Charla
A asociación socio-educativa Antonio Gandoy organiza unha charla titulada Crianza respectuosa que se celebrará o mércores da vindeira semana, día 11 de setembro, no Centro de Interpretación da Mariña (CENIMA), en Foz.
A charla será impartida por Olaia Otero Cao, mestra de educación infantil, facilitadora de disciplina positiva e orientadora familiar da asociación Antonio Gandoy. O horario da actividade será de 17:00 a 18:30 horas e o prezo de 15 euros por persoa e 20 euros por familia.
As persoas interesadas poden obter máis información e facer a reserva no teléfono 679 143 620 ou en olaiacao@gmail.com
A conferencia está dirixida a familias con nenos/as de 0 a 6 anos e persoas que busquen un espazo onde aprender, compartir, resolver dúbidas e...
leer más
O próximo 29 de agosto ás 20:30 horas terá lugar no Claustro do Mosteiro de San Salvador de Vilanova de Lourenzá un acto especial para conmemorar o 50 aniversario da súa declaración como Ben de Interese Cultural (BIC).
Javier Gómez Darriba, doutor en Historia da Arte pola Universidade de Santiago de Compostela, ofrecerá unha charla titulada "San Salvador de Vilanova de Lourenzá no 50 aniversario da súa declaración como BIC. Historia e Arte dun mosteiro benedictino".
A actividade está organizada pola asociación Conde Santo.
A Irmandade Santo Estevo, Mariña Patrimonio e a Fundación Eira da Xoana (ADEGA), organizan para este venres, 19 de xullo, unha charla encontro sobre a fraga de Santo Estevo do Ermo e os seus restos arqueolóxicos. Será ás 20:00 horas no salón de actos do Centro Sociocultural de Barreiros.
Este encontro ten como finalidade informar sobre o proceso de adquisicón da parcela onde se atopan os restos arqueolóxicos así como debater e intercambiar ideas sobre a ampliación da fraga de Santo Estevo do Ermo e a revalorización deste xacemento medieval.
O vindeiro venres, 12 de xullo, terá lugar unha Xornada de Degustación e Promoción Viños IXP Terras do Navia que a partir das 17:00 horas da tarde nos Colexios Vellos de San Miguel de Reinante, dentro do marco de colaboración establecido entre AGV (Asociación Galega de Viticultura), integrada na FRUGA (Federación Rural Galega) e na que tamén participa e colabora directamente o Concello de Barreiros.
Haberá a charla coloquio Manual de Boas Prácticas Vitivinícolas da IXP Terras de Navia na que intervirán Xosé Antonio Meixide, de Adega Bordel, e Manuel Cancio, de Adega Panchín.
E para as 18:10 horas está prevista unha cata comentada dos viños da IXP Terras do Navia. Na mesma participará o sumiller Martiño Santos.
A charla está dirixida, sobre todo, ás familias con fillas e fillos con idades comprendidas entre os 14 e os 18 anos, así como a calquera persoa interesada neste tema.
“A industria do tabaco ve como descenden ás súas ganancias debido a caída en picado da venda dos cigarros convencionais. Para paliar isto, lanza novos produtos e mediante diferentes tácticas intentan inculcar á sociedade coa percepción errónea de baixo risco para a saúde destes novos dispositivos, os famosos vapers, por exemplo. A última enquisa ESTUDES 2023 publica que os menores de entre 14 e 18 anos xa probaron en algún momento estes produtos”, son palabras de Noa Rey Torres, farmacéutica, especialista en tabaquismo e secretaria da Sociedade Española de Especialistas en Tabaquismo, que estará o vindeiro xoves, 30 de maio, ás 20:00 horas no Centro Social (ao lado do...
leer más
O Concello de Burela organiza, coa colaboración da Garda Civil, unha charla para previr as estafas a través do teléfono móbil. Será o luns 6 de maio ás 19:00 horas no salón de plenos da Casa do Concello.
Esta actividade forma parte do Plan Maior de Seguridade.
A aula Cemit do Vicedo acollerá unha sesión formativa práctica gratuíta titulada “Ciberseguridade, os teus primeiros pasos”. Será o luns 29 de abril de 18:00 a 20:00 horas.
As prazas son limitadas e as persoas interesadas poden inscribirse na propia aula CeMIT, a través do teléfono 982.590.195 ou do correo electrónico cemit.ovicedo@gmail.com.
O Concello de Xove, a través das delegacións municipais de Servizos Sociais e de Medio Ambiente, organiza unha quedada para recoller residuos impropios na zona costeira do municipio. Será este domingo, 21 de abril, de 11 a 15 horas.
A actividade comezará cunha charla impartida pola asociación A Mariña sen plástico, que será ás 11:00 horas.
As persoas interesadas en participar deben inscribirse na Oficina Municipal de Información Xuvenil (OMIX) de Xove ou a través do teléfono 982.571.816. O prazo remata este sábado, 20 de abril.
Burela acolle unha charla sobre nutrición para a prevención e durante o tratamento oncolóxico. Será no salón de conferencias da antiga biblioteca este xoves, día 18 de abril, ás 17:30 horas.
Intervirán Begoña Pintor de la Maza e María Castro Penalonga, graduadas en Nutrición Humana e Dietética e traballadoras na atención primaria.
Organiza o acto a Asociación Española Contra o Cancro en Lugo e non é necesaria a inscrición previa.
O comisario da mostra, Vicente Peña Saavedra, ofreceu o día da apertura, o pasado 6 de abril, unha conferencia titulada: “Luces de Porvir para Devesos. O refulxir escolar abafado pola intolerancia”.
Desde Nordés explican que “podedes atopar unha imaxe da Sociedad de Instrucción y Recreo La Devesana no calendario que entregamos ás persoas que deciden asociarse a Nordés durante o 2024”.
E subliñan: “non só paga a pena achegarse a ver o edificio, senón tamén as actividades que realiza a veciñanza mes tras mes, nun espazo territorial resultado do contexto sociocultural e económico de comezos do século XX”.
Para o 26 de abril está prevista unha charla do profesor Narciso de Gabriel Fernández, da UDC: “Os mestres mortos daquel verán: Rafael Fernández Casas”. Será ás 19:00 horas .