqueólogo David González Álvarez, investigador do Instituto de Ciencias do Patrimonio (INCIPIT), CSIC, dará a coñecer os resultados das investigacións arqueolóxicas iniciadas o pasado mes de novembro no castro de Rueta (Cervo, Lugo).
A conferencia, que dará comezo ás 12.00H, terá lugar na Casa da Administración de Sargadelos e a súa entrada será libre e gratuíta.
A intervención arqueolóxica en Rueta, que contou co apoio da Vicepresidencia da Deputación de Lugo e do Concello de Cervo, estivo a cargo dun equipo do Consello Superior de Investigacións Científicas (CSIC),coordinado por David González Álvarez (Instituto de Ciencias do Patrimonio) e por...
leer más
O concelleiro de Deportes, Ramiro Fernández, anima a asistir á charla sobre o fútbol sala feminino, que terá lugar o 27 de xaneiro, en Burela. Será ás seis da tarde no auditorio. A actividade enmárcase na Supercopa de España que se celebrará durante a fin de semana na vila.
O edil burelés anima “a todas as asociacións deportivas e culturais, a todos os colectivos de Burela e da comarca que sexan amantes do deporte, e mais concretamente do fútbol sala, a asistir a esta charla-coloquio na que serán protagonistas as xogadoras dos clubs que participan na Supercopa de España”.
Ramiro Fernández subliña “a importancia que ten para Burela a celebración da Supercopa de España de fútbol sala feminino, que nos volve poñer no mapa e que suporá unha fin de semana importante para o sector hostaleiro da nosa vila polos equipos...
leer más
Mariña Patrimonio organiza para o vindeiro sábado 17 ás 12:00 unha charla na Casa da Administración de Sargadelos na que se presentarán os datos obtidos trala escavación realizada polo Gabinete de Arqueoloxía e a Universidade de Santiago de Compostela no ano 2020 no lugar do Coído (Cervo, Lugo). A conferencia correrá a cargo das arqueólogas María Martín Seijo e María José Bóveda Fernández, responsables da escavación e do estudo realizado neste sitio arqueolóxico. O estudo en laboratorio, e a realización dunha datación por luminiscencia dun dos fragmentos cerámicos achados no xacemento, permítelles ás autoras deste traballo realizar para todo o conxunto unha proposta de adscrición cronolóxica na Idade do Bronce.
A intervención arqueolóxica, promovida pola asociaciación socioculural Mariña Patrimonio, foi subvencionada cunha axuda da...
leer más
O luns, 28 de novembro, ás oito e media da tarde, no marco das actividades do club de lectura A carón dos libros, na Libraría Bahía contarán coa presenza da escritora e académica María López Sández “coa que compartiremos conversa sobre a súa novela O faro escuro”, explican.
Esta é unha actividade aberta e gratuíta para todo o público que se queira achegar á libraría. Antes, esa mesma tarde, María estará no IES de Foz conversando co alumnado.
Os organizadores sinalan que “despois do éxito da anterior charla sobre a situación política internacional, a Agrupación Cultural Francisco Lanza organiza un novo acto para abordarmos a defensa do noso patrimonio toponímico realizando unha charla-coloquio sobre o nome da Ría de Ribadeo. Será este xoves, 17 de novembro, ás 20,00 horas, na Casa do Viejo Pancho. Participarán, Fernando Suárez Barcia, alcalde de Ribadeo, Marcos Maceira, presidente da Mesa pola Normalización Lingüística, e o noso compañeiro da Agrupación, que tanto ten colaborado connosco en distintas actividades, Francisco Campos Dorado, mariño mercante xubilado, e estudoso do noso patrimonio”.
Desde Francisco Lanza engaden que “en paralelo, o Concello de Ribadeo organiza unha exposición sobre documentación que acredita na tradición do nome da Ría de Ribadeo, durante a semana...
leer más
O Concello organiza unha charla informativa sobre como mellorar a factura da luz e do gas. Será o 28 de outubro ás 20:30 horas no Teatro. Será impartida por Emilio García, técnico de instalacións e profesional independente.
O alcalde, Fernando Suárez, sinalou que “a segunda cuestión de hoxe é axudar á cidadanía a entender a factura do gas e da luz que todos pagamos, e moitos de nós, empezando por quen está a falar, temos moitas dúbidas e moitas preguntas que non teñen fácil resposta. A cidadanía recibimos mensaxes dos mercados libres, mercados regulados, tarifas de último recurso. Chamamos a teléfonos de compañía que non nos collen, mandamos correos que non respondan, etc, etc”.
O rexedor contou que “para iso que organizamos unha charla informativa aberta sobre como mellorar a factura do gas e da luz. Queremos...
leer más